ಎಲ್‌ಐಸಿ ಮಾರುಕಟ್ಟೆ ಮೌಲ್ಯ ರೂ. 80,000 ಕೋಟಿಗಿಂತ ಅಧಿಕ ಕುಸಿತ

ಸರ್ಕಾರಿ ಸ್ವಾಮ್ಯದ ವಿಮಾ ದೈತ್ಯ ಜೀವ ವಿಮಾ ನಿಗಮದ (ಎಲ್‌ಐಸಿ) ಮೌಲ್ಯವು ಅದರ ವಿತರಣೆಯಿಂದ ರೂಪಾಯಿ 80,000 ಕೋಟಿಗಿಂತ ಅಧಿಕ ಕುಸಿತ ಕಂಡಿದೆ. ಸುಮಾರು ರೂಪಾಯಿ 42,500 ಕೋಟಿ ಮಾರುಕಟ್ಟೆ ಬಂಡವಾಳೀಕರಣ (ಎಂ-ಕ್ಯಾಪ್) ಮೇ 12 ರಂದು ಚೊಂಚಲ ನಷ್ಟದೊಂದಿಗೆ ಆರಂಭವಾಗಿದೆ. ಬಳಿಕ ರೂಪಾಯಿ 38,000 ಕೋಟಿಗಳನ್ನು ಕಳೆದುಕೊಂಡಿದೆ.

949 ರ ವಿತರಣೆಯ ಬೆಲೆಯಲ್ಲಿ, ಎಲ್‌ಐಸಿಯ ಮಾರುಕಟ್ಟೆ ಬಂಡವಾಳವು ರೂಪಾಯಿ 6,00,242 ಕೋಟಿಗಳಷ್ಟಿತ್ತು. ಬಿಎಸ್‌ಸಿಯಲ್ಲಿನ ಪಟ್ಟಿಯ ಬೆಲೆಯನ್ನು ಆಧರಿಸಿ, ಎಲ್‌ಐಸಿಯ ಮೌಲ್ಯಮಾಪನವು ರೂಪಾಯಿ 5,57,675 ಕೋಟಿಗೆ ಇಳಿದಿದೆ. ಇದರ ಪರಿಣಾಮವಾಗಿ ಸುಮಾರು ರೂಪಾಯಿ 42,500 ಕೋಟಿ ನಷ್ಟವಾಗಿದೆ.

ಶುಕ್ರವಾರದ ವಹಿವಾಟಿನ ಮುಕ್ತಾಯದ ನಂತರ ಎಲ್‌ಐಸಿಯ ಎಂ-ಕ್ಯಾಪ್ ಸುಮಾರು ರೂಪಾಯಿ 5,19,630 ರಷ್ಟಿದ್ದು, ಇಶ್ಯೂ ಬೆಲೆಯಿಂದ ಸುಮಾರು 80,600 ಕೋಟಿ ಮೌಲ್ಯದ ನಷ್ಟ ಕಂಡಿದೆ. ಯಾಯಿತಿ ಪಟ್ಟಿಯ ಬೆಲೆಯಿಂದ ಸುಮಾರು ರೂಪಾಯಿ 38,045 ಕೋಟಿ ನಷ್ಟವಾಗಿದೆ.

ಶುಕ್ರವಾರ, ವಿಮಾ ಸಂಸ್ಥೆಯ ಷೇರುಗಳು ರೂಪಾಯಿ 821.55 ಕ್ಕೆ ವಹಿವಾಟು ಕೊನೆ ಮಾಡಿದೆ. ಅದರ ವಿತರಣೆ ಬೆಲೆಗಿಂತ ಸುಮಾರು 13.5 ಶೇಕಡಾ ಕಡಿಮೆ ಮತ್ತು ಅದರ ಲೀಸ್ಟಿಂಗ್ ಬೆಲೆಯಿಂದ ಶೇಕಡಾ 5.2 ಕ್ಕಿಂತ ಹೆಚ್ಚು ನಷ್ಟವಾಗಿದೆ.

ಅದರ ಆರಂಭಿಕ ವಹಿವಾಟಿನಿಂದ ಸ್ಟಾಕ್ ಗರಿಷ್ಠ ರೂಪಾಯಿ 920 ಮತ್ತು ಕನಿಷ್ಠ ರೂಪಾಯಿ 801.55 ರ ನಡುವೆ ಇದೆ. ಎಲ್‌ಐಸಿಯ ಷೇರು ಬೆಲೆಗಳಲ್ಲಿನ ಕುಸಿತವು ದೇಶೀಯ ಷೇರುಗಳ ಕಾರ್ಯಕ್ಷಮತೆಯನ್ನು ಪ್ರತಿಬಿಂಬಿಸುತ್ತದೆ.

ಆರಂಭದಲ್ಲೇ ನಷ್ಟ ಕಂಡ ಎಲ್‌ಐಸಿ ಷೇರು

ಭಾರತೀಯ ಜೀವ ವಿಮಾ ನಿಗಮದ (ಎಲ್‌ಐಸಿ) ಹೂಡಿಕೆದಾರರು ಮೇ 17 ರಂದು ನಡೆದ ವಹಿವಾಟಿನಲ್ಲಿ 50,000 ಕೋಟಿ ರೂಪಾಯಿಗಿಂತ ಅಧಿಕ ಷೇರುಗಳನ್ನು ಕಳೆದುಕೊಂಡಿದ್ದಾರೆ. ಎಲ್‌ಐಸಿ ಷೇರು ಪ್ರತಿ ಷೇರಿಗೆ ರೂ. 867.20 ರಂತೆ ಪಟ್ಟಿಯಾಗಿದೆ. ಎಲ್‌ಐಸಿಯ ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಅಧಿಕ ಚಂದಾದಾರಿಕೆಯಾಗಿತ್ತು. ಆದರೆ ಷೇರು ಪೇಟೆಯಲ್ಲಿ ಎಲ್‌ಐಸಿ ಶೇಕಡ 8.5 ಪ್ರತಿಶತದಷ್ಟು ರಿಯಾಯಿತಿಯಲ್ಲಿ ವಹಿವಾಟು ಆರಂಭ ಮಾಡಿದೆ.

ಸಂಸ್ಥೆಯು ಐಪಿಒ ಮೂಲಕ ಸುಮಾರು 21,000 ಕೋಟಿ ರೂ.ಗಳನ್ನು ಸಂಗ್ರಹಿಸಿದೆ. 949 ರೂ.ಗಳ ಒಂದು ಷೇರಿನ ಮೇಲಿನ ಬೆಲೆಯ ಬ್ಯಾಂಡ್‌ನಲ್ಲಿ 6.01 ಟ್ರಿಲಿಯನ್ ಮೌಲ್ಯವನ್ನು ಹೊಂದಿದೆ. ಮೇ 17 ರಂದು ವಹಿವಾಟಿನ ಮುಕ್ತಾಯದಲ್ಲಿ, ಷೇರುಗಳು ಬಿಎಸ್‌ಇಯಲ್ಲಿ ರೂ 872.70 ನಲ್ಲಿ ಸ್ಥಿರಗೊಂಡಿದೆ. ಅದರ ವಿತರಣೆಯ ಬೆಲೆಗಿಂತ 8.04 ಶೇಕಡಾ ಕಡಿಮೆಯಾಗಿದೆ.

ಇದರಿಂದಾಗಿ ಹೂಡಿಕೆದಾರರಿಗೆ ಮಾರುಕಟ್ಟೆ ಬಂಡವಾಳವು ರೂ 5.52 ಟ್ರಿಲಿಯನ್‌ಗೆ ತಲುಪಿತ್ತು. 867.20 ರೂ.ನಲ್ಲಿ ಪ್ರಾರಂಭವಾದ ನಂತರ, ಷೇರುಗಳು ಕ್ರಮವಾಗಿ ರೂ.920 ಗರಿಷ್ಠ ಮಟ್ಟ ಹಾಗೂ ರೂ.860.10 ರ ಕನಿಷ್ಠ ಮಟ್ಟವನ್ನು ತಲುಪಿತ್ತು.