ಇ-ಕಾಮರ್ಸ್ ಕ್ಷೇತ್ರಕ್ಕೆ ಕಾಲಿಡಲಿರುವ ರಿಲಯನ್ಸ್ ನ ಮುಖೇಶ್ ಅಂಬಾನಿ
ದೇಶದ ಇಂಟರ್ನೆಟ್ ಶಾಪಿಂಗ್ ಕ್ಷೇತ್ರದಲ್ಲೂ ತನ್ನ ಅಸ್ತಿತ್ವವನ್ನು ತೋರಿಸಲು ಮುಂದಾಗಿರುವ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಇ ಕಾಮರ್ಸ್ ವೇದಿಕೆಯನ್ನು ನಿರ್ಮಿಸಲು ಮುಂದಾಗಿದೆ.
ಈ ಮೂಲಕ ಅಮೆಜಾನ್, ವಾಲ್ಮಾರ್ಟ್, ಫ್ಲಿಪ್ ಕಾರ್ಟ್ ಮುಂತಾದ ಆನ್ ಲೈನ್ ಶಾಪಿಂಗ್ ಕಂಪನಿಗಳೊಂದಿಗೆ ಸ್ಪರ್ಧೆಗಿಳಿಯಲು ಅದು ಮುಂದಾಗಿದೆ.
ಅಂಬಾನಿ ನಂಬರ್ ಒನ್ ಆದ್ರೆ ಅದಾನಿ ನಂಬರ್ ಟು
ಈ ಬಗ್ಗೆ ಮಾತನಾಡಿದ ರಿಲಯನ್ಸ್ ಇಂಡಸ್ಟ್ರೀಸ್ ಚೇರ್ ಪರ್ಸನ್ ಮುಖೇಶ್ ಅಂಬಾನಿ, ಇ-ಕಾಮರ್ಸ್ ಪ್ಲಾಟ್ ಫಾರ್ಮ್ ನಿರ್ಮಾಣಕ್ಕಾಗಿ 1.08 ಲಕ್ಷ ಕೋಟಿ ರೂ. ವ್ಯಯಿಸಲು ಮುಂದಾಗಿದ್ದಾರೆ.
ಟೆಲಿ ಕಮ್ಯೂನಿಕೇಶನ್, ತೈಲ ಮುಂತಾದ ಕ್ಷೇತ್ರಗಳಲ್ಲಿ ಹೆಸರು ಮಾಡಿದ್ದ ಅಂಬಾನಿ ಈ ಮೂಲಕ ಡಿಜಿಟಲ್ ಮಾರುಕಟ್ಟೆಯಲ್ಲೂ ತಮ್ಮ ಪಾರುಪತ್ಯ ಮೆರೆಯಲು ಮುಂದಾಗಿದ್ದಾರೆ.
"ಈ ಹೊಸ ಹೆಜ್ಜೆಗೆ ನಾವು ಸರಿಯಾದ ಪಾಲುದಾರರನ್ನು ಹುಡುಕುತ್ತಿದ್ದೇವೆ" ಎಂದು ಮುಖೇಶ್ ಅಂಬಾನಿ ಹೇಳಿದ್ದಾರೆ. ಜಿಯೋ ಮೂಲಕ ಭಾರತದ ಇತರ ಟೆಲಿಫೋನ್ ಸರ್ವಿಸ್ ಗಳಿಗೆ ಹೊಡೆತ ನೀಡಿದ್ದ ರಿಲಯನ್ಸ್ ಈಗ ಇ ಕಾಮರ್ಸ್ ಕ್ಷೇತ್ರಕ್ಕೆ ಕಾಲಿಡುತ್ತಿರುವುದು ಇ-ಕಾಮರ್ಸ್ ದೈತ್ಯರಲ್ಲೂ ಭಯ ಹುಟ್ಟಿಸಿದೆ.