For Quick Alerts
ALLOW NOTIFICATIONS  
For Daily Alerts

ಎಲ್ಪಿಜಿ ಇನ್ಸೂರೆನ್ಸ್ ಕವರೇಜ್ ಅಡಿಯಲ್ಲಿ ವೈದ್ಯಕೀಯ ವೆಚ್ಚ 30 ಲಕ್ಷ, ಅಪಘಾತ ಪರಿಹಾರ 6 ಲಕ್ಷ ಪಡೆಯಿರಿ

ಅಡುಗೆ ಅನಿಲ (ಎಲ್ಪಿಜಿ) ಗ್ರಾಹಕರಿಗಾಗಿ ಸರ್ಕಾರವು ಸಬ್ಸಿಡಿ ಸಹಿತ ಸಿಲಿಂಡರ್ ಪೂರೈಸುತ್ತಿದೆ. ಅದರ ಜೊತೆಗೆ ಎಲ್ಪಿಜಿ ಗ್ರಾಹಕರಿಗೆ ವಿಮಾ ರಕ್ಷಣೆ ಕೂಡ ಒದಗಿಸುತ್ತಿದೆ.

|

ಅಡುಗೆ ಅನಿಲ (ಎಲ್ಪಿಜಿ) ಗ್ರಾಹಕರಿಗಾಗಿ ಸರ್ಕಾರವು ಸಬ್ಸಿಡಿ ಸಹಿತ ಸಿಲಿಂಡರ್ ಪೂರೈಸುತ್ತಿದೆ. ಅದರ ಜೊತೆಗೆ ಎಲ್ಪಿಜಿ ಗ್ರಾಹಕರಿಗೆ ವಿಮಾ ರಕ್ಷಣೆ ಕೂಡ ಒದಗಿಸುತ್ತಿದೆ.
ತೈಲ ಮಾರುಕಟ್ಟೆ ಕಂಪನಿಗಳು (ಒಎಂಸಿ) - ಇಂಡಿಯನ್ ಆಯಿಲ್, ಹಿಂದೂಸ್ತಾನ್ ಪೆಟ್ರೋಲಿಯಂ ಮತ್ತು ಭಾರತ್ ಪೆಟ್ರೋಲಿಯಂ ಸಂಸ್ಥೆಗಳು ಎಲ್‌ಪಿಜಿ ಸಂಬಂಧಿತ ಅಪಘಾತಗಳ ಸಂದರ್ಭದಲ್ಲಿ ಸಂತ್ರಸ್ತರಿಗೆ ತ್ವರಿತ ಪರಿಹಾರ ನೀಡಲು 'ತೈಲ ಕೈಗಾರಿಕೆಗಳ ಸಾರ್ವಜನಿಕ ಹೊಣೆಗಾರಿಕೆ ನೀತಿ' ಅಡಿಯಲ್ಲಿ ಸಮಗ್ರ ವಿಮಾ ಪಾಲಿಸಿಯನ್ನು ಒದಗಿಸುತ್ತವೆ. ಇದು ತೈಲ ಮಾರುಕಟ್ಟೆ ಕಂಪನಿಗಳೊಂದಿಗೆ (ಒಎಂಸಿ) ನೋಂದಾಯಿಸುವ ಎಲ್ಲಾ ಎಲ್ಪಿಜಿ ಗ್ರಾಹಕರನ್ನು ಒಳಗೊಳ್ಳುತ್ತದೆ. ಎಲ್ಪಿಜಿ ವಿಮಾ ರಕ್ಷಣೆಗೆ ಸಂಬಂಧಿಸಿದ ಸಂಪೂರ್ಣ ವಿವರ ಇಲ್ಲಿ ನೀಡಲಾಗಿದೆ. ಬನ್ನಿ ನೋಡೋಣ..

 

ವಿಮಾ ರಕ್ಷಣೆ ಪಾಲಿಸಿ ವಿವರ

ವಿಮಾ ರಕ್ಷಣೆ ಪಾಲಿಸಿ ವಿವರ

- ತೈಲ ಮಾರುಕಟ್ಟೆ ಕಂಪನಿಗಳು "ತೈಲ ಕೈಗಾರಿಕೆಗಳಿಗೆ ಸಾರ್ವಜನಿಕ ಹೊಣೆಗಾರಿಕೆ ನೀತಿ" ಅಡಿಯಲ್ಲಿ ಸಮಗ್ರ ವಿಮಾ ಪಾಲಿಸಿಯನ್ನು ತೆಗೆದುಕೊಳ್ಳುತ್ತವೆ. ಎಲ್ಪಿಜಿ ವಿತರಕರು/ಪಿಎಸ್‌ಯು ಆಯಿಲ್ ಮಾರ್ಕೆಟಿಂಗ್ ಕಂಪನಿಗಳು ತೆಗೆದುಕೊಂಡ ವಿಮಾ ಪಾಲಿಸಿಯು ಸಾರ್ವಜನಿಕ ಹೊಣೆಗಾರಿಕೆ ನೀತಿಗಳು ಮತ್ತು ಯಾವುದೇ ವೈಯಕ್ತಿಕ ಎಲ್‌ಪಿಜಿ ಗ್ರಾಹಕರ ಹೆಸರಿನಲ್ಲಿ ಇರುವುದಿಲ್ಲ.
- ಯಾವುದೇ ವಿಮಾ ಪಾಲಿಸಿಗೆ ಯಾವುದೇ ಪ್ರೀಮಿಯಂ ಅನ್ನು ಗ್ರಾಹಕರಿಂದ ಎಲ್ಪಿಜಿ ವಿತರಕರು ಸಂಗ್ರಹಿಸುವುದಿಲ್ಲ.
- ಕ್ಲೈಮ್ ಮೊತ್ತವನ್ನು ಸಂಬಂಧಪಟ್ಟ ತೈಲ ಕಂಪನಿಗೆ ರವಾನಿಸಲಾಗುತ್ತದೆ ಮತ್ತು ಅವರು ಅದನ್ನು ಹಕ್ಕುದಾರ / ಫಲಾನುಭವಿಗೆ ಕಳುಹಿಸುತ್ತಾರೆ.
- ಪಿಎಸ್‌ಯು ಆಯಿಲ್ ಮಾರ್ಕೆಟಿಂಗ್ ಕಂಪನಿಗಳು ತೆಗೆದುಕೊಂಡ ಸಮಗ್ರ ವಿಮಾ ಪಾಲಿಸಿಯು ಖಾತೆಯ ಮೇಲಿನ ಹಕ್ಕುಗಳನ್ನು ಒದಗಿಸುತ್ತದೆ.
* ಕಾನೂನು ಹೊಣೆಗಾರಿಕೆ
* ಮೂರನೇ ವ್ಯಕ್ತಿಗೆ ವೈಯಕ್ತಿಕ ಅಪಘಾತ ರಕ್ಷಣೆ
* ಅಧಿಕೃತ ಗ್ರಾಹಕರ ನೋಂದಾಯಿತ ಆವರಣದಲ್ಲಿ ಹಾನಿ

ಕವರೇಜ್ ಯಾವಾಗ ಲಭ್ಯ

ಕವರೇಜ್ ಯಾವಾಗ ಲಭ್ಯ

ತೈಲ ಮಾರುಕಟ್ಟೆ ಕಂಪನಿಗಳು (ಒಎಂಸಿ) ತೆಗೆದುಕೊಳ್ಳುವ ಸಾರ್ವಜನಿಕ ಹೊಣೆಗಾರಿಕೆ ವಿಮಾ ಪಾಲಿಸಿಯು, ಸಿಲಿಂಡರ್ ಬಳಕೆಯ ಸಂದರ್ಭದಲ್ಲಿ ಬೆಂಕಿಯಂತ ಪ್ರಾಥಮಿಕ ಅಪಘಾತಗಳಿಂದ ಉಂಟಾಗುವ ನಷ್ಟವನ್ನು ಒಳಗೊಳ್ಳುತ್ತದೆ. ಬೆಂಕಿಯಿಂದಾಗಿ ಅಥವಾ ಸಿಲಿಂಡರ್ ಸೋರಿಕೆಯ ಕಾರಣ ಇತರ ಮೂಲಗಳು/ಕಾರಣಗಳಿಂದಾಗಿ ಎಲ್‌ಪಿಜಿ ಸಿಲಿಂಡರ್‌ಗಳು ಸಿಡಿದು ಸಾವು, ಹಾನಿ, ನಷ್ಟ ಸಂಭವಿಸಿದರೆ ವಿಮಾ ರಕ್ಷಣೆ ನೀಡಲಾಗುತ್ತದೆ.

ವಿಮಾ ರಕ್ಷಣೆ ಎಷ್ಟು?
 

ವಿಮಾ ರಕ್ಷಣೆ ಎಷ್ಟು?

ಪ್ರಸ್ತುತ, ವಿಮಾ ರಕ್ಷಣೆ ಈ ಕೆಳಗಿನ ಸೌಲಭ್ಯ ಒದಗಿಸುತ್ತದೆ:
- ವೈಯಕ್ತಿಕ ಘಟನೆಯ/ಅಪಘಾತದ ಸಂದರ್ಭದಲ್ಲಿ ಒಬ್ಬ ವ್ಯಕ್ತಿಗೆ ರೂ. 6,00,000 ವಿಮಾ ರಕ್ಷಣೆ ಲಭ್ಯ.
- ಪ್ರತಿ ಘಟನೆಗೆ ಸಂಬಂಧಿಸಿದಂತೆ ರೂ. 30 ಲಕ್ಷಗಳವರೆಗೆ ವೈದ್ಯಕೀಯ ವೆಚ್ಚವನ್ನು, ಪ್ರತಿ ವ್ಯಕ್ತಿಗೆ ಗರಿಷ್ಠ ರೂ. 2,00,000 ಲಕ್ಷದವರೆಗೆ ಒದಗಿಸಲಾಗುತ್ತದೆ.
- ಆಸ್ತಿ ಹಾನಿಯ ಸಂದರ್ಭದಲ್ಲಿ, ಅಧಿಕೃತ ಗ್ರಾಹಕರ ನೋಂದಾಯಿತ ಆವರಣದಲ್ಲಿ ಪ್ರತಿ ಘಟನೆಗೆ ಗರಿಷ್ಠ ರೂ. 2,00,000 ಒದಗಿಸಲಾಗುತ್ತದೆ.

ಗ್ರಾಹಕರು ಅನುಸರಿಸಬೇಕಾದ ಕಾರ್ಯವಿಧಾನ

ಗ್ರಾಹಕರು ಅನುಸರಿಸಬೇಕಾದ ಕಾರ್ಯವಿಧಾನ

- ಅಪಘಾತದ ಸಂದರ್ಭದಲ್ಲಿ/ಘಟನೆ ಸಂಭವಿಸಿದ ತಕ್ಷಣ ಎಲ್ಪಿಜಿ ಗ್ರಾಹಕರು ಸಿಲಿಂಡರ್ ಸರಬರಾಜು ಮಾಡುವ ವಿತರಕರಿಗೆ ಮಾಹಿತಿ ನೀಡಬೇಕಾಗುತ್ತದೆ.
- ಅಪಘಾತ ವರದಿಯಾದಾಗ ಸಂಬಂಧಪಟ್ಟ ನಿಮ್ಮ ಪ್ರದೇಶಿಕ ಕಚೇರಿ ಅಧಿಕಾರಿಗಳು ಅಪಘಾತದ ಕಾರಣವನ್ನು ತನಿಖೆ ಮಾಡುತ್ತಾರೆ. ಎಲ್‌ಪಿಜಿ ಅಪಘಾತವಾಗಿದ್ದರೆ, ವಿಮಾ ಕಂಪನಿಯ ಸ್ಥಳೀಯ ಕಚೇರಿಗೆ ಸಂಬಂಧಪಟ್ಟ ವಿತರಕ/ಪ್ರದೇಶ ಕಚೇರಿಯಿಂದ ಮಾಹಿತಿ ನೀಡಲಾಗುತ್ತದೆ ಮತ್ತು ತರುವಾಯ ಸಂಬಂಧಪಟ್ಟ ವಿಮಾ ಕಂಪನಿಯೊಂದಿಗೆ ಕ್ಲೈಮ್ ಮಾಡಲಾಗುತ್ತದೆ.
- ಗ್ರಾಹಕರು ವಿಮಾ ಕಂಪನಿಗೆ ಅರ್ಜಿ ಸಲ್ಲಿಸುವ ಅಗತ್ಯವಿಲ್ಲ ಅಥವಾ ಅವರನ್ನು ನೇರವಾಗಿ ಸಂಪರ್ಕಿಸುವ ಅಗತ್ಯವಿಲ್ಲ.
- ಡೆತ್ ಸರ್ಟಿಫಿಕೇಟ್ ಮತ್ತು ಮರಣೋತ್ತರ ವರದಿ (ಗಳು)/ಕರೋನರ್ಸ್ ವರದಿ/ವಿಚಾರಣೆಯ ವರದಿಯ ಮೂಲಗಳನ್ನು ಗ್ರಾಹಕರು ತೈಲ ಕಂಪನಿಗೆ ಸಲ್ಲಿಸಬೇಕಾಗುತ್ತದೆ
- ಅಪಘಾತದ ಸಂದರ್ಭದಲ್ಲಿ ಆಸ್ಪತ್ರೆಗೆ ಸಂಬಂಧಿಸಿದ ಯಾವುದೇ ದಾಖಲೆಗಳು ವೈದ್ಯಕೀಯ ಬಿಲ್, ವೈದ್ಯರ ಪ್ರಿಸ್ಕ್ರಿಪ್ಷನ್, ಔಷಧಿಗಳ ಖರೀದಿ, ಡಿಸ್ಚಾರ್ಜ್ ಕಾರ್ಡ್ ಒದಗಿಸುವುದು.
- ಗ್ರಾಹಕರ ನೋಂದಾಯಿತ ಆವರಣದಲ್ಲಿ ಆಸ್ತಿಪಾಸ್ತಿಗೆ ಹಾನಿಯಾದರೆ, ನಷ್ಟವನ್ನು ನಿರ್ಣಯಿಸಲು ವಿಮಾ ಕಂಪನಿ ತಮ್ಮ ಸರ್ವೇಯರ್‌ನನ್ನು ನೇಮಿಸುತ್ತದೆ.

ಕ್ಲೈಮ್ ಇತ್ಯರ್ಥ

ಕ್ಲೈಮ್ ಇತ್ಯರ್ಥ

ಪ್ರತಿ ಪ್ರಕರಣದ ಗಂಭೀರತೆಯ ಅರ್ಹತೆಯ ಆಧಾರದ ಮೇಲೆ ಕ್ಲೈಮ್ ಇತ್ಯರ್ಥಪಡಿಸಲಾಗುತ್ತದೆ. ವಿಮಾ ಪಾಲಿಸಿಗಳ ನಿಬಂಧನೆಗಳ ಪ್ರಕಾರ ಕ್ಲೈಮ್ ಇತ್ಯರ್ಥಕ್ಕೆ ಸಂಬಂಧಿಸಿದಂತೆ ಸಂಬಂಧಪಟ್ಟ ವಿಮಾ ಕಂಪನಿ ನಿರ್ಧಾರ ತೆಗೆದುಕೊಳ್ಳುತ್ತದೆ.

ತೈಲ ಕಂಪನಿಗಳು

ತೈಲ ಕಂಪನಿಗಳು

- ಇಂಡಿಯನ್ ಆಯಿಲ್
- ಹಿಂದೂಸ್ತಾನ್ ಪೆಟ್ರೋಲಿಯಂ
- ಭಾರತ್ ಪೆಟ್ರೋಲಿಯಂ

Source: MyLPG

ನೀವು ಎಲ್ಪಿಜಿ ಡಿಸ್ಟ್ರಿಬ್ಯೂಟರ್ ಆಗಬೇಕೆ? ಅರ್ಜಿ ಸಲ್ಲಿಸುವುದು ಹೇಗೆ?ನೀವು ಎಲ್ಪಿಜಿ ಡಿಸ್ಟ್ರಿಬ್ಯೂಟರ್ ಆಗಬೇಕೆ? ಅರ್ಜಿ ಸಲ್ಲಿಸುವುದು ಹೇಗೆ?

English summary

How to get LPG Insurance coverage?

Insurance coverage for LPG users can Get upto medical expenses 30 lakhs, accident compensation 6 lakhs.
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X