ಕೇರಳದ ಟ್ಯಾಕ್ಸಿ ಡ್ರೈವರ್ ಗೆ 1 ಕೋಟಿ ರುಪಾಯಿ ಜಾಕ್ ಪಾಟ್

ಒಂದು ದಿನದಲ್ಲಿ ಬೆಳಗ್ಗೆಯಿಂದ ಸಂಜೆ ಆಗುವುದರೊಳಗೆ ಒಬ್ಬ ವ್ಯಕ್ತಿ ಕೋಟ್ಯಧಿಪತಿ ಆಗಲು ಸಾಧ್ಯವಾ? ಹಾಗೆ ಆಗಬೇಕು ಅಂದರೆ ಲಾಟರಿ ಹೊಡೀಬೇಕು ಅಷ್ಟೇ ಅನ್ನೋದು ನಿಮ್ಮ ಉತ್ತರವಾದರೆ, ಊಹೆ ಸತ್ಯ. ಏಕೆಂದರೆ ಕಳೆದ ಶನಿವಾರ ಬೆಳಗ್ಗೆ 9.30ಕ್ಕೆ 50 ರುಪಾಯಿ ಕೊಟ್ಟು, ಲಾಟರಿ ಖರೀದಿಸಿದ ವ್ಯಕ್ತಿಗೆ ಸಂಜೆ 4 ಗಂಟೆಗೆ 1 ಕೋಟಿ ರುಪಾಯಿ ಜಾಕ್ ಪಾಟ್ ಹೊಡೆದಿದೆ.

ಕೇರಳದ ಚೌವಾರದಲ್ಲಿನ 33 ವರ್ಷದ ಟ್ಯಾಕ್ಸಿ ಚಾಲಕ ಶಾಜಿಗೆ ಅದೃಷ್ಟ ಹೀಗೆ ಒಲಿದಿದ್ದು, 1 ಕೋಟಿ ಮೊತ್ತದ ಬಹುಮಾನ ಟಿಕೆಟ್ ಸಂಖ್ಯೆ KD 841039ಗೆ ಬಂದಿದೆ. ಅಂದ ಹಾಗೆ ಶಾಜಿಗೆ ಯಾವಾಗಲೂ ಲಾಟರಿ ಟಿಕೆಟ್ ಖರೀದಿಸುವ ಅಭ್ಯಾಸ. ಒಂದು ವೇಳೆ ಲಾಟರಿ ಟಿಕೆಟ್ ನ ಕೊನೆ ಸಂಖ್ಯೆ 9 ಅಥವಾ 12 ಆಗಿದ್ದರೆ ಸಾಲ ಮಾಡಿಯಾದರೂ ಖರೀದಿಸುತ್ತಿದ್ದರು.

ನ್ಯಾಷನಲ್ ಲಾಟರಿಯಲ್ಲಿ ಈ ದಂಪತಿಗೆ ಬಂದ ಜಾಕ್ ಪಾಟ್ ಮೊತ್ತ 966 ಕೋಟಿ

ಒಂದು ಸಲ ಸ್ನೇಹಿತರ ಜತೆಗೂಡಿ 3000 ರುಪಾಯಿಗೆ ಲಾಟರಿ ಟಿಕೆಟ್ ಖರೀದಿಸಿದ್ದಾರೆ. ಆ ನಂತರ ಹೀಗೆ ಅದೃಷ್ಟ ಪರೀಕ್ಷೆ ಮಾಡುವುದು ಅಭ್ಯಾಸವಾಗಿದೆ. ಚೆರುವೆಟ್ಟುಕಾಡ್ ಚರ್ಚ್ ನಲ್ಲಿ ಹಾಡುವ ಗುಂಪಿನಲ್ಲಿ ಶಾಜಿ ಕೂಡ ಒಬ್ಬರು. "ಒಂದು ವೇಳೆ ನನಗೆ ಲಾಟರಿ ಬಂದರೆ ಚರ್ಚ್ ಗೆ ಮ್ಯೂಸಿಕ್ ಸಿಸ್ಟಮ್ ನೀಡುತ್ತೇನೆ" ಎಂದು ತಮ್ಮ ಸ್ನೇಹಿತ ಸಂತೋಷ್ ಗೆ ಶಾಜಿ ಹೇಳಿದ್ದರಂತೆ.

ಶನಿವಾರದಂದು ತನ್ನ ತಾಯಿಗೆ ಹಣ ನೀಡಿದ ನಂತರ ಉಳಿದ ಐವತ್ತು ರುಪಾಯಿಯಲ್ಲಿ ನೆಲ್ಲಿಮೂಡು ಶ್ರೀಧರನ್ ಅವರಿಂದ ಲಾಟರಿ ಟಿಕೆಟ್ ಖರೀದಿಸಿದ್ದರು ಶಾಜಿ. ತನ್ನ ಸಂಬಂಧಿ ಮನು ಎಂಬುವವರಿಂದ ಶಾಜಿ ಅವರಿಗೆ ಟಿಕೆಟ್ ಬಹುಮಾನ ಬಂದಿರುವುದು ಗೊತ್ತಾಗಿದೆ. ಎಸ್ ಬಿಐ ಚೌವಾರ ಶಾಖೆಯ ಮ್ಯಾನೇಜರ್ ಆರ್. ಎಸ್. ದಿವ್ಯಾ ಅವರು ಶಾಜಿ ಮನೆಗೆ ಬಂದು ಸುದ್ದಿ ಮುಟ್ಟಿಸಿದ್ದಾರೆ. ಎಲ್ಲ ನಿಯಮಗಳನ್ನು ಪೂರ್ಣಗೊಳಿಸಿ, ಆಕೆಗೆ ಲಾಟರಿ ಟಿಕೆಟ್ ಹಸ್ತಾಂತರಿಸಲಾಗಿದೆ.

ಲಕ್ಷ್ಮೀ ಕೃಪಾಕಟಾಕ್ಷ! 28 ಕೋಟಿ ದುಬೈ ಲಾಟರಿ ಗೆದ್ದ ತೆಲಂಗಾಣದ ರೈತ

ಶಾಜಿಗೆ ಅವರ ಮಾವ ರಾಜು ಮನೆ ನವೀಕರಣಕ್ಕೆ ಸಹಾಯ ಮಾಡಿದ್ದಾರೆ. ಅಷ್ಟೇ ಅಲ್ಲ, ಅಳಿಯನಿಗೆ ಟ್ಯಾಕ್ಸಿ ಕೊಡಿಸಿದ್ದಾರೆ. ಈಗ ಬಹುಮಾನ ಬಂದ ಮೇಲೆ, ಅಡಮಾನ ಇಟ್ಟ ಪತ್ನಿ ಅಂಜು ಅವರ ಚಿನ್ನ ಬಿಡಿಸಿಕೊಡಬೇಕು ಅಂತಿದ್ದಾರೆ ಶಾಜಿ. ಸಣ್ಣ ಮೊತ್ತವನ್ನು ಸೋದರಿಗೆ ಕೊಡಬೇಕು. ಸ್ನೇಹಿತ ಸಂತೋಷ್ ಗೆ ಆಟೋ ಕೊಡಿಸಬೇಕು. ಮೂರು ವರ್ಷದ ಮಗನ ಹೆಸರಲ್ಲಿ ಹಣ ಹೂಡಿಕೆ ಮಾಡುವ ಉದ್ದೇಶ ಶಾಜಿಗೆ ಇದೆ.