ಚೀನಾ ಅಮೆರಿಕಾ ಆರ್ಥಿಕ ಸಮರ

ಚೀನಾ ಮತ್ತು ಅಮೆರಿಕ ನಡುವಿನ ಆರ್ಥಿಕ ಸಮರದ ಹಿನ್ನೆಲೆ ಯುಎಸ್ ಡಾಲರ್‌ ಮೌಲ್ಯ ವೃದ್ಧಿಗೆ ಮುಂದಾಗಿದೆ. ಕೃತಕ ಬೇಡಿಕೆಯನ್ನು ಸೃಷ್ಟಿಸುವ ಮೂಲಕ ಇತರೆ ಕರೆನ್ಸಿಗಳನ್ನು ದುರ್ಬಲಗೊಳಿಸಲಾಗುತ್ತಿದೆ. ಇದು ಜಾಗತಿಕ ಆರ್ಥಿಕ ಬಿಕ್ಕಟ್ಟಿಗೆ ಕಾರಣವಾಗುವ ಸಾಧ್ಯತೆ ಇದೆ. ಚೀನಾ-ಅಮೇರಿಕಾ ಟ್ರೇಡ್ ವಾರ್: ಭಾರತದ ಮೇಲಾಗುವ ಪರಿಣಾಮಗಳೇನು?

ಪೆಟ್ರೋಲ್, ಡೀಸೆಲ್ ಬೆಲೆ

ರೂಪಾಯಿ ಮೌಲ್ಯ ಕುಸಿತದಿಂದ ಪೆಟ್ರೋಲ್, ಡೀಸೆಲ್ ಮೇಲಾಗುತ್ತಿರುವ ಪರಿಣಾಮ ನೋಡುತ್ತಿದ್ದೇವೆ. ತೈಲ ದರಗಳು ಗರಿಷ್ಠ ಮಟ್ಟಕ್ಕೆ ಏರುತ್ತಿದ್ದು, ದೆಹಲಿಯಲ್ಲಿ ಪೆಟ್ರೋಲ್ ಬೆಲೆ ರೂ. ೮೩.೫೮ರಷ್ಟಾಗಿದೆ.

ಬಡ್ಡಿದರ ಹೆಚ್ಚಳ

ರೂಪಾಯಿ ಕುಸಿತದ ಪರಿಣಾಮ ಬಡ್ಡಿದರ ಕೂಡ ಏರಿಕೆಯಾಗಲಿದೆ.
ಹಣದುಬ್ಬರ ನಿಯಂತ್ರಿಸುವುದು ಆರ್ಬಿಐಗೆ ಅನಿವಾರ್ಯತೆಯಾಗಿದೆ. ಅಂದರೆ ಹಣದುಬ್ಬರವನ್ನು ತಗ್ಗಿಸಲು ಬಡ್ಡಿ ದರಗಳನ್ನು ಹೆಚ್ಚಿಸಬಹುದು.

ಚಾಲ್ತಿ ಖಾತೆ ಕೊರತೆ

ಕಚ್ಚಾ ತೈಲ ದರಗಳು ಏರಿಕೆಯಾಗುತ್ತಿರುವುದು ಆರ್ಥಿಕ ಬೆಳವಣಿಗೆಗೆ ತೀವ್ರ ಹಾನಿ ಉಂಟುಮಾಡಬಹುದು. 2018 ರಲ್ಲಿನ ಆರ್ಥಿಕ ಸಮೀಕ್ಷೆಯು ಕಚ್ಚಾತೈಲಗಳ ಬೆಲೆ ಪ್ರತಿ ಬ್ಯಾರೆಲ್ ಗೆ 10 ಡಾಲರ್ ಏರಿಕೆಯಾಗುವುದು ಆರ್ಥಿಕ ಬೆಳವಣಿಗೆಯನ್ನು ಶೇ. 0.2-0.3 ಪಾಯಿಂಟ್ ಕಡಿಮೆಗೊಳಿಸುತ್ತದೆ. ಚಾಲ್ತಿ ಖಾತೆ ಕೊರತೆ ಕೂಡ ತೀವ್ರವಾಗಿ ಎದುರಾಗಲಿದೆ.

ಆರ್ಬಿಐ ಮಧ್ಯಪ್ರವೇಶ

ಸತತವಾಗಿ ಡಾಲರ್ ಎದುರು ಕುಸಿತ ಕಾಣುತ್ತಿರುವ ರೂಪಾಯಿ ಮೌಲ್ಯವನ್ನು ಸರಿದೂಗಿಸಲು ಆರ್ಬಿಐ ಮಧ್ಯಪ್ರವೇಶಿಸುವ ಸಾಧ್ಯತೆ ಇದೆ. ಆರ್ಥಿಕ ನೀತಿಗಳಲ್ಲಿ ಬದಲಾವಣೆ ತಂದು ರೂಪಾಯಿ ಮೌಲ್ಯ ಕಾಯ್ದುಕೊಳ್ಳುವುದು ಆರ್‌ಬಿಐ ಜವಾಬ್ದಾರಿಯಾಗಿದೆ.