ಪ್ರಸಕ್ತ ಹಣಕಾಸು ವರ್ಷದಲ್ಲಿ ಒಟ್ಟು ರೂ. 90,000 ಬಂಡವಾಳ ಹಿಂತೆಗೆತದ ಗುರಿಯನ್ನು ಕೇಂದ್ರ ಸರಕಾರ ಹೊಂದಿದೆ. ಸರಕಾರವು 2018-19ರಲ್ಲಿ ರೂ. 84,972 ಕೋಟಿ ಬಂಡವಾಳವನ್ನು ವಾಪಸ್‌ ಪಡೆದಿತ್ತು. ಇದು ಬಜೆಟ್‌ ಗುರಿಗಿಂತಲೂ (80,000 ಕೋಟಿ ) ಹೆಚ್ಚಾಗಿದೆ.

ಸರಕಾರಿ ಒಡೆತನದ ಎನ್‌ಟಿಪಿಸಿಯ ಉದ್ಯಮ ಘಟಕಗಳನ್ನು ಮತ್ತು ಭೂಮಿಯನ್ನು ಗುರುತಿಸಲಾಗಿದೆ. ಇದಕ್ಕಾಗಿ ನೀತಿ ಆಯೋಗವು ಈ ಕಂಪನಿಗಳ ಆಸ್ತಿಗಳನ್ನು ಮಾರಾಟ ಮಾಡುವ ಮೂಲಕ ಬಂಡವಾಳ ಹಿಂತೆಗೆತಕ್ಕೆ ಶಿಫಾರಸು ಮಾಡಿದೆ.
ನೀತಿ ಆಯೋಗವು ಬಂಡವಾಳ ಹಿಂತೆಗೆತಕ್ಕೆ ಶಿಫಾರಸು ಪಟ್ಟಿಯನ್ನು ಹೂಡಿಕೆ ಮತ್ತು ಸಾರ್ವಜನಿಕ ಆಸ್ತಿ ನಿರ್ವಹಣೆ ಇಲಾಖೆಗೆ (ಡಿಐಪಿಎಎಂ) ಕಳುಹಿಸಿದೆ.
ನೀತಿ ಆಯೋಗದ ವರದಿಯು, ಸಾರ್ವಜನಿಕ ವಲಯದ ಕಂಪನಿಗಳು ಮಾರಾಟ ಪ್ರಕ್ರಿಯೆಗೆ ಚಾಲನೆ ನೀಡಲು ನೆರವಾಗಲಿದೆ. ನೀತಿ ಆಯೋಗದ ಸಿಇಒ ಅಮಿತಾಭ್‌ ಕಾಂತ್‌ ಅವರು ನೋಡಲ್‌ ಸಚಿವಾಲಯಗಳ ಕಾರ್ಯದರ್ಶಿಗಳ ಜೊತೆ ಮಾತುಕತೆ ನಡೆಸಿ ಪಟ್ಟಿಯನ್ನು ತಯಾರಿಸಿದ್ದಾರೆ.