IRCTC Update: ಅಕ್ಟೋಬರ್ 17ರವರೆಗೆ 18 ವಿಶೇಷ ರೈಲುಗಳನ್ನು ರದ್ದುಗೊಳಿಸಿದೆ ರೈಲ್ವೆ, ಕಾರಣವೇನು?

ಭಾರತೀಯ ರೈಲ್ವೆಯು ಸೆಪ್ಟೆಂಬರ್ 29 ರಿಂದ ಅಕ್ಟೋಬರ್ 17 ರವರೆಗೆ ಪೂರ್ವ ಕೇಂದ್ರ ರೈಲ್ವೇ (ಇಸಿಆರ್‌) ಯಿಂದ ಹೊರಡುವ ಅಥವಾ ಹಾದುಹೋಗುವ ಕನಿಷ್ಠ 18 ವಿಶೇಷ ಮೇಲ್/ ಎಕ್ಸ್‌ಪ್ರೆಸ್ ರೈಲುಗಳನ್ನು ರದ್ದುಗೊಳಿಸಿದೆ ಎಂದು ಹೇಳಿದೆ. ಈ ಹಿಂದೆಯೂ ಕೆಲವು ರೈಲುಗಳನ್ನು ರದ್ದುಗೊಳಿಸಲಾಗಿದೆ.

ಆಗ್ನೇಯ ರೈಲ್ವೆಯ (ಎಸ್‌ಇಆರ್) ಚಕ್ರಧರಪುರ ವಿಭಾಗದಲ್ಲಿ ಮೂರನೇ ಮಾರ್ಗದ ಕಮಿಷನಿಂಗ್, ಯಾರ್ಡ್ ರಿಮೋಡಲಿಂಗ್ ಮತ್ತು ಇಂಟರ್‌ಲಾಕಿಂಗ್ ಅಲ್ಲದ (ಎನ್‌ಐ) ಕೆಲಸಗಳಿಂದ ರೈಲುಗಳನ್ನು ರದ್ದುಗೊಳಿಸಲಾಗಿದೆ ಎಂದು ರೈಲ್ವೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಭಾರತೀಯ ರೈಲ್ವೇಯು ವಿಭಾಗದಲ್ಲಿ ಹಳಿಗಳ ಸುರಕ್ಷತೆ ಕ್ರಮಗಳನ್ನು ಮತ್ತಷ್ಟು ಬಲಪಡಿಸಲು ಈ ಕ್ರಮವನ್ನು ತೆಗೆದುಕೊಂಡಿದೆ ಎಂದು ಸೇರಿಸಲಾಗಿದೆ. ಮುಖ್ಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ (ಸಿಪಿಆರ್‌ಒ) ಬೀರೇಂದ್ರ ಕುಮಾರ್ ಪ್ರಕಾರ, ರಾಜೇಂದ್ರ ನಗರ ಟರ್ಮಿನಲ್-ದುರ್ಗ ದಕ್ಷಿಣ ಬಿಹಾರ್ ಎಕ್ಸ್‌ಪ್ರೆಸ್ (13287/13288) ಅಕ್ಟೋಬರ್ 10 ರವರೆಗೆ ರದ್ದಾಗಿದೆ.

ಬಿಲಾಸ್‌ಪುರ-ಪಾಟ್ನಾ ಎಕ್ಸ್‌ಪ್ರೆಸ್ (22843/22844) ಸೆಪ್ಟೆಂಬರ್ 29 ಮತ್ತು ಅಕ್ಟೋಬರ್‌ 13 ರಂದು, ಬಿಲಾಸ್‌ಪುರದಿಂದ ಮತ್ತು ಅಕ್ಟೋಬರ್ 1 ಮತ್ತು 15 ರಂದು ಪಾಟ್ನಾದಿಂದ ಹೊರಡುವುದಿಲ್ಲ ಎಂದು ಬೀರೇಂದ್ರ ಕುಮಾರ್ ಮಾಹಿತಿ ನೀಡಿದ್ದಾರೆ.

ಹೈದರಾಬಾದ್- ರಕ್ಸೌಲ್ ಎಕ್ಸ್‌ಪ್ರೆಸ್ (17005/17006) ಅಕ್ಟೋಬರ್ 12 ರಂದು ಹೈದರಾಬಾದ್‌ನಿಂದ ಮತ್ತು ಅಕ್ಟೋಬರ್ 15 ರಂದು ರಕ್ಸಾಲ್‌ನಲ್ಲಿ ರದ್ದುಗೊಳ್ಳುತ್ತದೆ. ಸಿಕಂದರಾಬಾದ್- ದರ್ಬಂಗಾ ಎಕ್ಸ್‌ಪ್ರೆಸ್ (17007/17008) ಅಕ್ಟೋಬರ್ 14 ರಂದು ಸಿಕಂದರಾಬಾದ್‌ನಿಂದ ಮತ್ತು ಅಕ್ಟೋಬರ್ 17 ರಂದು ದರ್ಭಾಂಗಾದಲ್ಲಿ ರದ್ದುಗೊಳ್ಳುತ್ತದೆ.

ಸೂರತ್- ಮಾಲ್ಡಾ ಟೌನ್ ಎಕ್ಸ್‌ಪ್ರೆಸ್ (13425/13426) ಅಕ್ಟೋಬರ್ 2 ಮತ್ತು 16 ರಂದು ಸೂರತ್‌ನಿಂದ ಮತ್ತು ಅಕ್ಟೋಬರ್ 7 ಮತ್ತು 14 ರಂದು ಮಾಲ್ಡಾ ಟೌನ್‌ನಿಂದ ರದ್ದುಗೊಳ್ಳುತ್ತದೆ. ಸಂಬಲ್‌ಪುರ- ವಾರಣಾಸಿ ಎಕ್ಸ್‌ಪ್ರೆಸ್ (18311/18312) ಅಕ್ಟೋಬರ್ 4, 11 ಮತ್ತು 15 ರಂದು ಸಂಬಲ್‌ಪುರದಿಂದ ಮತ್ತು ಅಕ್ಟೋಬರ್ 5, 12, 13 ಮತ್ತು 16 ರಂದು ವಾರಣಾಸಿಯಿಂದ ರದ್ದಾಗಲಿದೆ.

ಸಂಬಲ್‌ಪುರ- ಜಮ್ಮು ತಾವಿ ಎಕ್ಸ್‌ಪ್ರೆಸ್ (18309/18310) ಅಕ್ಟೋಬರ್ 9, 12 ಮತ್ತು 14 ರಂದು ಸಂಬಲ್‌ಪುರದಿಂದ ಮತ್ತು ಅಕ್ಟೋಬರ್ 10, 12 ಮತ್ತು 13 ರಂದು ಜಮ್ಮು ತಾವಿಯಿಂದ ರದ್ದಾಗಲಿದೆ. ಭುವನೇಶ್ವರ್- ಆನಂದ್ ವಿಹಾರ್ ಎಕ್ಸ್‌ಪ್ರೆಸ್ (22805/22806) ಅಕ್ಟೋಬರ್ 14 ಮತ್ತು 15 ರಂದು ರದ್ದುಗೊಳ್ಳುತ್ತದೆ. ವಾಸ್ಕೋ ಡಿ ಗಾಮಾ- ಜಸಿದಿಹ್ ಎಕ್ಸ್‌ಪ್ರೆಸ್ (17321/17322) ಅಕ್ಟೋಬರ್ 13 ಮತ್ತು 16 ರಂದು ರದ್ದುಗೊಳ್ಳುತ್ತದೆ.

ಅಲ್ಪಾವಧಿಗೆ ಟರ್ಮಿನೇಟ್ ಆಗುವ ರೈಲುಗಳ ಪಟ್ಟಿ

ಜಯನಗರ- ರೂರ್ಕೆಲಾ ಎಕ್ಸ್‌ಪ್ರೆಸ್ (18105/18106) ಅಕ್ಟೋಬರ್ 4, 6, 9, 11 ಮತ್ತು 13 ರಂದು ಹಟಿಯಾದಲ್ಲಿ ಅಲ್ಪಾವಧಿಗೆ ಕೊನೆಗೊಳ್ಳುತ್ತದೆ. ಜಮ್ಮು ತಾವಿ ಸಂಬಲ್‌ಪುರ್ ಎಕ್ಸ್‌ಪ್ರೆಸ್ ಅಕ್ಟೋಬರ್ 3 ಮತ್ತು 5 ರಂದು ಹಟಿಯಾದಲ್ಲಿ ಅಲ್ಪಾವಧಿಗೆ ಟರ್ಮಿನೇಟ್ ಆಗುತ್ತದೆ. ಅಸನ್ಸೋಲ್- ವಾರಣಾಸಿ ಎಕ್ಸ್‌ಪ್ರೆಸ್ (13553/13554) ವಾರಣಾಸಿ ವಿಭಾಗದಲ್ಲಿ ಕೆಲಸದ ಕಾರಣ ಅಕ್ಟೋಬರ್ 15 ರವರೆಗೆ ದೀನ್ ದಯಾಳ್ ಉಪಾಧ್ಯಾಯ ಜಂಕ್ಷನ್‌ನಲ್ಲಿ ಅಲ್ಪಾವಧಿಗೆ ಟರ್ಮಿನೇಟ್ ಆಗುತ್ತದೆ.