ಏನು ಬದಲಾಗಲಿದೆ?

- ವಿಲೀನದ ನಂತರ ದೇನಾ ಮತ್ತು ವಿಜಯಾ ಬ್ಯಾಂಕ್ ಗ್ರಾಹಕರೆಲ್ಲ ಬ್ಯಾಂಕ್ ಆಫ್ ಬರೋಡಾಗೆ ವರ್ಗಾವಣೆಯಾಗಲಿದ್ದಾರೆ.
- ಗ್ರಾಹಕರಿಗೆ ಹೊಸ ಖಾತೆಯ ಸಂಖ್ಯೆ ಮತ್ತು ಕಸ್ಟಮರ್ ಐಡಿ ನೀಡಲಾಗುತ್ತದೆ.
- ಸಾಲಗಾರರು, ಇಎಂಐ ಪಾವತಿಸುವವರು ಹೊಸ ಅರ್ಜಿ ದಾಖಲೆಗಳನ್ನು ಬ್ಯಾಂಕಿಗೆ ಸಲ್ಲಿಸಬೇಕು.
- ಹೊಸ ಡೆಬಿಟ್ ಕಾರ್ಡ್, ಚೆಕ್ ಬುಕ್ ಮತ್ತು ಕ್ರೆಡಿಟ್ ಕಾರ್ಡ್ ನೀಡಲಾಗುವುದು.

ಬ್ಯಾಂಕಿಂಗ್ ವಿವರ ನವೀಕರಣ

ಗ್ರಾಹಕರು ತಮ್ಮ ಹೊಸ ಖಾತೆ ಸಂಖ್ಯೆಗಳನ್ನು ಮತ್ತು ಐಎಫ್ಎಸ್ಸಿ ಕೋಡ್ ಗಳನ್ನು ಆದಾಯ ತೆರಿಗೆ ಇಲಾಖೆ, ಮ್ಯೂಚುಯಲ್ ಫಂಡ್, ವಿಮೆ ಕಂಪನಿಗಳು, ರಾಷ್ಟ್ರೀಯ ಪಿಂಚಣಿ ಯೋಜನೆ, ಇತ್ಯಾದಿ ಸಂಸ್ಥೆಗಳೊಂದಿಗೆ ಬ್ಯಾಂಕಿಂಗ್ ವಿವರಗಳನ್ನು ನವೀಕರಿಸಬೇಕು.

ಇದು ಬದಲಾಗಲ್ಲ

- ಬ್ಯಾಂಕ್ ಆಫ್ ಬರೋಡಾಗೆ ಸೇರ್ಪಡೆಯಾಗುವ ಗ್ರಾಹಕರಿಗೆ ಪರ್ಸನಲ್ ಲೋನ್, ಮನೆ ಸಾಲ, ವಾಹನ ಸಾಲ, ಶಿಕ್ಷಣ ಸಾಲ ಇತ್ಯಾದಿಗಳ ಮೇಲಿನ ಬಡ್ಡಿ ದರಗಳು ಬದಲಾಗದೇ ಇರಬಹುದು.
- ಸ್ಥಿರ ಠೇವಣಿ ಅಥವಾ ರಿಕರಿಂಗ್ ಡಿಪಾಸಿಟ್ ಮೇಲಿನ ಬಡ್ಡಿದರ ಬದಲಾಗದೆ ಇರಬಹುದು.

3ನೇ ದೊಡ್ಡ ಬ್ಯಾಂಕ್

ಪ್ರಸ್ತುತ ದೇಶದ ಅತಿದೊಡ್ಡ ಬ್ಯಾಂಕ್ ಅಗಿ ಎಸ್ಬಿಐ ಮೊದಲ ಸ್ಥಾನದಲ್ಲಿದ್ದು, ಹೆಚ್.ಡಿ.ಎಫ್.ಸಿ. 2 ನೇ ಸ್ಥಾನದಲ್ಲಿದೆ. ಐಸಿಐಸಿಐ 3ನೇ ಸ್ಥಾನದಲ್ಲಿದೆ. ಇದೀಗ ದೇನಾ ಮತ್ತು ವಿಜಯಾ ಬ್ಯಾಂಕ್ ವಿಲೀನದ ಬಳಿಕ ಬ್ಯಾಂಕ್ ಆಫ್ ಬರೋಡಾದ ವ್ಯವಹಾರದ ಮೌಲ್ಯ ಏರಿಕೆಯಾಗಲಿದ್ದು, 3 ನೇ ದೊಡ್ಡ ಬ್ಯಾಂಕ್ ಆಗಲಿದೆ. ಬ್ಯಾಂಕುಗಳ ವಿಲೀನದಿಂದ ಕೆಲವು ಶಾಖೆ ಬಂದ್ ಆಗಲಿವೆ.