ತಜ್ಞರ ನಿರೀಕ್ಷೆಯನ್ನೂ ಮೀರಿಸಿದ ಇನ್ಫೋಸಿಸ್ ಲಾಭದ ಪ್ರಮಾಣ

ಬೆಂಗಳೂರು ಮೂಲದ ಇನ್ಫೋಸಿಸ್ ಅಕ್ಟೋಬರ್ ನಿಂದ ಡಿಸೆಂಬರ್ ತ್ರೈಮಾಸಿಕದ ಅವಧಿಗೆ ನಿರೀಕ್ಷೆಗೂ ಮೀರಿದ ಫಲಿತಾಂಶ ನೀಡಿದೆ. ವರ್ಷದಿಂದ ವರ್ಷಕ್ಕೆ ಆದಾಯ 6.6% ಬೆಳವಣಿಗೆ ಕಂಡಿದೆ. ಡಿಜಿಟಲ್ ಆದಾಯದಲ್ಲಿ 31.3 ಪರ್ಸೆಂಟ್ ಮತ್ತು ಒಟ್ಟಾರೆಯಾಗಿ ಡಿಜಿಟಲ್ ಆದಾಯವು ಒಟ್ಟಾರೆ ಆದಾಯದ ಅರ್ಧಕ್ಕಿಂತ ಹೆಚ್ಚಾಗಿದೆ. ದೊಡ್ಡ ವ್ಯವಹಾರಗಳ ಒಪ್ಪಂದ ಮೌಲ್ಯ (TCV) ಸಾರ್ವಕಾಲಿಕ ಗರಿಷ್ಠ $ 7.13 ಬಿಲಿಯನ್ ಇದೆ ಎಂದು ಇನ್ಫೋಸಿಸ್ ಬಿಎಸ್ ಇ ಲಿಸ್ಟಿಂಗ್ ನಲ್ಲಿ ತಿಳಿಸಿದೆ.

ಒಟ್ಟಾರೆ ಲಾಭ ಪ್ರಮಾಣವು 7.3% ಹೆಚ್ಚಳವಾಗಿ ರು. 5,197 ಕೋಟಿ ಮುಟ್ಟಿದೆ. ಬಡ್ಡಿ ಮತ್ತು ತೆರಿಗೆ ಮುಂಚಿನ ಆದಾಯವು (EBIT) 5.8 ಪರ್ಸೆಂಟ್ ಹೆಚ್ಚಳವಾಗಿ ತ್ರೈಮಾಸಿಕದಿಂದ ತ್ರೈಮಾಸಿಕಕ್ಕೆ 6,589 ಕೋಟಿ ರುಪಾಯಿ ಆಗಿದೆ. ಮಾರ್ಜಿನ್ ವಿಸ್ತರಣೆ 25.4 ಪರ್ಸೆಂಟ್ ಮುಟ್ಟಿದೆ.

ವಿಶ್ಲೇಷಕರು ಅಂದಾಜು ಮಾಡಿದ ಲಾಭದ ಪ್ರಮಾಣ 5084 ಕೋಟಿ ಮತ್ತು ಆದಾಯ ರು. 25,379 ಕೋಟಿ ರುಪಾಯಿ. EBIT 6357 ಕೋಟಿ ರುಪಾಯಿ ಮತ್ತು ಮಾರ್ಜಿನ್ 25.05 ಪರ್ಸೆಂಟ್. $ 10 ಮಿಲಿಯನ್+ ಬ್ಯಾಂಡ್ ನಲ್ಲಿ ನಾಲ್ವರು ಗ್ರಾಹಕರನ್ನು ಕಂಪೆನಿ ಸೇರ್ಪಡೆ ಮಾಡಿಕೊಂಡಿದೆ. $ 1 ಮಿಲಿಯನ್+ ಬ್ಯಾಂಡ್ ನಲ್ಲಿ 16 ಗ್ರಾಹಕರು ಆಗಿ, ಒಟ್ಟಾರೆ ಸಕ್ರಿಯ ಗ್ರಾಹಕರ ಪಟ್ಟಿಯು 2020ರ ಡಿಸೆಂಬರ್ ಕೊನೆ ಹೊತ್ತಿಗೆ 1562 ಇದೆ.

ಈ ಮಧ್ಯೆ $ 100+ ಮಿಲಿಯನ್ ಬ್ಯಾಂಡ್ ನ ಒಬ್ಬ ಗ್ರಾಹಕರನ್ನು ಇನ್ಫೋಸಿಸ್ ಕಳೆದುಕೊಂಡಿದೆ. ಇನ್ನು ಇನ್ಫೋಸಿಸ್ ಷೇರು ಡಿಸೆಂಬರ್ ತ್ರೈಮಾಸಿಕದಲ್ಲಿ 24.6 ಪರ್ಸೆಂಟ್ ಗಳಿಕೆ ಕಂಡಿದೆ. 2020ರ ಕ್ಯಾಲೆಂಡರ್ ವರ್ಷದಲ್ಲಿ 71.8 ಪರ್ಸೆಂತ್ ಹೆಚ್ಚಳವಾಗಿದೆ.