For Quick Alerts
ALLOW NOTIFICATIONS  
For Daily Alerts

ಬಜೆಟ್ 2019: ಬಜೆಟ್ ಗೆ ಸಂಬಂಧಿಸಿದ ಈ 10 ನಿಯಮಗಳ ಬಗ್ಗೆ ಗೊತ್ತಿರಲಿ..

|

ನರೇಂದ್ರ ಮೋದಿ ಸರ್ಕಾರದ ಹಣಕಾಸು ಸಚಿವೆಯಾಗಿರುವ ನಿರ್ಮಲಾ ಸೀತಾರಾಮನ್ ಅವರು ಜುಲೈ 5, 2019 ರಂದು ಕೇಂದ್ರ ಬಜೆಟ್ ಅನ್ನು ಮಂಡಿಸಲಿದ್ದಾರೆ. ಬಜೆಟ್ 2019ಕ್ಕೆ ಸಿದ್ಧರಿದ್ದೀರಾ? ಬಜೆಟ್ ಬಗ್ಗೆ ಸರಿಯಾಗಿ ತಿಳಿದುಕೊಳ್ಳಬೇಕೆಂದರೆ ನೀವು ಈ 10 ಪರಿಭಾಷೆಗಳ ಬಗ್ಗೆ ಜ್ಞಾನ ಹೊಂದಿರಬೇಕಾಗುತ್ತದೆ. ಈ ಹತ್ತು ಪರಿಭಾಷೆಗಳ ಸಂಕ್ಷೀಪ್ತ ಪರಿಚಯ ಇಲ್ಲಿ ನೀಡಲಾಗಿದೆ.

ಬಜೆಟ್ 2019: ಬಜೆಟ್ ಗೆ ಸಂಬಂಧಿಸಿದ ಈ 10 ನಿಯಮಗಳ ಬಗ್ಗೆ ಗೊತ್ತಿರಲಿ..

 

ಹಣಕಾಸು ಕೊರತೆ - Fiscal Deficit

ಸರ್ಕಾರದ ಬಳಿ ಒಟ್ಟು ವೆಚ್ಚ ಸಾಲರಹಿತ ಬಂಡವಾಳಕ್ಕೂ ಕಡಿಮೆಯಾಗುತ್ತದೆಯೋ ಅಂತಹ ಸಂದರ್ಭಗಳಲ್ಲಿ ಕೊರತೆಯನ್ನು ಸರಿದೂಗಿಸಲು ಸಾರ್ವಜನಿಕರಿಂದ ಹಣವನ್ನು ಎರವಲು ಪಡೆಯಬೇಕಾಗುತ್ತದೆ. ಅದಾಯ ವೆಚ್ಚಗಳಲ್ಲಿ ಸರ್ಕಾರ ಹಿಂದೆ ಪಡೆದುಕೊಂಡಿದ್ದ ಸಾಲಗಳ ಬಡ್ಡಿ ಪಾವತಿಯೂ ಸೇರುತ್ತದೆ. ಪ್ರಮುಖ ಕೊರತೆಯಲ್ಲಿ ಒಟ್ಟು ಹಣಕಾಸಿನ ಕೊರತೆಯ ಮೊತ್ತದಿಂದ ಈ ಬಡ್ಡಿಯನ್ನು ಕಳೆಯಲಾಗುತ್ತದೆ. ಈ ಕೊರತೆ ಕಡಿಮೆಯಾಗುತ್ತಾ ಹೋದಷ್ಟೂ ಆ ದೇಶ ಸುಭಿಕ್ಷ ಎಂದು ಪರಿಗಣಿಸಲಾಗುತ್ತದೆ.

ಬಜೆಟ್ ಕೊರತೆ - Budget Deficit

ಬಜೆಟ್ ಕೊರತೆಯು ಸರ್ಕಾರದ ಆದಾಯ ಮತ್ತು ಬಂಡವಾಳ ಖಾತೆಗಳಲ್ಲಿನ ಎಲ್ಲಾ ರಶೀದಿಗಳು ಮತ್ತು ವೆಚ್ಚಗಳ ನಡುವಿನ ವ್ಯತ್ಯಾಸವಾಗಿದೆ. ಬಜೆಟ್ ಕೊರತೆಯು ಆದಾಯ ಖಾತೆ ಕೊರತೆ ಮತ್ತು ಬಂಡವಾಳ ಖಾತೆ ಕೊರತೆಯ ಒಟ್ಟು ಮೊತ್ತವಾಗಿರುತ್ತದೆ.

ಹಣಕಾಸು ಮಸೂದೆ - Finance Bill

ಸರ್ಕಾರ ಹೊಸದಾಗಿ ಜಾರಿ ತರುವ ತೆರಿಗೆಗಳು, ಅಸ್ತಿತ್ವದಲ್ಲಿರುವ ತೆರಿಗೆಗಳ ಬದಲಾವಣೆ/ ತೆರಿಗೆ ವ್ಯವಸ್ಥೆಯಲ್ಲಿ ಬದಲಾವಣೆ ಅಥವಾ ಸಂಸತ್ತು ಅನುಮೋದಿಸಿದ ಅವಧಿಯನ್ನು ಮೀರಿ ಅಸ್ತಿತ್ವದಲ್ಲಿರುವ ತೆರಿಗೆಯನ್ನು ಮುಂದುವರಿಸುವುದು ಮೊದಲಾದ ತೀರ್ಮಾನಗಳನ್ನು ಪ್ರಕಟಿಸುವುದು ಹಣಕಾಸು ಮಸೂದೆ. ತೆರಿಗೆಗಳಿಗೆ ಸಂಬಂಧಿಸಿದಂತೆ ಇದು ಪ್ರಮುಖ ದಾಖಲೆಯಾಗಿದೆ.

ವಾರ್ಷಿಕ ಹಣಕಾಸು ಹೇಳಿಕೆ

ಸಂವಿಧಾನದ 112 ನೇ ವಿಧಿಯ ಪ್ರಕಾರ ಸರ್ಕಾರವು ಪ್ರತಿ ಹಣಕಾಸು ವರ್ಷ ಏಪ್ರಿಲ್ 1 ರಿಂದ ಮಾರ್ಚ್ 31 ರವರೆಗೆ ಅಂದಾಜು ರಶೀದಿಗಳು ಮತ್ತು ಖರ್ಚಿನ ಹೇಳಿಕೆಯನ್ನು ಸಂಸತ್ತಿಗೆ ಸಲ್ಲಿಸಬೇಕು. ವಾರ್ಷಿಕ ಹಣಕಾಸು ಹೇಳಿಕೆಯು ಸಾಮಾನ್ಯವಾಗಿ ಬಿಳಿ 10 ಪುಟಗಳ ದಾಖಲೆಯಾಗಿದೆ. ಇದನ್ನು ಮೂರು ಭಾಗಗಳಾಗಿ ಏಕೀಕೃತ ನಿಧಿ, ಆಕಸ್ಮಿಕ ನಿಧಿ ಮತ್ತು ಸಾರ್ವಜನಿಕ ಖಾತೆಗಳಾಗಿ ವಿಂಗಡಿಸಲಾಗಿದೆ.

ಆದಾಯ ಕೊರತೆ

ಆದಾಯ ಖಾತೆಯಲ್ಲಿನ ಆದಾಯಕ್ಕೂ ಮೀರಿದ ಖಚು್ವೆಚ್ಚಗಳಿದ್ದರೆ ಅದನ್ನು ಆದಾಯ ಕೊರತೆ ಎಂದು ಕರೆಯಲಾಗುತ್ತದೆ. ಆದಾಯ ಖಾತೆಯ ಮೇಲಿನ ಎಲ್ಲಾ ಖರ್ಚುಗಳನ್ನು ಆದಾಯ ಖಾತೆಯಲ್ಲಿನ ರಶೀದಿಗಳಿಂದ ಆದರ್ಶಪ್ರಾಯವಾಗಿ ಪೂರೈಸಬೇಕು. ಆದಾಯ ಕೊರತೆ ಶೂನ್ಯವಾಗಿರಬೇಕು. ಇದು ವೆಚ್ಚಗಳಿಗೆ ಈಗ ನಿಯಂತ್ರಣ ಬೇಕೆಂದು ಸೂಚಿಸುವ ಸೂಚಕವೂ ಆಗಿದೆ. ಆದಾಯ ಖಾತೆಯ ಎಲ್ಲಾ ಖರ್ಚುಗಳು ಆದಾಯಕ್ಕೆ ಸರಿಸಮನಾಗಿ ಅಥವಾ ಕಡಿಮೆ ಇರುವಂತೆ ನೋಡಿಕೊಳ್ಳುವ ಮೂಲಕ ಈ ಕೊರತೆ ನೀಗಿಸುವಂತೆ ನೋಡಿಕೊಳ್ಳಬಹುದು.

ಏಕೀಕೃತ ನಿಧಿ

ಏಕೀಕೃತ ನಿಧಿಯು ಸರ್ಕಾರವು ಸಂಗ್ರಹಿಸಿದ ಎಲ್ಲಾ ಆದಾಯ, ಎರವಲು ಪಡೆದ ಹಣ ಮತ್ತು ಭಾರತ ಸರ್ಕಾರ ನೀಡಿದ ಸಾಲಗಳಿಂದ ಪಡೆದ ರಶೀದಿಗಳನ್ನು ಇದು ಒಳಗೊಂಡಿದೆ. ಆಕಸ್ಮಿಕ ನಿಧಿ ಅಥವಾ ಸಾರ್ವಜನಿಕ ಖಾತೆಯಿಂದ ಪೂರೈಸಲಾದ ಅಸಾಧಾರಣ ವಸ್ತುಗಳನ್ನು ಹೊರತುಪಡಿಸಿ, ಎಲ್ಲಾ ಸರ್ಕಾರದ ಖರ್ಚುಗಳನ್ನು ಈ ನಿಧಿಯಿಂದ ಮಾಡಲಾಗುತ್ತದೆ. ಮುಖ್ಯವಾಗಿ, ಸಂಸತ್ತಿನ ಅನುಮೋದನೆ ಇಲ್ಲದೆ ಈ ನಿಧಿಯಿಂದ ಯಾವುದೇ ಹಣವನ್ನು ಹಿಂಪಡೆಯಲು ಸಾಧ್ಯವಿಲ್ಲ.

ಆಕಸ್ಮಿಕ ನಿಧಿ

ಯಾವುದೇ ತುರ್ತು ಅಥವಾ ಅನಿರೀಕ್ಷಿತ ವೆಚ್ಚವನ್ನು ಈ ನಿಧಿಯಿಂದ ಪೂರೈಸಲಾಗುತ್ತದೆ. ರೂ. 500 ಕೋಟಿಗಳ ನಿಧಿಯು ರಾಷ್ಟ್ರಪತಿಗಳ ವಿಲೇವಾರಿಯಲ್ಲಿದೆ. ಆಕಸ್ಮಿಕ ನಿಧಿಯಿಂದ ಮಾಡಿದ ಯಾವುದೇ ಖರ್ಚಿಗೆ ಸಂಸತ್ತಿನ ಅನುಮೋದನೆ ಅಗತ್ಯವಿರುತ್ತದೆ. ಹಿಂಪಡೆಯಲಾದ ಮೊತ್ತವನ್ನು ಏಕೀಕೃತ ನಿಧಿಯಿಂದ ಈ ನಿಧಿಗೆ ಹಿಂತಿರುಗಿಸಲಾಗುತ್ತದೆ.

ಯೋಜಿತ ವೆಚ್ಚ

 

ಕೇಂದ್ರ ಸರ್ಕಾರದ ಯೋಜಿತ ಯೋಜನೆಗಳು ಹಾಗೂ ರಾಜ್ಯ ಸರ್ಕಾರ ಅಥವಾ ಒಕ್ಕೂಟ ಪ್ರದೇಶಗಳ ಯೋಜನೆಗಳಿಗೆ ನೀಡುವ ಆರ್ಥಿಕ ನೆರವಾಗಿದೆ. ಉಳಿದೆಲ್ಲಾ ಬಜೆಟ್ ವೆಚ್ಚದಂತೆ ಈ ವೆಚ್ಚವನ್ನು ಆದಾಯ ಮತ್ತು ಬಂಡವಾಳ ವೆಚ್ಚವನ್ನಾಗಿ ವಿಂಗಡಿಸಲಾಗುತ್ತದೆ.

ಸಬ್ವೆನ್ಷನ್ (ಉಪವಿಭಾಗ)

ಇದು ಸರ್ಕಾರದಿಂದ ಸಹಾಯ ಅಥವಾ ಅನುದಾನದ ರೂಪದಲ್ಲಿ ಪಡೆಯುವ ಮೊತ್ತವಾಗಿದೆ. ಭಾರತೀಯ ಸನ್ನಿವೇಶಕ್ಕೆ ಅನುಗುಣವಾಗಿ ಹೇಳಬೇಕೆಂದರೆ, ಸರ್ಕಾರವು ಕೆಲವೊಮ್ಮೆ ರೈತರಿಗೆ ಮಾರುಕಟ್ಟೆ ದರಕ್ಕಿಂತ ಕಡಿಮೆ ಸಾಲವನ್ನು ನೀಡುವಂತೆ ಸಂಸ್ಥೆಗಳನ್ನು ಕೇಳುತ್ತದೆ. ನಷ್ಟವನ್ನು ಸಾಮಾನ್ಯವಾಗಿ ಸಬ್ವೆನ್ಷನ್ (ಉಪವಿಭಾಗಗಳ) ಮೂಲಕ ಪಾವತಿಸಲಾಗುತ್ತದೆ.

ರಫ್ತು ಸುಂಕ (Export Duty)

ಈ ತೆರಿಗೆಯನ್ನು ರಫ್ತು ಮಾಡಲಾಗುವ ವಸ್ತುಗಳ ಮೇಲೆ ಹೇರಲಾಗುತ್ತದೆ. ಹೆಚ್ಚಿನ ಸಂದರ್ಭಗಳಲ್ಲಿ ಈ ಸುಂಕವನ್ನು ಆದಾಯವೆಂದು ಪರಿಗಣಿಸಲಾಗುವುದಿಲ್ಲ. ಆದರೆ ಕೆಲವು ವಸ್ತುಗಳನ್ನು ರಫ್ತು ಮಾಡಲು ಉತ್ತೇಜನ ನೀಡದೇ ಇರುವ ಉದ್ದೇಶಕ್ಕಾಗಿ ಹೇರಲಾಗುತ್ತದೆ. ಉದಾಹರಣೆಗೆ ಕಬ್ಬಿಣದ ಅದುರಿನ ರಫ್ತಿನಲ್ಲಿ ಪ್ರತಿ ಮೆಟ್ರಿಕ್ ಟನ್ ಕಬ್ಬಿಣದ ಅದಿರು ಹಾಗೂ ಅದಿರಿನ ಉಂಡೆಗಳಿಗೆ ರೂ. 300 ಹಾಗೂ ಕ್ರೋಮ್ ಅದಿರು ಹಾಗೂ ಅದಿರಿನ ಉಂಡೆಗಳಿಗೆ 2,000ರೂ.ರಫ್ತು ಸುಂಕ ವಿಧಿಸುವ ಮೂಲಕ ಇವುಗಳ ರಫ್ತುಗಳಿಗೆ ನಿರುತ್ತೇಜನ ನೀಡಿ ಇದರ ಪ್ರಯೋಜನ ಭಾರದಲ್ಲಿಯೇ ಆಗುವಂತೆ ನೋಡಿಕೊಂಡಿದೆ.

English summary

Budget 2019: Must know these 10 budget terms

Finance Minister Nirmala Sitharaman will present the Union Budget to Parliament on July 5, 2019.
Company Search
Enter the first few characters of the company's name or the NSE symbol or BSE code and click 'Go'

Get Latest News alerts from Kannada Goodreturns

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more