ರೈಲಿನಲ್ಲಿ ಟಿಕೆಟ್‌ ರಹಿತ ಪ್ರಯಾಣ : ಪ್ರಯಾಣಿಕರಿಂದ 100 ಕೋಟಿ ರುಪಾಯಿ ದಂಡ ವಸೂಲಿ

2019 ರ ಏಪ್ರಿಲ್ ನಿಂದ ಡಿಸೆಂಬರ್ ನಡುವೆ ಟಿಕೆಟ್ ರಹಿತ ಮತ್ತು ಅನಿಯಮಿತ ಪ್ರಯಾಣಿಕರಿಂದ 104.10 ಕೋಟಿ ರುಪಾಯಿ ದಂಡವನ್ನು ವಸೂಲಿ ಮಾಡಲಾಗಿದೆ ಎಂದು ಪಶ್ಚಿಮ ರೈಲ್ವೆ ಅಧಿಕಾರಿಗಳು ಮಂಗಳವಾರ ತಿಳಿಸಿದ್ದಾರೆ.

ಈ ಅವಧಿಯಲ್ಲಿ ಟಿಕೆಟ್ ರಹಿತ ಅಥವಾ ಅನಿಯಮಿತ ಪ್ರಯಾಣದ 21.33 ಲಕ್ಷ ಪ್ರಕರಣಗಳು ಪತ್ತೆಯಾಗಿದೆ ಎಂದು ಪಶ್ಚಿಮ ರೈಲ್ವೆ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ. ಇದು ಕಳೆದ ವರ್ಷದ ಇದೇ ಅವಧಿಯಲ್ಲಿನ ಸಂಖ್ಯೆಗಳಿಗಿಂತ 8.85 ಪರ್ಸೆಂಟ್ ಹೆಚ್ಚಾಗಿದೆ. 2019 ರ ಡಿಸೆಂಬರ್ ತಿಂಗಳಲ್ಲಿ, ಟಿಕೆಟ್ ರಹಿತ ಅಥವಾ ಅನಿಯಮಿತ ಪ್ರಯಾಣದ 2.13 ಲಕ್ಷ ಪ್ರಕರಣಗಳಲ್ಲಿ 10.14 ಕೋಟಿ ರುಪಾಯಿ ವಸೂಲಿ ಮಾಡಲಾಗಿದೆ.

"ವಾಣಿಜ್ಯ ಇಲಾಖೆಯಿಂದ ಟೌಟ್ಸ್ ಮತ್ತು ಇತರ ಸಾಮಾಜಿಕ ವಿರೋಧಿ ಅಂಶಗಳ ವಿರುದ್ಧ 2019 ರ ಏಪ್ರಿಲ್ ನಿಂದ ಡಿಸೆಂಬರ್ ವರೆಗೆ ಒಟ್ಟು 2,124 ತಪಾಸಣೆ ನಡೆಸಲಾಗಿದೆ" ಎಂದು ಪಶ್ಚಿಮ ರೈಲ್ವೆ ಮುಖ್ಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ ರವೀಂದರ್ ಭಾಕರ್ ಹೇಳಿದ್ದಾರೆ.

ರೈಲ್ವೆ ಕಾಯ್ದೆಯ ವಿವಿಧ ವಿಭಾಗಗಳ ಅಡಿಯಲ್ಲಿ 1,821 ಜನರನ್ನು ಬಂಧಿಸಲಾಗಿದ್ದು, ಕಾನೂನು ಕ್ರಮ ಜರುಗಿಸಲಾಗಿದೆ. ಜೊತೆಗೆ ಸುರಕ್ಷಿನಿ ದಳದಿಂದ 1,632 ಭಿಕ್ಷುಕರನ್ನು ರೈಲ್ವೆ ಆವರಣದಿಂದ ಹೊರ ಹಾಕಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.