ನಕಲಿ ಪ್ರತಿಗಳ ತಡೆ

ಗುರುತಿನ ಚೀಟಿಗಳ ನಕಲಿ ಪ್ರತಿಗಳ ಬಳಕೆ ತಡೆಯಲು ಸರ್ಕಾರ ಈ ಕ್ರಮ ಕೈಗೊಂಡಿದೆ. ಕಾನೂನುಬಾಹಿರ ಹಣ ವರ್ಗಾವಣೆ ಮತ್ತು ಕಪ್ಪು ಹಣ ನಿರ್ಬಂಧಿಸುವ ಉದ್ದೇಶದಿಂದ ಅಕ್ರಮ ಹಣ ವರ್ಗಾವಣೆ ತಡೆ ಕಾಯ್ದೆಯನ್ನು (ಪಿಎಂಎಲ್ಎ) ಈಗಾಗಲೇ ಜಾರಿಗೆ ತರಲಾಗಿದೆ.

ಹೋಲಿಕೆ

ಗ್ರಾಹಕರು ಬ್ಯಾಂಕುಗಳಿಗೆ ಸಲ್ಲಿಸಿರುವ ಮೂಲ ಗುರುತಿನ ಚೀಟಿಗಳನ್ನು ವಹಿವಾಟಿನ ಸಂದರ್ಭದಲ್ಲಿ ನೀಡಲಾಗುವ ಛಾಯಾ ಪ್ರತಿಗಳ ಜತೆ ಹೋಲಿಸಿ ದೃಢೀಕರಿಸಿಕೊಳ್ಳುವುದು ಈಗ ಕಡ್ಡಾಯವಾಗಿರಲಿದೆ.

ಅಧಿಕೃತ ದಾಖಲೆ ಸಲ್ಲಿಕೆ

ಷೇರು ಬ್ರೋಕರ್, ಚಿಟ್‌ಫಂಡ್‌ ಸಂಸ್ಥೆ, ಸಹಕಾರಿ ಬ್ಯಾಂಕ್‌, ಗೃಹ ಹಣಕಾಸು ಸಂಸ್ಥೆಗಳು ತಮ್ಮ ಗ್ರಾಹಕರ ಜತೆ ಖಾತೆ ಆಧಾರಿತ ವ್ಯವಹಾರ ಹೊಂದಿರುವಾಗ, ಅವರ ಗುರುತನ್ನು ದೃಢೀಕರಿಸಿಕೊಂಡಿರಬೇಕು. ಬ್ಯಾಂಕು ಖಾತೆ ಆರಂಭಿಸಲು ಮತ್ತು ರೂ. 50 ಸಾವಿರಕ್ಕಿಂತ ಹೆಚ್ಚಿನ ಪ್ರಮಾಣದಲ್ಲಿ ನಗದು ವಹಿವಾಟು ನಡೆಸಿದಾಗ ಆಧಾರ್‌ ಮತ್ತು ಇತರ ಅಧಿಕೃತ ದಾಖಲೆಗಳನ್ನು ಸಲ್ಲಿಸಬೇಕಾಗಿರುವುದನ್ನು ಈಗಾಗಲೇ ಕಡ್ಡಾಯಗೊಳಿಸಲಾಗಿದೆ.