50 ಲಕ್ಷ ಆದಾಯ ತರುವ ಗಾಲಿ ಮೇಲಿನ ರೆಸ್ಟೋರೆಂಟ್; ಸುಮ್ಮನೆ ರೈಲಲ್ಲ

ಭಾರತೀಯ ರೈಲ್ವೆ ಅಡಿಯಲ್ಲಿ ಬರುವ ಪೂರ್ವ ರೈಲ್ವೆ ವಲಯದ ಹೊಸ ಆಲೋಚನೆ ಮೆಚ್ಚುಗೆಗೆ ಪಾತ್ರವಾಗಿದೆ. ಅಂಥದ್ದೇನು ಮಾಡಿದ್ದಾರೆ ಅಂದರೆ, ತುಂಬ ಹಳೆಯದಾಗಿದ್ದ ಎರಡು ರೈಲ್ವೆ ಕೋಚ್ ಗಳನ್ನು ರೆಸ್ಟೋರೆಂಟ್ ಗಳಾಗಿ ಬದಲಾಯಿಸಿದ್ದಾರೆ. ಅಸನ್ಸೋಲ್ ರೈಲು ನಿಲ್ದಾಣದಲ್ಲಿ ಇವುಗಳನ್ನು ಕಣ್ಣಾರೆ ನೋಡಬಹುದು.

ಇವುಗಳೀಗ 'ಗಾಲಿಯ ಮೇಲೆ ರೆಸ್ಟೋರೆಂಟ್'. ರೈಲು ಪ್ರಯಾಣಿಕರು, ಸಾರ್ವಜನಿಕರು ಈ ರೆಸ್ಟೋರೆಂಟ್ ಗೆ ಭೇಟಿ ನೀಡಬಹುದು. ಮೆಮು ಬೋಗಿಗಳು ಬಹಳ ಹಳೆಯದಾಗಿದ್ದವು ಇವುಗಳನ್ನು ಏನು ಮಾಡಬಹುದು ಎಂದು ಆಲೋಚಿಸಿ, ಕೊನೆಗೆ ಗಾಲಿಯ ಮೇಲೆ ರೆಸ್ಟೋರೆಂಟ್ ಆಗಿ ರೂಪುಗೊಳಿಸಿದ್ದಾರೆ.

ಮುಂದಿನ ಐದು ವರ್ಷಗಳಲ್ಲಿ ದರದ ಹೊರತಾದ ಅದಾಯವಾಗಿ 50 ಲಕ್ಷ ರುಪಾಯಿಯನ್ನು ಇದು ಗಳಿಸಿಕೊಡಲಿದೆ ಎಂದು ಪೂರ್ವ ರೈಲ್ವೆ ವಲಯದ ಅಧಿಕಾರಿಗಳು ತಿಳಿಸಿದ್ದಾರೆ. ಒಟ್ಟು ಎರಡು ಕೋಚ್ ಅನ್ನು ರೆಸ್ಟೋರೆಂಟ್ ಆಗಿ ಮಾಡಲಾಗಿದೆ. ಒಂದರಲ್ಲಿ ಚಹಾ, ತಿಂಡಿ ದೊರೆತರೆ, ಮತ್ತೊಂದರಲ್ಲಿ ಪೂರ್ಣ ಪ್ರಮಾಣದ 42 ಸೀಟಿನ ರೆಸ್ಟೋರೆಂಟ್ ಆಗಿದೆ.

Asansol Division is launching today Indian Railways' First "Restaurant on Wheels" for railway passengers and citizens of the city. Two overaged coaches have been converted into signature restaurants. This is likely to generate Rs. 50 lacs of non fare revenue during next 5 years. pic.twitter.com/YF5pm3FKWm

— Ministry of Railways (@RailMinIndia) February 26, 2020

ಅಲ್ಲಿ ತಿಂಡಿ, ಮಧ್ಯಾಹ್ನ- ರಾತ್ರಿಯ ಊಟವನ್ನು ರೈಲು ಬಳಕೆದಾರರು ಹಾಗೂ ಸಾರ್ವಜನಿಕರಿಗೆ ಒದಗಿಸಲಾಗುತ್ತದೆ. ಇವುಗಳನ್ನು ಕೇಂದ್ರ ಸಚಿವರಾದ ಬಾಬುಲ್ ಸುಪ್ರಿಯೋ ಉದ್ಘಾಟನೆ ಮಾಡಿದ್ದಾರೆ.