ಪೆಟ್ರೋಲ್-ಡೀಸೆಲ್ ಬೆಲೆಯಲ್ಲಿ ಮತ್ತೆ ಇಳಿಕೆ, 2020ರಲ್ಲಿ ಒಟ್ಟಾರೆ ಲೀಟರ್‌ಗೆ 3 ರುಪಾಯಿ ಕುಸಿತ

ಭಾರತದ ಪ್ರಮುಖ ನಗರಗಳಲ್ಲಿ ಪೆಟ್ರೋಲ್ -ಡೀಸೆಲ್ ದರವು ಮತ್ತಷ್ಟು ಇಳಿಕೆಯತ್ತ ಸಾಗಿದೆ. 2020ರ ಆರಂಭದಿಂದಲೂ ಪೆಟ್ರೋಲ್, ಡೀಸೆಲ್ ಬೆಲೆಯು ಕಡಿಮೆಯಾಗುತ್ತಲೇ ಸಾಗಿದ್ದು ಒಟ್ಟಾರೆ ಲೀಟರ್‌ಗೆ ಮೂರು ರುಪಾಯಿ ಕಡಿಮೆಯಾಗಿದೆ. ಸೋಮವಾರ ಪೆಟ್ರೋಲ್ ಲೀಟರ್‌ಗೆ 13 ಪೈಸೆ, ಡೀಸೆಲ್ ದರವು ಲೀಟರ್‌ಗೆ 16 ಪೈಸೆ ಕಡಿಮೆಯಾಗಿದೆ.

ಕಚ್ಛಾ ತೈಲ ದರವು ವರ್ಷದ ಆರಂಭದಲ್ಲಿ ಬ್ಯಾರೆಲ್‌ಗೆ 75 ಡಾಲರ್‌ನಷ್ಟಿತ್ತು. ಆದರೆ ಇದೀಗ 54 ಅಮೆರಿಕನ್ ಡಾಲರ್‌ಗೆ ಇಳಿಕೆಯಾಗಿರುವುದರಿಂದ ಪೆಟ್ರೋಲ್ -ಡೀಸೆಲ್ ಬೆಲೆ ಇಳಿಕೆಯತ್ತ ಮುಖಮಾಡಿದೆ. ಹೀಗಾಗಿ ಸರ್ಕಾರಿ ಇಂಧನ ಚಿಲ್ಲರೆ ವ್ಯಾಪಾರಿಗಳು ಕಳೆದ ಹಲವು ದಿನ ತೈಲ ಬೆಲೆಯನ್ನು ಕಡಿತಗೊಳಿಸುತ್ತಾ ಬಂದಿದ್ದಾರೆ.

ಜಾಗತಿಕ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಬೆಲೆಯಲ್ಲಿ ಏರಿಳಿತ ಮತ್ತು ಡಾಲರ್-ರುಪಾಯಿ ವಿನಿಮಯ ದರದ ಆಧಾರದ ಮೇಲೆ ಪೆಟ್ರೋಲ್-ಡೀಸೆಲ್ ಬೆಲೆಯು ಏರಿಳಿತ ಕಾಣುತ್ತದೆ. ದೇಶದ ಪ್ರಮುಖ ನಗರಗಳಲ್ಲಿ ಇಂದಿನ ಪೆಟ್ರೋಲ್, ಡೀಸೆಲ್ ದರವು ಲೀಟರ್‌ಗೆ ಎಷ್ಟಿದೆ ಎಂಬುದು ಈ ಕೆಳಕಂಡಂತಿದೆ.

ನಗರ ಪೆಟ್ರೋಲ್ ದರ ಡೀಸೆಲ್ ದರ

ನಗರ	ಪೆಟ್ರೋಲ್ ದರ	ಡೀಸೆಲ್ ದರ
ಬೆಂಗಳೂರು	74.55	67.28
ದೆಹಲಿ	72.10	65.07
ಕೊಲ್ಕತ್ತಾ	74.74	67.39
ಮುಂಬೈ	77.76	68.19
ಚೆನ್ನೈ	74.90	68.72
ಗುರುಗಾವ್	72.00	64.28
ನೊಯ್ಡ	74.07	65.41
ಭುವನೇಶ್ವರ್	71.04	69.68
ಚಂಡೀಗಡ	68.16	61.93
ಹೈದ್ರಾಬಾದ್	76.62	70.88
ಜೈಪುರ	76.58	70.65
ಲಕ್ನೋ	73.94	65.30
ಪಾಟ್ನಾ	76.71	69.64
ತ್ರಿವೆಂಡ್ರಮ್	75.54	70.10