Just In
Don't Miss
-
Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ -
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
CRISIL ನಿಂದ ಶ್ರೇಯಾಂಕ ಪಡೆದ ಟಾಪ್ 5 ಅತ್ಯುತ್ತಮ ಫ್ಲೆಕ್ಸಿಕ್ಯಾಪ್ ಮ್ಯೂಚುವಲ್ ಫಂಡ್‌ಗಳು
ಹೆಚ್ಚು ಬಂಡವಾಳ, ಮಧ್ಯಮ ಬಂಡವಾಳ ಮತ್ತು ಸಣ್ಣ ಬಂಡವಾಳ (ಲಾರ್ಜ್ ಕ್ಯಾಪ್, ಮಿಡ್ ಕ್ಯಾಪ್ ಮತ್ತು ಸ್ಮಾಲ್ ಕ್ಯಾಪ್) ಕಂಪನಿಗಳಲ್ಲಿ ಹೂಡಿಕೆ ಮಾಡುವ ಓಪನ್-ಎಂಡ್ ಡೈನಾಮಿಕ್ ಇಕ್ವಿಟಿ ಫಂಡ್‌ಗಳನ್ನು ಫ್ಲೆಕ್ಸಿಕ್ಯಾಪ್ ಫಂಡ್ ಎಂದು ಕರೆಯಲಾಗುತ್ತದೆ. ಒಟ್ಟು ಆಸ್ತಿಯಲ್ಲಿ ಕನಿಷ್ಠ 65 ಪ್ರತಿಶತವನ್ನು ಇಕ್ವಿಟಿಗಳು ಮತ್ತು ಇಕ್ವಿಟಿ ಸಂಬಂಧಿತ ಉತ್ಪನ್ನಗಳಲ್ಲಿ ಹೂಡಿಕೆ ಮಾಡಲಾಗುತ್ತದೆ. ಆಕರ್ಷಕ ಸಂಗತಿಯೆಂದರೆ ಫ್ಲೆಕ್ಸಿಕ್ಯಾಪ್ ಈಕ್ವಿಟಿ ಮ್ಯೂಚುವಲ್ ಫಂಡ್‌ಗಳ ಎರಡನೇ ದೊಡ್ಡ ವರ್ಗವಾಗಿದೆ.
ಎಎಮ್‌ಎಫ್‌ಐ ಮಾಹಿತಿಯ ಪ್ರಕಾರ, 25 ಫ್ಲೆಕ್ಸಿಕ್ಯಾಪ್ ನಿಧಿಗಳು 84 ಲಕ್ಷ ಖಾತೆಗಳು ಮತ್ತು 1.59 ಲಕ್ಷ ಬಿಲಿಯನ್ ಆಸ್ತಿಯ ನಿರ್ವಹಣೆಯಲ್ಲಿದೆ. ಮಾರುಕಟ್ಟೆ ಬಂಡವಾಳೀಕರಣದ ಬುಟ್ಟಿಯಿಂದ ಯಾವ ಕಂಪನಿಗಳಲ್ಲಿ ಹೂಡಿಕೆ ಮಾಡುತ್ತಾರೆ ಎಂಬುದರ ಮೇಲೆ ಸಂಪೂರ್ಣ ನಿಯಂತ್ರಣವನ್ನು ಬಯಸುವ ಹೂಡಿಕೆದಾರರಿಗೆ ಇದು ಸೂಕ್ತವಾಗಿದೆ. ಮಧ್ಯಮದಿಂದ ಹೆಚ್ಚಿನ ಅಪಾಯ ಎದುರಿಸಿ ಅನುಭವ ಹೊಂದಿರುವ ಹೂಡಿಕೆದಾರರು ಮತ್ತು 5 ವರ್ಷಗಳ ಹೂಡಿಕೆಯಲ್ಲಿ ಏರಿಳಿತ ಕಂಡಿರುವ ಹೂಡಿಕೆದಾರರು ಫ್ಲೆಕ್ಸಿಕ್ಯಾಪ್ ಫಂಡ್‌ಗಳಲ್ಲಿ ಹೂಡಿಕೆ ಮಾಡುವುದನ್ನು ಪರಿಗಣಿಸಬಹುದು.
ಮ್ಯೂಚುವಲ್ ಫಂಡ್ ಸಂಸ್ಥೆಗಳು ಎಸ್‌ಐಪಿ (ವ್ಯವಸ್ಥಿತ ಹೂಡಿಕೆ ಯೋಜನೆ) ಹೂಡಿಕೆ ಆಯ್ಕೆಯನ್ನು ಒದಗಿಸುತ್ತವೆ. ನಿಯಮಿತವಾಗಿ ಎಸ್‌ಐಪಿಯನ್ನು ಅನುಷ್ಠಾನಗೊಳಿಸುವ ಮೂಲಕ, ಒಬ್ಬರು ಸಣ್ಣ ಮೊತ್ತವನ್ನು (ವಾರ, ಮಾಸಿಕ ಮತ್ತು ತ್ರೈಮಾಸಿಕ) ಹೂಡಿಕೆ ಮಾಡಬಹುದು. ಇದು ಚಿಲ್ಲರೆ ಹೂಡಿಕೆದಾರರಿಗೆ ಉತ್ತಮ ರಚನಾತ್ಮಕ ಹೂಡಿಕೆ ತಂತ್ರವನ್ನು ಒದಗಿಸುತ್ತದೆ.
CRISIL ನಿಂದ ಶ್ರೇಯಾಂಕ ಪಡೆದ 5 ಅತ್ಯುತ್ತಮ ಫ್ಲೆಕ್ಸಿ ಕ್ಯಾಪ್ ಮ್ಯೂಚುವಲ್ ಫಂಡ್‌ಗಳು
ಈ ಪಟ್ಟಿಯಲ್ಲಿ ಮೊದಲ ಸ್ಥಾನವನ್ನು ಪಿಜಿಐಎಮ್‌ ಇಂಡಿಯಾ ಫ್ಲೆಕ್ಸಿ ಕ್ಯಾಪ್ ಫಂಡ್ ಪಡೆದಿದೆ. ರ್‍ಯಾಂಕ್‌ ಒಂದರಲ್ಲಿ ಇರುವ ಈ ಫಂಡ್‌ನಲ್ಲಿ ಒಂದು ವರ್ಷದಲ್ಲಿ ಶೇ. 67.94, ಮೂರು ವರ್ಷದಲ್ಲಿ ಶೇ. 25.23, ಐದು ವರ್ಷದಲ್ಲಿ ಶೇ. 20.79 ರಿಟರ್ನ್ಸ್ ಆಗಿದೆ. ನಂಬರ್ ಒಂದು ರ್‍ಯಾಂಕ್‌ನಲ್ಲಿ ಯುಟಿಐ ಫ್ಲೆಕ್ಸಿಕ್ಯಾಪ್ ಇದ್ದು, ಈ ಫಂಡ್‌ನಲ್ಲಿ ಒಂದು ವರ್ಷದಲ್ಲಿ ಶೇ. 61.01, ಮೂರು ವರ್ಷದಲ್ಲಿ ಶೇ. 18.84, ಐದು ವರ್ಷದಲ್ಲಿ ಶೇ.17.49 ರಿಟರ್ನ್ಸ್ ಆಗಿದೆ. ಎರಡನೇ ರ್‍ಯಾಂಕಿ‌ಗ್‌ನಲ್ಲಿ ಕೆನರಾ ರೋಬೆಕೊ ಫ್ಲೆಕ್ಸಿ ಕ್ಯಾಪ್ ಫಂಡ್ ಇದೆ. ಈ ಫಂಡ್‌ನಲ್ಲಿ ಒಂದು ವರ್ಷದಲ್ಲಿ ಶೇ. 50.07, ಮೂರು ವರ್ಷದಲ್ಲಿ ಶೇ. 18.12, ಐದು ವರ್ಷದಲ್ಲಿ ಶೇ.18.33 ರಿಟರ್ನ್ಸ್ ಆಗಿದೆ.
ಹಾಗೆಯೇಎರಡನೇ ರ್‍ಯಾಕಿಂಗ್‌ನಲ್ಲಿ ಡಿಎಸ್ಪಿ ಫ್ಲೆಕ್ಸಿ ಕ್ಯಾಪ್ ಫಂಡ್ ಇದೆ. ಈ ಫಂಡ್‌ನಲ್ಲಿ ಒಂದು ವರ್ಷದಲ್ಲಿ ಶೇ. 58.76, ಮೂರು ವರ್ಷದಲ್ಲಿ ಶೇ. 18.63, ಐದು ವರ್ಷದಲ್ಲಿ ಶೇ.17.55 ರಿಟರ್ನ್ಸ್ ಆಗಿದೆ. ಎರಡನೇ ರ್‍ಯಾಕಿಂಗ್‌ನಲ್ಲಿ ಯೂನಿಯನ್ ಫ್ಲೆಕ್ಸಿ ಕ್ಯಾಪ್ ಇದೆ. ಈ ಫಂಡ್‌ನಲ್ಲಿ ಒಂದು ವರ್ಷದಲ್ಲಿ ಶೇ. 53.99, ಮೂರು ವರ್ಷದಲ್ಲಿ ಶೇ. 17.70, ಐದು ವರ್ಷದಲ್ಲಿ ಶೇ.15.33 ರಿಟರ್ನ್ಸ್ ಆಗಿದೆ.
ಪಿಜಿಐಎಮ್‌ ಇಂಡಿಯಾ ಫ್ಲೆಕ್ಸಿ ಕ್ಯಾಪ್ ಫಂಡ್: ಒಂದನೇ ಸ್ಥಾನ
ಪಿಜಿಐಎಮ್‌ ಇಂಡಿಯಾ ಫ್ಲೆಕ್ಸಿ ಕ್ಯಾಪ್ ಫಂಡ್ ಡೈರೆಕ್ಟ್-ಗ್ರೋಥ್‌ ಪಿಜಿಐಎಮ್‌ ಇಂಡಿಯಾ ಮ್ಯೂಚುವಲ್ ಫಂಡ್ ಮಲ್ಟಿ-ಕ್ಯಾಪ್ ಮ್ಯೂಚುವಲ್ ಫಂಡ್ ಸ್ಕೀಮ್ ಆಗಿದೆ. ಪಿಜಿಐಎಮ್‌ ಇಂಡಿಯಾ ಫ್ಲೆಕ್ಸಿ ಕ್ಯಾಪ್ ಫಂಡ್ ಡೈರೆಕ್ಟ್-ಗ್ರೋಥ್‌ನ ನಿರ್ವಹಣೆಯ ಅಡಿಯಲ್ಲಿರುವ ಆಸ್ತಿಗಳು (ಎಯುಎಮ್‌) ಡಾಲರ್‌ 1,689 ಕೋಟಿಗಳು ಆಗಿದೆ. ನಿಧಿಯ ವೆಚ್ಚದ ಅನುಪಾತವು 0.3 ಶೇಕಡ, ಇದು ಇತರ ಮಲ್ಟಿ ಕ್ಯಾಪ್ ನಿಧಿಗಳು ವಿಧಿಸುವ ವೆಚ್ಚದ ಅನುಪಾತಕ್ಕಿಂತ ಕಡಿಮೆಯಾಗಿದೆ ಪಿಜಿಐಎಮ್‌ ಇಂಡಿಯಾ ಫ್ಲೆಕ್ಸಿ ಕ್ಯಾಪ್ ಫಂಡ್ ಡೈರೆಕ್ಟ್-ಗ್ರೋಥ್‌ನಲ್ಲಿ 1 ವರ್ಷದ ಆದಾಯವು 67.76 ಪ್ರತಿಶತ ಆಗಿದೆ. ಇದು ಆರಂಭವಾದಾಗಿನಿಂದ ವಾರ್ಷಿಕ ಸರಾಸರಿ 17.09 ಪ್ರತಿಶತದಷ್ಟು ಆದಾಯವನ್ನು ಹೊಂದಿದೆ. ತಂತ್ರಜ್ಞಾನ, ಆರೋಗ್ಯ ರಕ್ಷಣೆ, ಹಣಕಾಸು, ನಿರ್ಮಾಣ ಮತ್ತು ರಾಸಾಯನಿಕ ಕ್ಷೇತ್ರಗಳು ನಿಧಿಯ ಹೆಚ್ಚಿನ ಹೋಲ್ಡಿಗ್ಸ್‌ ಹೊಂದಿವೆ. ಈ ನಿಧಿಯಲ್ಲಿ ಎಸ್‌ಐಪಿ ಆರಂಭಿಸಲು, ಕನಿಷ್ಠ ಮಾಸಿಕ ಬದ್ಧತೆ 1000 ರೂ. ಆಗಿದೆ. ಈ ಫಂಡ್ CRISIL ರೇಟಿಂಗ್ ಏಜೆನ್ಸಿ ನಂಬರ್ 1 ಸ್ಥಾನದಲ್ಲಿದೆ.
ಯುಟಿಐ ಫ್ಲೆಕ್ಸಿಕ್ಯಾಪ್: ಒಂದನೇ ಸ್ಥಾನ
ಯುಟಿಐ ಮ್ಯೂಚುವಲ್ ಫಂಡ್‌ನ ಯುಟಿಐ ಫ್ಲೆಕ್ಸಿ ಕ್ಯಾಪ್ ಫಂಡ್ ಡೈರೆಕ್ಟ್-ಗ್ರೋಥ್‌ ಮಲ್ಟಿ ಕ್ಯಾಪ್ ಮ್ಯೂಚುವಲ್ ಫಂಡ್ ಪ್ರೋಗ್ರಾಂ ಆಗಿದೆ. ಯುಟಿಐ ಫ್ಲೆಕ್ಸಿ ಕ್ಯಾಪ್ ಫಂಡ್ ಡೈರೆಕ್ಟ್-ಗ್ರೋಥ್‌ ರೂ. 20,922 ಕೋಟಿ (ಎಯುಎಮ್‌). ನಿಧಿಯ ವೆಚ್ಚದ ಅನುಪಾತವು 1.19 ಪ್ರತಿಶತವಾಗಿದೆ, ಇದು ಇತರ ಮಲ್ಟಿ ಕ್ಯಾಪ್ ನಿಧಿಗಳು ವಿಧಿಸುವ ವೆಚ್ಚ ಅನುಪಾತಗಳಿಗಿಂತ ಹೆಚ್ಚಾಗಿದೆ. ಯುಟಿಐ ಫ್ಲೆಕ್ಸಿ ಕ್ಯಾಪ್ ಫಂಡ್ ಡೈರೆಕ್ಟ್-ಗ್ರೋಥ್‌ನಲ್ಲಿ 1 ವರ್ಷದ ಆದಾಯ 61.66 ಶೇಕಡ ಆಗಿದೆ. ಇದು ಆರಂಭವಾದಾಗಿನಿಂದ ವಾರ್ಷಿಕ ಸರಾಸರಿ 17.57 ಪ್ರತಿಶತದಷ್ಟು ಆದಾಯವನ್ನು ಹೊಂದಿದೆ. ನಿಧಿಯ ಅಗ್ರ 5 ಹೋಲ್ಡಿಂಗ್‌ಗಳು ಬಜಾಜ್ ಫೈನಾನ್ಸ್ ಲಿಮಿಟೆಡ್, ಎಚ್‌ಡಿಎಫ್‌ಸಿ ಬ್ಯಾಂಕ್ ಲಿಮಿಟೆಡ್, ಲಾರ್ಸೆನ್ ಮತ್ತು ಟೂಬ್ರೊ ಇನ್ಫೋಟೆಕ್ ಲಿಮಿಟೆಡ್, ಕೋಟಕ್ ಮಹೀಂದ್ರಾ ಬ್ಯಾಂಕ್ ಲಿಮಿಟೆಡ್, ಹೌಸಿಂಗ್ ಡೆವಲಪ್‌ಮೆಂಟ್ ಫೈನಾನ್ಸ್ ಕಾರ್ಪೊರೇಶನ್‌ ಲಿಮಿಟೆಡ್‌ನಲ್ಲಿದೆ.
ನಿಫ್ಟಿ 500 ಟಿಆರ್‌ಐ ವಿರುದ್ಧ ನಿಧಿಯನ್ನು ಬೆಂಚ್‌ಮಾರ್ಕ್ ಮಾಡಲಾಗಿದೆ. ಆಗಸ್ಟ್ 10, 2021 ಕ್ಕೆ ಯುಟಿಐ ಫ್ಲೆಕ್ಸಿ ಕ್ಯಾಪ್ ಫಂಡ್‌ನ ಎನ್‌ಎವಿ 255.33 ಆಗಿದೆ. ಈ ಫಂಡ್ ಅನ್ನು CRISIL ರೇಟಿಂಗ್ ಏಜೆನ್ಸಿ ನಂಬರ್ 1 ಸ್ಥಾನದಲ್ಲಿದೆ.
ಕೆನರಾ ರೋಬೆಕೊ ಫ್ಲೆಕ್ಸಿ ಕ್ಯಾಪ್ ಫಂಡ್: ಎರಡನೇ ಸ್ಥಾನ
ಕೆನರಾ ರೋಬೆಕೊ ಫ್ಲೆಕ್ಸಿ ಕ್ಯಾಪ್ ಫಂಡ್ ಡೈರೆಕ್ಟ್-ಗ್ರೋಥ್‌ ಕೆನರಾ ರೋಬೆಕೊ ಮ್ಯೂಚುವಲ್ ಫಂಡ್ ಮಲ್ಟಿ-ಕ್ಯಾಪ್ ಮ್ಯೂಚುವಲ್ ಫಂಡ್ ಯೋಜನೆಯಾಗಿದೆ. ಕೆನರಾ ರೋಬೆಕೊ ಫ್ಲೆಕ್ಸಿ ಕ್ಯಾಪ್ ಫಂಡ್ ಡೈರೆಕ್ಟ್-ಗ್ರೋಥ್‌ ಒಟ್ಟು 5,185 ಕೋಟಿ ಆಸ್ತಿಗಳನ್ನು (ಎಯುಎಮ್‌) ನಿರ್ವಹಿಸುತ್ತದೆ. ನಿಧಿಯ ವೆಚ್ಚದ ಅನುಪಾತವು 0.6 ಪ್ರತಿಶತವಾಗಿದೆ, ಇದು ಇತರ ಮಲ್ಟಿ ಕ್ಯಾಪ್ ನಿಧಿಗಳು ವಿಧಿಸುವ ವೆಚ್ಚದ ಅನುಪಾತಕ್ಕಿಂತ ಕಡಿಮೆಯಾಗಿದೆ.
ಕಳೆದ ವರ್ಷದಲ್ಲಿ ಕೆನರಾ ರೋಬೆಕೊ ಫ್ಲೆಕ್ಸಿ ಕ್ಯಾಪ್ ಫಂಡ್ ಡೈರೆಕ್ಟ್-ಗ್ರೋಥ್‌ ರಿಟರ್ನ್ಸ್ 50.30 ಶೇಕಡ ಇತ್ತು. ಇದು ಆರಂಭವಾದಾಗಿನಿಂದ ಪ್ರತಿ ವರ್ಷ ಸರಾಸರಿ 15.70 ಪ್ರತಿಶತದಷ್ಟು ರಿಟರ್ನ್ಸ್ ಪಡೆದಿದೆ. ಯೋಜನೆಯ ಬಂಡವಾಳವು 46 ಸೆಕ್ಯುರಿಟಿಗಳಿಂದ ಮಾಡಲ್ಪಟ್ಟಿದೆ, ಅಗ್ರ ಹತ್ತು ಆಧಾರವಾಗಿರುವ ಭದ್ರತೆಗಳು ಶೇ. 51 ನಿವ್ವಳ ಸ್ವತ್ತುಗಳನ್ನು ಹೊಂದಿವೆ. CRISIL ರೇಟಿಂಗ್ ಏಜೆನ್ಸಿಯಿಂದ ಈ ಫಂಡ್‌ಗೆ 2 ನೇ ಸ್ಥಾನ ನೀಡಲಾಗಿದೆ.
ಡಿಎಸ್ಪಿ ಫ್ಲೆಕ್ಸಿ ಕ್ಯಾಪ್ ಫಂಡ್: ಎರಡನೇ ಸ್ಥಾನ
ಡಿಎಸ್ಪಿ ಮ್ಯೂಚುವಲ್ ಫಂಡ್‌ನ ಡಿಎಸ್ಪಿ ಫ್ಲೆಕ್ಸಿ ಕ್ಯಾಪ್ ಫಂಡ್ ನೇರ ಯೋಜನೆ-ಬೆಳವಣಿಗೆಯು ಮಲ್ಟಿ ಕ್ಯಾಪ್ ಮ್ಯೂಚುವಲ್ ಫಂಡ್ ತಂತ್ರವಾಗಿದೆ. ಡಿಎಸ್ಪಿ ಫ್ಲೆಕ್ಸಿ ಕ್ಯಾಪ್ ಫಂಡ್ ಡೈರೆಕ್ಟ್ ಪ್ಲಾನ್-ಬೆಳವಣಿಗೆ ಒಟ್ಟು 5,985 ಕೋಟಿ ಆಸ್ತಿಗಳನ್ನು (ಎಯುಎಂ) ನಿರ್ವಹಿಸುತ್ತದೆ. ನಿಧಿಯ ವೆಚ್ಚದ ಅನುಪಾತವು 0.94 ಪ್ರತಿಶತವಾಗಿದೆ, ಇದು ಇತರ ಮಲ್ಟಿ ಕ್ಯಾಪ್ ನಿಧಿಗಳು ವಿಧಿಸುವ ವೆಚ್ಚದ ಅನುಪಾತಗಳಿಗೆ ಹೋಲಿಸಬಹುದು.
ಡಿಎಸ್ಪಿ ಫ್ಲೆಕ್ಸಿ ಕ್ಯಾಪ್ ಫಂಡ್ ಡೈರೆಕ್ಟ್ ಪ್ಲಾನ್ ನ 1 ವರ್ಷದ ಬೆಳವಣಿಗೆ ರಿಟರ್ನ್ಸ್ 58.78 ಶೇಕಡ ಆಗಿದೆ. ಇದು ಆರಂಭವಾದಾಗಿನಿಂದ ವಾರ್ಷಿಕ ಸರಾಸರಿ 16.57 ಪ್ರತಿಶತದಷ್ಟು ಆದಾಯವನ್ನು ಹೊಂದಿದೆ. ಹಣಕಾಸು, ನಿರ್ಮಾಣ, ತಂತ್ರಜ್ಞಾನ, ಆಟೋಮೊಬೈಲ್ ಮತ್ತು ರಾಸಾಯನಿಕ ಕೈಗಾರಿಕೆಗಳು ನಿಧಿಯ ಹೆಚ್ಚಿನ ಹೋಲ್ಡಿಗ್ಸ್‌ಗಳನ್ನು ಹೊಂದಿವೆ. ಆಗಸ್ಟ್ 10, 2021 ಕ್ಕೆ ಡಿಎಸ್ಪಿ ಫ್ಲೆಕ್ಸಿ ಕ್ಯಾಪ್ ಫಂಡ್‌ನ ಎನ್‌ಎವಿ 68.07 ಆಗಿದೆ. ಐಸಿಐಸಿಐ ಬ್ಯಾಂಕ್ ಲಿಮಿಟೆಡ್, ಎಚ್‌ಡಿಎಫ್‌ಸಿ ಬ್ಯಾಂಕ್ ಲಿಮಿಟೆಡ್, ಇನ್ಫೋಸಿಸ್ ಲಿಮಿಟೆಡ್, ಅಲ್ಟ್ರಾಟೆಕ್ ಸಿಮೆಂಟ್ ಲಿಮಿಟೆಡ್, ಮತ್ತು ಬಜಾಜ್ ಫೈನಾನ್ಸ್ ಲಿಮಿಟೆಡ್ ಇವುಗಳಲ್ಲಿ ಡಿಎಸ್ಪಿ ಫ್ಲೆಕ್ಸಿ ಕ್ಯಾಪ್ ಫಂಡ್ ತನ್ನ ಹೆಚ್ಚಿನ ಹಣವನ್ನು ಇರಿಸಿದೆ. CRISIL ರೇಟಿಂಗ್ ಏಜೆನ್ಸಿಯಿಂದ ಈ ಫಂಡ್‌ಗೆ 2 ನೇ ಸ್ಥಾನ ನೀಡಲಾಗಿದೆ.
ಯೂನಿಯನ್ ಫ್ಲೆಕ್ಸಿ ಕ್ಯಾಪ್: ಎರಡನೇ ಸ್ಥಾನ
ಯೂನಿಯನ್ ಮ್ಯೂಚುವಲ್ ಫಂಡ್‌ನ ಯೂನಿಯನ್ ಫ್ಲೆಕ್ಸಿ ಕ್ಯಾಪ್ ಫಂಡ್-ಗ್ರೋಥ್‌ ಮಲ್ಟಿ ಕ್ಯಾಪ್ ಮ್ಯೂಚುವಲ್ ಫಂಡ್ ಯೋಜನೆಯಾಗಿದೆ. ಯೂನಿಯನ್ ಫ್ಲೆಕ್ಸಿ ಕ್ಯಾಪ್ ಫಂಡ್-ಗ್ರೋಥ್‌ ಒಟ್ಟು 645 ಕೋಟಿ (ಎಯುಎಮ್‌) ಮೌಲ್ಯದ ಸ್ವತ್ತುಗಳನ್ನು ನಿರ್ವಹಿಸುತ್ತದೆ. ನಿಧಿಯ ವೆಚ್ಚದ ಅನುಪಾತವು ಶೇಕಡ 2.51 ಆಗಿದೆ, ಇದು ಇತರ ಮಲ್ಟಿ ಕ್ಯಾಪ್ ನಿಧಿಗಳು ವಿಧಿಸುವ ವೆಚ್ಚದ ಅನುಪಾತಕ್ಕಿಂತ ಹೆಚ್ಚಾಗಿದೆ.
ಯೂನಿಯನ್ ಫ್ಲೆಕ್ಸಿ ಕ್ಯಾಪ್ ಫಂಡ್‌ನ 1 ವರ್ಷದ ಬೆಳವಣಿಗೆಯ ಆದಾಯವು 53.86 ಶೇಕಡ ಆಗಿದೆ. ಇದು ಪ್ರಾರಂಭವಾದಾಗಿನಿಂದ ವರ್ಷಕ್ಕೆ ಸರಾಸರಿ 11.94 ಪ್ರತಿಶತದಷ್ಟು ರಿಟರ್ನ್ಸ್ ಇದೆ. ಹಣಕಾಸು, ತಂತ್ರಜ್ಞಾನ, ಆರೋಗ್ಯ ರಕ್ಷಣೆ, ಆಟೋಮೊಬೈಲ್ ಮತ್ತು ಸೇವಾ ಕ್ಷೇತ್ರಗಳು ನಿಧಿಯ ಹೆಚ್ಚಿನ ಹೂಲ್ಡಿಗ್ಸ್‌ಗಳನ್ನು ಹೊಂದಿವೆ. ಎಚ್‌ಡಿಎಫ್‌ಸಿ ಬ್ಯಾಂಕ್ ಲಿಮಿಟೆಡ್, ಇನ್ಫೋಸಿಸ್ ಲಿಮಿಟೆಡ್, ಐಸಿಐಸಿಐ ಬ್ಯಾಂಕ್ ಲಿಮಿಟೆಡ್, ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್, ಮತ್ತು ಮುತ್ತೂಟ್ ಫೈನಾನ್ಸ್ ಲಿಮಿಟೆಡ್ ಈ ನಿಧಿಯ ಅಗ್ರ ಐದು ಹೋಲ್ಡಿಗ್ಸ್‌‌ಗಳಾಗಿವೆ. ಯೂನಿಯನ್ ಫ್ಲೆಕ್ಸಿ ಕ್ಯಾಪ್ ಫಂಡ್ ನ ಎನ್‌ಎವಿ ಆಗಸ್ಟ್ 10, 2021 ರಂದು 31.51 ಆಗಿದೆ. CRISIL ರೇಟಿಂಗ್ ಏಜೆನ್ಸಿಯಿಂದ ಈ ಫಂಡ್‌ಗೆ 2 ನೇ ಸ್ಥಾನ ನೀಡಲಾಗಿದೆ.
