ಎಕ್ಸ್‌ಪ್ರೆಸ್‌ ರೈಲುಗಳಲ್ಲಿ ಇನ್ಮುಂದೆ ತಿಂಡಿ-ಊಟ ದುಬಾರಿ

ಭಾರತೀಯ ರೈಲ್ವೇ ಪ್ರಯಾಣಿಕರಿಗೆ ಬೆಲೆ ಏರಿಕೆಯ ಬಿಸಿ ಮುಟ್ಟಿಸಲಿದೆ. ಮುಂದಿನ ಬಾರಿ ನೀವು ರೈಲಿನಲ್ಲಿ ಪ್ರಯಾಣಿಸುವಾಗ ಕಾಫಿ-ಟೀ ಅಥವಾ ಊಟಕ್ಕೆ ಹೆಚ್ಚಿನ ಬೆಲೆ ತೆರಬೇಕಾಗುತ್ತದೆ.

ಪ್ರವಾಸೋದ್ಯಮ ನಿರ್ದೇಶಕರು ಮತ್ತು ರೈಲ್ವೆ ಮಂಡಳಿಯ ಅಡುಗೆ ವಿಭಾಗ ಗುರುವಾರ ಹೊರಡಿಸಿರುವ ಸುತ್ತೋಲೆಯ ಪ್ರಕಾರ ರಾಜಧಾನಿ, ಶತಾಬ್ದಿ, ಡುರೊಂಟೊ ಎಕ್ಸ್‌ಪ್ರೆಸ್‌ನಲ್ಲಿ ಹಣ ಪಡೆದು ಪಾವತಿಸಲಾಗುವ ಆಹಾರದ ಬೆಲೆಯನ್ನು ಹೆಚ್ಚಿಸಲಾಗುವುದು ಎಂದು ತಿಳಿಸಿದೆ.

ರಾಜಧಾನಿ, ಶತಾಬ್ದಿ, ಡುರೊಂಟೊ ಎಕ್ಸ್‌ಪ್ರೆಸ್‌ನಲ್ಲಿ ದರ ಪರಿಷ್ಕರಣೆಯ ಬಳಿಕ ಒಂದು ಕಪ್ ಟೀ ಬೆಲೆ 10 ರುಪಾಯಿಯಿಂದ 20ಕ್ಕೆ ಏರಿಕೆಯಾಗಲಿದೆ. ಡೊರೊಂಟೊ ಎಕ್ಸ್‌ಪ್ರೆಸ್‌ನಲ್ಲಿ ಮಧ್ಯಾಹ್ನದ ಊಟ ಅಥವಾ ರಾತ್ರಿ ಊಟ 80 ರುಪಾಯಿಯಿಂದ 120 ರುಪಾಯಿಗೆ ಏರಿಕೆಯಾಗಲಿದೆ. ಸಂಜೆ ನೀಡಲಾಗುವ ಟೀ ಬೆಲೆಯು ಮತ್ತಷ್ಟು ದುಬಾರಿಯಾಗಲಿದ್ದು, 20 ರಿಂದ 50 ರುಪಾಯಿಗೆ ಪರಿಷ್ಕರಣೆಯಾಗಲಿದೆ.

14 ವರ್ಷಗಳ ಬಳಿಕ ಎಕ್ಸ್‌ಪ್ರೆಸ್‌ ರೈಲುಗಳಲ್ಲಿ ಆಹಾರದ ದರ ಹೆಚ್ಚಿನ ಮಟ್ಟದಲ್ಲಿ ಪರಿಷ್ಕೃತವಾಗುತ್ತಿದೆ. ಈ ಪರಿಷ್ಕೃತ ದರಗಳನ್ನು ಟಿಕೆಟಿಂಗ್ ವ್ಯವಸ್ಥೆಯಲ್ಲಿ 15 ದಿನಗಳಲ್ಲಿ ನವೀಕರಿಸಲಾಗುವುದು ಮತ್ತು 120 ದಿನಗಳ ನಂತರ ಅನ್ವಯವಾಗಲಿದೆ.

ರಾಜಧಾನಿ, ಶತಾಬ್ದಿ, ಡುರೊಂಟೊ ಎಕ್ಸ್‌ಪ್ರೆಸ್‌ನಲ್ಲಿ ತಿಂಡಿ-ಊಟ ಪರಿಷ್ಕೃತ ದರ ಹೇಗಿದೆ ಎಂಬುದರ ವಿವರಣೆ ಈ ಕೆಳಗಿದೆ.

ರಾಜಧಾನಿ, ಶತಾಬ್ದಿ, ಡುರೊಂಟೊ ಎಕ್ಸ್‌ಪ್ರೆಸ್‌

ಫಸ್ಟ್ ಕ್ಲಾಸ್ ಎಸಿ (First class AC/EC)
	ಸದ್ಯದ ದರ	ಬದಲಾವಣೆ ದರ
ಬೆಳಗ್ಗಿನ ಟೀ	15	35
ತಿಂಡಿ	90	140
ಊಟ	145	245
ಸಂಜೆ ಟೀ	75	140

90 ರುಪಾಯಿ ಆಗಲಿದೆ ಸಂಜೆ ಟೀ

ಸೆಕೆಂಡ್ ಎಸಿ (2AC/3AC/CC)
	ಸದ್ಯದ ದರ	ಬದಲಾವಣೆ ದರ
ಬೆಳಗ್ಗಿನ ಟೀ	10	25
ತಿಂಡಿ	75	105
ಊಟ	125	185
ಸಂಜೆ ಟೀ	45	90

ಸ್ಪೀಪರ್ ಕ್ಲಾಸ್‌ನಲ್ಲಿ ಸ್ವಲ್ಪ ನೆಮ್ಮದಿ ದರ

ಸ್ಪೀಪರ್ ಕ್ಲಾಸ್ ಡುರೊಂಟೊ ಎಕ್ಸ್‌ಪ್ರೆಸ್
	ಸದ್ಯದ ದರ	ಬದಲಾವಣೆ ದರ
ಬೆಳಗ್ಗಿನ ಟೀ	10	15
ತಿಂಡಿ	40	65
ಊಟ	80	120
ಸಂಜೆ ಟೀ	20	50

ಸ್ವಲ್ಪ ಮಟ್ಟಿನ ಏರಿಕೆ ಕಾಣಲಿರುವ ಎಕ್ಸ್‌ಪ್ರೆಸ್

ಇತರೆ ಎಕ್ಸ್‌ಪ್ರೆಸ್ ರೈಲುಗಳಲ್ಲಿ
	ಸದ್ಯದ ದರ	ಬದಲಾವಣೆ ದರ
ಬೆಳಗ್ಗಿನ ಟೀ	30	40
ತಿಂಡಿ	35	50
ಊಟ	50	80
ಸಂಜೆ ಟೀ	55	90