ಸ್ಪಷ್ಟನೆ ಕೇಳಿ 1.72 ಲಕ್ಷ ತೆರಿಗೆದಾರರಿಗೆ ಐಟಿಯಿಂದ ನೋಟಿಸ್

ತೆರಿಗೆ ಮರುಪಾವತಿ ಮತ್ತು ತೆರಿಗೆ ಬಾಕಿಗೆ ಸಂಬಂಧಿಸಿದಂತೆ ಸ್ಟಷ್ಟನೆ ಕೇಳಿ ಆದಾಯ ತೆರಿಗೆ ಇಲಾಖೆಯು 1.72 ಲಕ್ಷ ತೆರಿಗೆದಾರರಿಗೆ ಇ-ಮೇಲ್ ಮೂಲಕ ನೋಟಿಸ್ ನೀಡಿದೆ.

ಸ್ಟಾರ್ಟ್‌ಅಪ್‌ಗಳು, ಕಂಪನಿಗಳು ಮತ್ತು ತೆರಿಗೆದಾರರಿಗೆ ಸೇರಿದಂತೆ ಇರುವ ಬಾಕಿ ಮತ್ತು ತೆರಿಗೆ ಮರುಪಾವತಿ ಸಂಬಂಧ ಸ್ಟಷ್ಟನೆ ಕೋರಿ ಐಟಿ ಇ-ಮೇಲ್‌ ಮೂಲಕ ನೋಟಿಸ್ ನೀಡಿದೆ.

ಕೊರೊನಾವೈರಸ್‌ನಿಂದಾಗಿ ರಾಷ್ಟ್ರವ್ಯಾಪಿ ಲಾಕ್‌ಡೌನ್‌ನಿಂದ ದೇಶವು ಆರ್ಥಿಕ ಬಿಕ್ಕಟ್ಟಿನ ತೀವ್ರತೆಯನ್ನು ಎದುರಿಸುತ್ತಿದ್ದು, ಅದನ್ನು ತಗ್ಗಿಸಲು ಏಪ್ರಿಲ್ 8ರಿಂದ ಕೇಂದ್ರೀಯ ನೇರ ತೆರಿಗೆ ಮಂಡಳಿಕೆಯು(ಸಿಬಿಡಿಟಿ) ತೆರಿಗೆ ಮರುಪಾವತಿಯನ್ನು ತ್ವರಿತವಾಗಿ ಇತ್ಯರ್ಥಪಡಿಸುತ್ತದೆ. ಇದುವರೆಗೆ 14 ಲಕ್ಷ ತೆರಿಗೆದಾರರಿಗೆ 9 ಸಾವಿರ ಕೋಟಿ ಮೊತ್ತದ ಮರುಪಾವತಿ ಮಾಡಿದೆ.

ಬಾಕಿ ಉಳಿಸಿಕೊಂಡಿರುವ ತೆರಿಗೆಯೊಂದಿಗೆ ಮರುಪಾವತಿ ಮೊತ್ತವನ್ನು ಹೊಂದಾಣಿಕೆ ಮಾಡಿಕೊಳ್ಳುವ ಉದ್ದೇಶದಿಂದ ತೆರಿಗೆದಾರರಿಂದ ಪ್ರತಿಕ್ರಿಯೆ ಕೇಳಲಾಗಿದೆ. ಅಲ್ಲದೆ ಕೆಲವು ಮರುಪಾವತಿಗಳ ಬಗ್ಗೆ ತೆರಿಗೆದಾರರಿಂದ ಮಾಹಿತಿ ಕೇಳಲಾಗಿದೆ.