HDFC ಎರಡನೇ ತ್ರೈಮಾಸಿಕದ ಲಾಭ 28% ಇಳಿಕೆ
ಗೃಹ ಸಾಲ ಒದಗಿಸುವ ಎಚ್ ಡಿಎಫ್ ಸಿ ಜುಲೈನಿಂದ ಸೆಪ್ಟೆಂಬರ್ ನ ಎರಡನೇ ತ್ರೈಮಾಸಿಕದ ಫಲಿತಾಂಶ ಸೋಮವಾರ (ನವೆಂಬರ್ 2, 2020) ಪ್ರಕಟಿಸಿದೆ. ವರ್ಷದ ಹಿಂದೆ ಇದೇ ಅವಧಿಯಲ್ಲಿ 3962 ಕೋಟಿ ರುಪಾಯಿ ದಾಖಲು ಮಾಡಿದ್ದ ಎಚ್ ಡಿಎಫ್ ಸಿ, ಈ ಬಾರಿ 2870 ಕೋಟಿ ರುಪಾಯಿ ನಿವ್ವಳ ಲಾಭ ಗಳಿಸಿದೆ. ಲಾಭದ ಪ್ರಮಾಣದಲ್ಲಿ 28% ಇಳಿಕೆ ಆಗಿದೆ.
PMAY: CLSS ಸ್ಕೀಮ್ ನಲ್ಲಿ HDFCಯಿಂದ 47 ಸಾವಿರ ಕೋಟಿ ವಿತರಣೆ
ನಿವ್ವಳ ಬಡ್ಡಿ ಆದಾಯವು (NII) ಸೆಪ್ಟೆಂಬರ್ 30, 2020ಕ್ಕೆ 3647 ಕೋಟಿ ರುಪಾಯಿ ಬಂದಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ 3021 ಕೋಟಿ ರುಪಾಯಿ ಬಂದಿತ್ತು. ಆ ಮೂಲಕ 21% ಬೆಳವಣಿಗೆ ದಾಖಲಾಗಿದೆ. ಸೆಪ್ಟೆಂಬರ್ 30, 2020ಕ್ಕೆ ಗ್ರಾಸ್ ನಾನ್ ಪರ್ಫಾರ್ಮಿಂಗ್ ಸಾಲ 8511 ಕೋಟಿ ರುಪಾಯಿ ಇದೆ.
ಈ ಬಾರಿಯ ತ್ರೈಮಾಸಿಕಕ್ಕೆ ಪ್ರಾವಿಷನ್ 12304 ಕೋಟಿ ರುಪಾಯಿ ಮೀಸಲಿರಿಸಲಾಗಿದೆ. ಕೊರೊನಾಗಾಗಿ ಸೆಪ್ಟೆಂಬರ್ 30ರ ಕೊನೆಗೆ ಹೆಚ್ಚುವರಿ ಪ್ರಾವಿಷನ್ 1200 ಕೋಟಿ ರುಪಾಯಿ ಮೀಸಲಿಡಲಾಗಿದೆ. ಎಚ್ ಡಿಎಫ್ ಸಿ ಷೇರಿನ ಬೆಲೆ ದಿನದ ಕೊನೆಗೆ ಐದು ಪರ್ಸೆಂಟ್ ಗೂ ಹೆಚ್ಚು ಏರಿಕೆ ದಾಖಲಿಸಿದೆ.