ಶಗುನ್ ಸ್ಕೀಮ್: ಶೇ. 9ರಷ್ಟು ಬಡ್ಡಿ ಕೊಡುತ್ತದೆ ಈ ಬ್ಯಾಂಕ್

ಈಗಂತೂ ಬ್ಯಾಂಕುಗಳು ಅಧಿಕ ಬಡ್ಡಿಯ ಆಫರ್ ಕೊಟ್ಟು ಜನರಿಂದ ಬಂಡವಾಳ ಆಕರ್ಷಣೆಗೆ ಪೈಪೋಟಿಗೆ ಬಿದ್ದಂತಿದೆ. ಎಲ್ಲಾ ಬ್ಯಾಂಕುಗಳ ಸಾಲು ಸಾಲಾಗಿ ಬಡ್ಡಿ ದರಗಳನ್ನು ಏರಿಸುತ್ತಿವೆ. ಬ್ಯಾಂಕ್ ಠೇವಣಿಗಳಿಂದ ಈಗ ಒಳ್ಳೆಯ ಲಾಭವಂತೂ ಸಿಗುತ್ತದೆ. ಕೆಲ ಬ್ಯಾಂಕುಗಳು ಶೇ. 8ರವರೆಗೂ ಬಡ್ಡಿ ಆಫರ್ ಕೊಡುತ್ತವೆ. ಈಗ ಯೂನಿಟಿ ಸ್ಮಾಲ್ ಫೈನಾನ್ಸ್ ಬ್ಯಾಂಕು ಶೇ. 9ರವರೆಗೆ ಬಡ್ಡಿ ಕೊಡುತ್ತದೆ.

ಕಳೆದ ಒಂದು ತಿಂಗಳಿಂದ ಯೂನಿಟಿ ಸ್ಮಾಲ್ ಫೈನಾನ್ಸ್ ಬ್ಯಾಂಕು ಎರಡು ಬಾರಿ ತನ್ನ ಠೇವಣಿ ದರಗಳನ್ನು ಪರಿಷ್ಕರಿಸಿದೆ. ಹಿರಿಯ ನಾಗರಿಕರಿಗೆ ಶೇ. 9ರವರೆಗೆ ಬಡ್ಡಿ ದರದ ಆಫರ್ ಇದೆ. ಇತರರಿಗೆ ಶೇ. 4.5ರಿಂದ ಶೇ. 8.50ರವರೆಗೆ ಬಡ್ಡಿ ನೀಡುತ್ತದೆ.

7 ದಿನಗಳಿಂದ ಹಿಡಿದು 10 ವರ್ಷಗಳವರೆಗೆ ವಿವಿಧ ಅವಧಿಗೆ ಬ್ಯಾಂಕುಗಳ ಠೇವಣಿ ಇರಿಸಿಕೊಳ್ಳುತ್ತದೆ. 181 ದಿನಗಳು ಮತ್ತು 501 ದಿನಗಳ ಠೇವಣಿಗೆ ಅತಿ ಹೆಚ್ಚು ಬಡ್ಡಿ ನೀಡುತ್ತದೆ. ಒಂದು ವರ್ಷದ ಠೇವಣಿಗೂ ಆಕರ್ಷಕ ಬಡ್ಡಿ ದರವನ್ನು ಯೂನಿಟಿ ಸ್ಮಾಲ್ ಫೈನಾನ್ಸ್ ಬ್ಯಾಂಕು ನೀಡುತ್ತದೆ.

{photo-feature}