ಟಿಸಿಎಸ್ Q2 ವರದಿ: ನಿವ್ವಳ ಆದಾಯ ಶೇ 18ರಷ್ಟು ಏರಿಕೆ
ದೇಶದ ಅತಿದೊಡ್ಡ ಸಾಫ್ಟ್ವೇರ್ ಸೇವೆಗಳ ರಫ್ತುದಾರ ಟಿಸಿಎಸ್ ಸೋಮವಾರದಂದು ಎರಡನೇ ತ್ರೈಮಾಸಿಕ ವರದಿಯನ್ನು ಪ್ರಕಟಿಸಿದೆ. ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ವಾರ್ಷಿಕವಾಗಿ ಶೇಕಡಾ 8.41 ರಷ್ಟು ಪ್ರಗತಿ ಕಂಡು ನಿವ್ವಳ ಲಾಭ 10,465 ಕೋಟಿ ರೂ. ಗಳಿಸಿದೆ. ಟಿಸಿಎಸ್ ಕಾರ್ಯಾಚರಣೆಗಳ ಆದಾಯವು ಕಳೆದ ವರ್ಷದ ಇದೇ ತ್ರೈಮಾಸಿಕಕ್ಕೆ 46,867 ಕೋಟಿ ರೂಪಾಯಿಗಳಿಗೆ ಹೋಲಿಸಿದರೆ ವರ್ಷದಿಂದ ವರ್ಷಕ್ಕೆ ಶೇಕಡಾ 18.01 ರಷ್ಟು ಏರಿಕೆ ಕಂಡು 55,309 ಕೋಟಿ ರೂಪಾಯಿ ಪಡೆದುಕೊಂದಿದೀ. ಅನುಕ್ರಮವಾಗಿ, ಆದಾಯವು 4.83 ಶೇಕಡಾ ಬೆಳವಣಿಗೆಯಾಗಿದೆ.
ಸ್ಥಿರ ಕರೆನ್ಸಿ ಪರಿಭಾಷೆಯಲ್ಲಿ, ಆದಾಯದ ಪ್ರಗತಿಯು ವರ್ಷದಿಂದ ವರ್ಷಕ್ಕೆ(YoY) ಶೇ 15.4 ರಷ್ಟಾಗಿದೆ. ಕಂಪನಿಯು ತನ್ನ ಕಾರ್ಯಾಚರಣೆಯ ಮಾರ್ಜಿನ್ ಶೇ 24 ಆಗಿದೆ. ತ್ರೈಮಾಸಿಕದಲ್ಲಿ ಕಂಪನಿಯ ಆರ್ಡರ್ ಬುಕ್ $8.1 ಬಿಲಿಯನ್ ನಷ್ಟಿತ್ತು. ಕಾರ್ಯಾಚರಣೆಗಳಿಂದ ನಿವ್ವಳ ನಗದು ರೂ 10,675 ಕೋಟಿ ಅಥವಾ ನಿವ್ವಳ ಆದಾಯದ 102.3 ಪ್ರತಿಶತ ಬಂದಿದೆ
ಸಿಬಿಲ್ ಸ್ಕೋರ್ ಆಧಾರದ ಮೇಲೆ ಹಬ್ಬಕ್ಕೆ SBI ಇಂದ ಆಫರ್
ಎರಡನೇ ತ್ರೈಮಾಸಿಕ ವರದಿಯನ್ನು ಪ್ರಕಟಿಸದ ಬೆನ್ನಲ್ಲೇ ಟಿಸಿಎಸ್ ಪ್ರತಿ ಷೇರಿಗೆ 8 ರೂ.ಗಳ ಲಾಭಾಂಶವನ್ನೂ ಘೋಷಿಸಿದೆ. ಇದೇ ಅಕ್ಟೋಬರ್ 18 ರ ದಾಖಲೆ ದಿನಾಂಕ ಮತ್ತು ಅದನ್ನು ನವೆಂಬರ್ 7 ರಂದು ಪಾವತಿಸಲಾಗುತ್ತದೆ.
ಬೆಂಚ್ಮಾರ್ಕ್ ಸೆನ್ಸೆಕ್ಸ್ನಲ್ಲಿ 0.34 ಶೇಕಡಾ ತಿದ್ದುಪಡಿಗೆ ವಿರುದ್ಧವಾಗಿ BSE ನಲ್ಲಿ ಟಿಸಿಎಸ್ ಶೇ 1.84 ರಷ್ಟು ಏರಿಕೆಯಾಗಿ 3,121.20 ರೂ ನಂತೆ ವಹಿವಾಟು ನಡೆಸಿದೆ.
ಅ.10ರ ಪೇಟೆ ಧಾರಣೆ: ಮೀನು, ತರಕಾರಿ, ಸೊಪ್ಪು, ಎಣ್ಣೆ ಮಾರುಕಟ್ಟೆ ಬೆಲೆ
"ಇದು ಯುಕೆಯಲ್ಲಿನ ನಮ್ಮ ಟಿಸಿಎಸ್ ವಿಮಾ ಪ್ಲಾಟ್ಫಾರ್ಮ್ಗೆ 2.3 ಮಿಲಿಯನ್ ಪಾಲಿಸಿಗಳ ಅತಿದೊಡ್ಡ ವಲಸೆ ಅಥವಾ ಗಿಫ್ಟ್ ಸಿಟಿಯಲ್ಲಿನ ವ್ಯಾಪಾರ ವೇದಿಕೆಗೆ ಹಲವಾರು ಪರಿವರ್ತನೆಯ ಯೋಜನೆಗಳನ್ನು ತಲುಪಿಸುವುದನ್ನು ಕಂಡಿತು" ಎಂದು ಕಾರ್ಯನಿರ್ವಾಹಕ ಅಧಿಕಾರಿ ಮತ್ತು ಕಾರ್ಯನಿರ್ವಾಹಕ ನಿರ್ದೇಶಕ ಎನ್ ಗಣಪತಿ ಸುಬ್ರಮಣ್ಯಂ ಹೇಳಿದ್ದಾರೆ.
ತ್ರೈಮಾಸಿಕದಲ್ಲಿ ನಿವ್ವಳ 9,840 ಹೊಸ ಉದ್ಯೋಗಿಗಳನ್ನು ನೇಮಿಸಿಕೊಂಡಿದೆ ಎಂದು TCS ಹೇಳಿದೆ, ಒಟ್ಟು ಉದ್ಯೋಗಿಗಳ ಸಂಖ್ಯಾಬಲ 6,16,171ಕ್ಕೆ ಏರಿಕೆಯಾಗಿದೆ. ಉದ್ಯೋಗಿಗಳಲ್ಲಿ ಮಹಿಳೆಯರ ಪಾಲು ಶೇಕಡಾ 35.7 ರಷ್ಟಿದೆ ಎಂದು ಸಂಸ್ಥೆ ಹೇಳಿದೆ. ಕಳೆದ ಹನ್ನೆರಡು ತಿಂಗಳ ಅಟ್ರಿಷನ್ ದರವು ಶೇಕಡಾ 21.5 ರಷ್ಟಿದೆ.
"ನಮ್ಮ ತ್ರೈಮಾಸಿಕ ವಾರ್ಷಿಕ ಅಟ್ರಿಷನ್ Q2 ನಲ್ಲಿ ಉತ್ತುಂಗಕ್ಕೇರಿದೆ ಎಂದು ನಾವು ನಂಬುತ್ತೇವೆ ಮತ್ತು ಈ ಹಂತದಿಂದ ಇದು ಕಡಿಮೆಯಾಗುವುದನ್ನು ನೋಡಬೇಕು, ಆದರೆ ಅನುಭವಿ ವೃತ್ತಿಪರರ ಪರಿಹಾರದ ನಿರೀಕ್ಷೆಗಳು ಮಧ್ಯಮವಾಗಿರುತ್ತವೆ" ಎಂದು TCS ನ ಮುಖ್ಯ ಮಾನವ ಸಂಪನ್ಮೂಲ ಅಧಿಕಾರಿ ಮಿಲಿಂದ್ ಲಕ್ಕಡ್ ಹೇಳಿದ್ದಾರೆ.