14 ಪೈಸೆಯಿಂದ 6 ಪೈಸೆಗೆ ಇಳಿಕೆ

ಮೊಬೈಲ್ ಕರೆ ಅಂತರ್ ಸಂಪರ್ಕ ಬಳಕೆ ಶುಲ್ಕವನ್ನು (ಕಾಲ್ ಕನೆಕ್ಟ್ ಚಾರ್ಜ್) 6 ಪೈಸೆಗೆ ಇಳಿಕೆ ಮಾಡಲಿದೆ. ಟ್ರಾಯ್ ಮೊಬೈಲ್ ಸೇವಾ ಕಂಪನಿಗಳ ನಡುವೆ ಇದ್ದ ಕರೆ ಅಂತರ್ ಸಂಪರ್ಕ ಬಳಕೆ ಶುಲ್ಕವನ್ನು 14 ಪೈಸೆಯಿಂದ 6 ಪೈಸೆಗೆ ಇಳಿಸುವ ನಿರ್ಧಾರ ಇದೆ.

ಜಾರಿ ಯಾವಾಗ?

ಅಕ್ಟೋಬರ್ 1ರಿಂದ ಹೊಸ ಕರೆದ ರಗಳು ಜಾರಿಗೆ ಬರಲಿದೆ. ಜತೆಗೆ 2020ರ ಜನವರಿಯಿಂದ ಕರೆ ಅಂತರ್ ಸಂಪರ್ಕ ಶುಲ್ಕವನ್ನು ಸಂಪೂರ್ಣವಾಗಿ ರದ್ದುಗೊಳಿಸುವುದಾಗಿ ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಹೇಳಿದೆ. ಮೊಬೈಲ್ ಕಂಪನಿಗಳು ಶುಲ್ಕ ಕಡಿತದ ಪ್ರಯೋಜನಗಳನ್ನು ಗ್ರಾಹಕರಿಗೆ ವರ್ಗಾಯಿಸಿದರೆ ಮೊಬೈಲ್ ಕರೆ ದರಗಳು ಇನ್ನಷ್ಟು ಅಗ್ಗವಾಗಲಿವೆ. ಇದು ಜಾರಿಯಾದಲ್ಲಿ ರಿಲಾಯನ್ಸ್ ಜಿಯೋಗೆ ಹೆಚ್ಚಿನ ಲಾಭ ಸಿಗಲಿದೆ.

ಮೊಬೈಲ್ ಸೇವಾ ಸಂಸ್ಥೆಗಳ ವಿರೋಧ

‘ಟ್ರಾಯ್‌'ನ ಈ ನಿರ್ಧಾರದಿಂದ ಮೊಬೈಲ್‌ ಸೇವಾ ಕಂಪನಿಗಳಿಗೆ ಭಾರಿ ಹಾನಿ ಸಂಭವಿಸಲಿದೆ ಎಂದು ಮೊಬೈಲ್ ಸೇವಾ ಸಂಸ್ಥೆಗಳ ಸಂಘ (ಸಿಒಎಐ) ವಿರೋಧ ವ್ಯಕ್ತಪಡಿಸಿದೆ. ಟ್ರಾಯ್ ನಿರ್ಧಾರದ ವಿರುದ್ಧ ಕೋರ್ಟ್ ಗೆ ಮೋರೆ ಹೋಗುವುದಾಗಿ ಸಂಘಟನೆ ತಿಳಿಸಿದೆ.