4ಜಿ ಸ್ಪೆಕ್ಟ್ರಂ ಹರಾಜು: 18,699 ಕೋಟಿ ರೂಪಾಯಿಗೆ 355.45 ಮೆಗಾಹರ್ಟ್ಸ್ ಸ್ವಾಧೀನಪಡಿಸಿಕೊಂಡ ಭಾರ್ತಿ ಏರ್ಟೆಲ್
ದೇಶದ ಪ್ರಮುಖ ಟೆಲಿಕಾಂ ಕಂಪನಿಗಳಲ್ಲಿ ಒಂದಾದ ಭಾರ್ತಿ ಏರ್ಟೆಲ್ ಮಾರ್ಚ್ 1ರಿಂದ ಆರಂಭಗೊಂಡಿರುವ ಸ್ಪೆಕ್ಟ್ರಂ ಹರಾಜಿನಲ್ಲಿ 4 ಜಿ ವೈರ್ಲೆಸ್ ಸೇವೆಗಾಗಿ 18,699 ಕೋಟಿ ಮೌಲ್ಯದ 355.45 ಮೆಗಾಹರ್ಟ್ಸ್ ಸ್ವಾಧೀನಪಡಿಸಿಕೊಂಡಿದೆ ಎಂದು ಕಂಪನಿಯು ಮಂಗಳವಾರ ಸ್ಟಾಕ್ ಎಕ್ಸ್ಚೇಂಕ್ ಫೈಲಿಂಗ್ನಲ್ಲಿ ತಿಳಿಸಿದೆ.
ಭಾರತದ ಎರಡನೇ ಅತಿದೊಡ್ಡ ಟೆಲಿಕಾಂ ಆಪರೇಟರ್ ಭಾರ್ತಿ ಏರ್ಟೆಲ್ ಗ್ರಾಮೀಣ ಪ್ರದೇಶಗಳಲ್ಲಿ ತನ್ನ 4 ಜಿ ವ್ಯಾಪ್ತಿಯನ್ನು ಸುಧಾರಿಸಲು ಭಾರತದಾದ್ಯಂತ ಸಬ್-ಗಿಗಾಹರ್ಟ್ಸ್ ಸ್ಪೆಕ್ಟ್ರಮ್ಗಾಗಿ ಬಿಡ್ ಮೂಲಕ ಪಡೆದಿದೆ. ಇದರಿಂದ 90 ದಶಲಕ್ಷ ಗ್ರಾಹಕರನ್ನು ಸೇರಿಸಲು ಟೆಲಿಕಾಂ ಕಂಪನಿಗೆ ಅನುವು ಮಾಡಿಕೊಡುತ್ತದೆ ಎಂದು ಏರ್ಟೆಲ್ ತಿಳಿಸಿದೆ.
ಇದಲ್ಲದೆ ಕಂಪನಿಯು 1GHz ನಿಂದ ಪ್ರಾರಂಭವಾಗುವ ಮಧ್ಯ ಶ್ರೇಣಿಯಲ್ಲಿ ರೇಡಿಯೊ ಏರ್ ವೇವ್ಸ್ ಮತ್ತು 2,300MHz ಬ್ಯಾಂಡ್ ಅನ್ನು ಸಹ ಪಡೆದುಕೊಂಡಿದೆ.
ಸ್ಪೆಕ್ಟ್ರಂ ಹರಾಜು: ಇಂದಿನಿಂದ ಆರನೇ ಸುತ್ತಿನ ಬಿಡ್ಡಿಂಗ್
ಜೊತೆಗೆ ಈ ಹರಾಜಿನ ಮೂಲಕ, ಏರ್ಟೆಲ್ ತನ್ನ ಮಿಡ್-ಬ್ಯಾಂಡ್ ಸಾಮರ್ಥ್ಯದ ಸ್ಪೆಕ್ಟ್ರಮ್ ಹೋಲ್ಡಿಂಗ್ಗಳನ್ನು ಬಲಪಡಿಸಿದೆ. ಅಲ್ಲದೆ ಅದು ಸೇವೆಯ ಗುಣಮಟ್ಟವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ ಎಂದು ಕಂಪನಿ ತಿಳಿಸಿದೆ.