ಹೂಡಿಕೆ ಸೇವೆ: ಜನ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಮತ್ತು ಆ್ಯಕ್ಸಿಸ್ ಸೆಕ್ಯುರಿಟೀಸ್ ಒಪ್ಪಂದ

ಇತ್ತೀಚೆಗೆ ಮೂರನೇ ವರ್ಷಾಚರಣೆಯ ಸಂಭ್ರಮ ಕಂಡ ಜನ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ತನ್ನ ಗ್ರಾಹಕರಿಗೆ ಬ್ಯಾಂಕಿಂಗ್ ಮತ್ತು ಹೂಡಿಕೆಯ ಪರಿಪೂರ್ಣ ಸಂಯೋಜನೆಯನ್ನು 3ಇನ್1 ಖಾತೆ ಮೂಲಕ ಒದಗಿಸುವ ಸಲುವಾಗಿ ಆ್ಯಕ್ಸಿಸ್ ಬ್ಯಾಂಕ್‌ನ ಸಹಸಂಸ್ಥೆಯಾದ ಆ್ಯಕ್ಸಿಸ್ ಸೆಕ್ಯುರಿಟೀಸ್ ಒಪ್ಪಂದ ಮಾಡಿಕೊಂಡಿರುವುದನ್ನು ಇಂದು ಪ್ರಕಟಿಸಿದೆ.

3ಇನ್1 ಖಾತೆಯು ಜನ ಸ್ಮಾಲ್ ಫೈನಾನ್ಸ್ ಬ್ಯಾಂಕ್‌ನಲ್ಲಿ ಹೊಂದಿರುವ ಉಳಿತಾಯ ಬ್ಯಾಂಕ್ ಖಾತೆ ಮತ್ತು ಆ್ಯಕ್ಸಿಸ್ ಸೆಕ್ಯುರಿಟೀಸ್‍ನಲ್ಲಿ ಹೊಂದಿರುವ ಡಿಮ್ಯಾಟ್ ಹಾಗೂ ಟ್ರೇಡಿಂಗ್ ಖಾತೆಗಳನ್ನು ಸುಲಲಿತವಾಗಿ ಸಮನ್ವಯಗೊಳಿಸಲಿದೆ.

3ಇನ್1 ಖಾತೆಯು ಗ್ರಾಹಕರಿಗೆ ಸುಲಭವಾಗಿ ಹಾಗೂ ತ್ವರಿತವಾಗಿ ನಿಧಿ ವರ್ಗಾಯಿಸಲು, ಕಾಗದ ಕೆಲಸವನ್ನು ಕಡಿಮೆ ಮಾಡಲು ಮತ್ತು ಎಲ್ಲಕ್ಕಿಂತ ಮುಖ್ಯವಾಗಿ ಆ್ಯಕ್ಸಿಸ್ ಸೆಕ್ಯುರಿಟೀಸ್ ಒದಗಿಸುವ ಮ್ಯೂಚುವಲ್ ಫಂಡ್, ಎಸ್‍ಐಪಿ, ಈಕ್ವಿಟಿಗಳು ಹಾಗೂ ಇತರ ಹೂಡಿಕೆ ಮಾರ್ಗಗಳು ಸೇರಿದಂತೆ ವಿವಿಧ ಹೂಡಿಕೆ ಸಾಧನಗಳಲ್ಲಿ ಹೂಡಿಕೆ ಮಾಡಲು ಏಕೈಕ ಸುಲಲಿತ ಪ್ಲಾಟ್‌ಫಾರ್ಮ್‌ ಅನ್ನು ಒದಗಿಸಲಿದೆ.

ಗ್ರಾಹಕರು ಆ್ಯಕ್ಸಿಸ್ ಸೆಕ್ಯುರಿಟೀಸ್ ನೀಡುವ ಮ್ಯೂಚುವಲ್ ಫಂಡ್ ಹೂಡಿಕೆ, ಸ್ಟಾಕ್ ಬ್ರೋಕಿಂಗ್, ಹೂಡಿಕೆ ಸಲಹೆ ಮತ್ತು ಪೋರ್ಟ್‍ಫೋಲಿಯೊ ನಿರ್ವಹಣೆ ಸೇವೆಗಳು, ಟ್ರೇಡಿಂಗ್/ ಡಿಮ್ಯಾಟ್ ಖಾತೆ ತೆರೆಯುವುದೂ ಸೇರಿದಂತೆ ವಿವಿಧ ಸೇವೆಗಳನ್ನು ಆಯ್ಕೆ ಮಾಡಿಕೊಳ್ಳಲು ಅವಕಾಶವಿದೆ.