309 ಕೋಟಿ ರುಪಾಯಿಯ ಲೆಕ್ಕಕ್ಕೆ ನೀಡದ ಆಸ್ತಿ ಪತ್ತೆ ಮಾಡಿದ ಐ.ಟಿ. ಇಲಾಖೆ
ಕೋಲ್ಕತ್ತಾ ಮೂಲದ ಸಮೂಹದ ಮೇಲೆ ಆದಾಯ ತೆರಿಗೆ ಇಲಾಖೆಯಿಂದ ದಾಳಿ ನಡೆಸಿ, ರು. 300 ಕೋಟಿಗೂ ಹೆಚ್ಚು ಮೊತ್ತದ ಲೆಕ್ಕಕ್ಕೆ ನೀಡದ ಆಸ್ತಿಯನ್ನು ಬಹಿರಂಗ ಪಡಿಸಿದ್ದಾರೆ. ಈ ಸಮೂಹವು ಉಕ್ಕು, ಕಬ್ಬಿಣ ಮತ್ತು ಚಹಾ ಉತ್ಪಾದನೆಯಲ್ಲಿ ತೊಡಗಿದೆ ಎಂದು ಸಿಬಿಡಿಟಿ ಹೇಳಿದೆ. "ಈ ತನಕ ಮುಚ್ಚಿಟ್ಟಿರುವ ಆದಾಯ ರು. 309 ಕೋಟಿ ಪತ್ತೆಯಾಗಿದೆ." ಎಂದು ತಿಳಿಸಲಾಗಿದೆ.
ಅಪನಗದೀಕರಣ ಪ್ರಕರಣ: ರು. 130.57 ಕೋಟಿ ಚರಾಸ್ತಿ, ಸ್ಥಿರಾಸ್ತಿ ED ವಶ
ಆ ಕಂಪೆನಿಯು ರು. 175 ಕೋಟಿಯ ಲೆಕ್ಕಕ್ಕೆ ನೀಡದ ಮೊತ್ತ ಇರುವುದಾಗಿ ಒಪ್ಪಿಕೊಂಡಿದೆ ಎಂದು ಸಿಬಿಡಿಟಿ ಹೇಳಿಕೆ ನೀಡಿದೆ. ಕೋಲ್ಕತ್ತಾ, ಜೆಮ್ಷಡ್ ಪುರ್, ಭುವನೇಶ್ವರ್, ಹೈದರಾಬಾದ್, ಮುಂಬೈ ಮತ್ತು ಇತರೆಡೆ ಸೇರಿ 25 ಸ್ಥಳಗಳಲ್ಲಿ ಜನವರಿ 29ರಂದು ಶೋಧ ಕಾರ್ಯಾಚರಣೆ ನಡೆದಿದೆ ಎಂದು ಹೇಳಲಾಗಿದೆ.
ಈ ಕಾರ್ಯಾಚರಣೆ ಮೂಲಕ ವಿವಿಧ ಶೆಲ್ ಅಥವಾ ಕಾಗದ ಸಂಸ್ಥೆಗಳಲ್ಲಿ ನಕಲಿ ಷೇರು ಬಂಡವಾಳ ಮತ್ತು ಅನ್ ಸೆಕ್ಯೂರ್ಡ್ ಸಾಲ ಪತ್ತೆಯಾಗಿದೆ ಎಂದು ಸಿಬಿಡಿಟಿ ತಿಳಿಸಿದೆ. ಸಮೂಹದ ಸದಸ್ಯರು ಕಾಗದ ಅಥವಾ ಶೆಲ್ ಕಂಪೆನಿಗಳನ್ನು ಬಳಸಿಕೊಂಡು, ಲೆಕ್ಕಕ್ಕೆ ನೀಡದ ಹಣವನ್ನು ರವಾನೆ ಮಾಡಿದ್ದಾರೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.