ಯಾವುದಕ್ಕೆ ಹೆಚ್ಚು ಜಿಎಸ್ಟಿ

ಸಾಮಾನ್ಯವಾಗಿ ನವೆಂಬರ್ ನಿಂದ ಮದುವೆ ಸಮಾರಂಭಗಳು ಭರ್ಜರಿಯಾಗಿ ನಡೆಯುತ್ತವೆ. ಮದುವೆ ಸಂಭ್ರಮ ಹೆಚ್ಚಿಸುವ ವಸ್ತ್ರ, ಚಿನ್ನಾಭರಣಗಳು, ಸಮಾರಂಭ ನಡೆಯುವ ಸಭಾಂಗಣದ ಬಾಡಿಗೆ, ಊಟೋಪಚಾರ, ಛಾಯಾಚಿತ್ರ, ವಿಡಿಯೊ ಚಿತ್ರೀಕರಣ ಮುಂತಾದ ಸೇವೆಗಳಿಗೆ ಜಿಎಸ್ಟಿಯಿಂದಾಗಿ ಹೆಚ್ಚು ಹಣ ಪಾವತಿಸುವುದು ಈಗ ಅನಿವಾರ್ಯವಾಗಲಿದೆ.

ಜಿಎಸ್ಟಿ, ನೋಟು ರದ್ದತಿ ಎಫೆಕ್ಟ್

ಗರಿಷ್ಠ ಮುಖಬೆಲೆಯ ನೋಟುಗಳ ನಿಷೇಧ ಮತ್ತು ಜಿಎಸ್ಟಿ ಜಾರಿ ಫಲವಾಗಿ ಮದುವೆ ಸಂಬಂಧಿತ ವೆಚ್ಚ ದುಬಾರಿಯಾಗಲಿದೆ. ಬ್ಯೂಟಿಪಾರ್ಲರ್‌, ಮದುವೆ ಕರೆಯೋಲೆಗಳ ಕೊರಿಯರ್‌, ಅತಿಥಿಗಳಿಗಾಗಿ ಹೋಟೆಲ್‌ ಕೋಣೆಗಳ ಬಾಡಿಗೆ ವೆಚ್ಚಗಳೂ ತುಟ್ಟಿಯಾಗಲಿವೆ.

ಜಿಎಎಸ್ಟಿ ದರ ಶೇ. 18 ರಿಂದ 28

ಮದುವೆ ಸೇವೆಗಳ ಜಿಎಎಸ್ಟಿ ಶೇ. 18 ರಿಂದ 28ರವರೆಗೆ ಇರಲಿದೆ. ಜಿಎಸ್ಟಿ ಜಾರಿ ಮುನ್ನ ಮದುವೆ ಸಿದ್ಧತೆಗಳಿಗೆ ಮಾಡುವ ವೆಚ್ಚಗಳಿಗೆ ಅಧಿಕೃತ ರಸೀದಿ ನೀಡುವ ನಿಯಮ ಕಟ್ಟುನಿಟ್ಟಾಗಿರಲಿಲ್ಲ. ಹೀಗಾಗಿ ತೆರಿಗೆ ಕಟ್ಟುವ ಅಗತ್ಯ ಇದ್ದಿರಲಿಲ್ಲ. ಈಗ ಜಿಎಸ್ಟಿ ವ್ಯವಸ್ಥೆಯಡಿ ತೆರಿಗೆ ಪಾವತಿಸುವ ಬದ್ಧತೆ ಹೆಚ್ಚುತ್ತಿದೆ.

ಮದುವೆ ಪ್ರಾಶಸ್ತ್ಯ

ಒಂದು ಅಂದಾಜಿನ ಪ್ರಕಾರ ಭಾರತೀಯರು ತಮ್ಮ ಸಂಪತ್ತಿನ ಒಂದು ಐದಾಂಶದಷ್ಟು ಭಾಗ ಮದುವೆ ಸಮಾರಂಭಗಳಿಗೆ ಖರ್ಚು ಮಾಡುತ್ತಾರೆ. ಜಿಎಸ್ಟಿ ಫಲವಾಗಿ ಮದುವೆ ವೆಚ್ಚಗಳು ಗಣನೀಯವಾಗಿ ಹೆಚ್ಚಾಗಲಿರುವುದರಿಂದ ಜನರು ಮದುವೆ ಬಜೆಟ್ ಪರಿಷ್ಕರಿಸಲಿದ್ದು, ವೆಚ್ಚಕ್ಕೆ ಕಡಿವಾಣ ಹಾಕಲಿದ್ದಾರೆ ಎಂದು ಅಸೋಚಾಂ ವರದಿಯಲ್ಲಿ ತಿಳಿಸಿದೆ.