Just In
Don't Miss
-
Heavy Rain: ಇನ್ನೆರಡು ದಿನ ಮಾತ್ರ ರಾಜ್ಯದಲ್ಲಿ ಮಳೆ; ಎಲ್ಲೆಲ್ಲಿ ತಿಳಿಯಿರಿ -
Shrirasthu Shubhamasthu:ಪೂರ್ಣಿಮಾ ವ್ರತ ಭಂಗ ಮಾಡಿದ ದೀಪಿಕಾ ಕೈ ತಿರುಪಿ ಆವಾಜ್ -
ಈ ಲಕ್ಷಣಗಳು ನಿರ್ಲಕ್ಷ್ಯ ಮಾಡಲೇಬೇಡಿ, ಪಾರ್ಶ್ವವಾಯು ಆಗಲಿದೆ ಎಂಬುವುದರ ಲಕ್ಷಣಗಳಿವು -
Air Taxi: ಬೆಂಗಳೂರು ಸೇರಿ ಈ ನಗರಗಳಲ್ಲಿ ಏರ್ ಟ್ಯಾಕ್ಸಿ.. ಆಕಾಶದಲ್ಲೇ ಆಫೀಸ್ಗೆ ಹೋಗಬಹುದು, ಕಡಿಮೆ ಖರ್ಚು! -
ರಾಹುಲ್ ಅಲ್ಲ, ಹಾರ್ದಿಕ್ ಅಲ್ಲ; ಭಾರತ ತಂಡಕ್ಕೆ ರೋಹಿತ್ ಶರ್ಮಾ ಉತ್ತರಾಧಿಕಾರಿ ಹೆಸರಿಸಿದ ಸುರೇಶ್ ರೈನಾ! -
Google: ಕಾಂಟ್ಯಾಕ್ಟ್ ಲೆಸ್ ಶಾಪಿಂಗ್ ಅನ್ನು ಇನ್ನಷ್ಟು ಸುಲಭಗೊಳಿಸಲಿದೆ ಗೂಗಲ್ ವಾಲೆಟ್ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆನ್‌ಲೈನ್‌ನಲ್ಲಿ SB A/C ವರ್ಗಾಯಿಸುವುದು ಹೇಗೆ?
ನೀವು ಇತ್ತೀಚೆಗಷ್ಟೇ ಒಂದು ಪ್ರದೇಶದಿಂದ ಮತ್ತೊಂದು ಕಡೆ ಸ್ಥಳಾಂತರಗೊಂಡಿದ್ರೆ ಹೊಸ ಬ್ಯಾಂಕ್ ಖಾತೆ ತೆರೆಯುವ ಬದಲು, ಹಳೆಯ ಬ್ಯಾಂಕ್ ಖಾತೆಯನ್ನೇ ಮತ್ತೊಂದು ಶಾಖೆಗೆ ಹೇಗೆ ವರ್ಗಾಯಿಸುವುದು ಎಂದು ನೋಡುತ್ತಿರಬಹುದು. ವಾಸ್ತವವಾಗಿ ನಿಮ್ಮ ನಿವಾಸದ ಬಳಿ ಇರುವ ಬ್ಯಾಂಕ್‌ನಲ್ಲಿ ಹೊಸ ಖಾತೆ ತೆರೆದು ಕನಿಷ್ಟ ಬ್ಯಾಲೆನ್ಸ್ ನಿರ್ವಹಣೆ, ಹೊಸ ಖಾತೆಯಲ್ಲಿ KYC ವಿಧಾನ ಮುಂತಾದ ಔಪಚಾರಿಕ ವಿಧಾನಗಳನ್ನು ಪೂರೈಸುವ ಬದಲು, ಬ್ಯಾಂಕ್ ಖಾತೆಯನ್ನು ವರ್ಗಾಯಿಸುವುದು ಜಾಣತನ.
ಡಿಜಿಟಲ್ ಯುಗದಲ್ಲಿ ಬ್ಯಾಂಕ್ ಖಾತೆಯನ್ನು ಒಂದು ಶಾಖೆಯಿಂದ ಮತ್ತೊಂದು ಶಾಖೆಗೆ ವರ್ಗಾಯಿಸುವುದು ತುಂಬಾ ಸುಲಭವಾಗಿದೆ. ಲ್ಯಾಪ್‌ಟಾಪ್, ಮೊಬೈಲ್‌ ಮೂಲಕವೇ ನಿಮ್ಮ ಉಳಿತಾಯ ಖಾತೆಯನ್ನ ಮತ್ತೊಂದು ಶಾಖೆಗೆ ವರ್ಗಾಯಿಸಬಹುದು. ಅಂತೆಯೇ SBI ಉಳಿತಾಯ ಖಾತೆಯನ್ನು ಮತ್ತೊಂದು ಶಾಖೆಗೆ ವರ್ಗಾಯಿಸಲು ಬ್ಯಾಂಕ್‌ಗೆ ಹೋಗಿ ಅರ್ಜಿ ಹಿಡಿದು ಸಾಲುಗಟ್ಟಿ ನಿಲ್ಲಬೇಕಾಗಿಲ್ಲ . ಬದಲಿಗೆ ಈ ಕೆಳಗಿನ ವಿಧಾನ ಪಾಲಿಸಿದರೆ ಸಾಕು ನಿಮ್ಮ SBI ಉಳಿತಾಯ ಖಾತೆಯನ್ನು ಒಂದು ಶಾಖೆಯಿಂದ ಮತ್ತೊಂದು ಶಾಖೆಗೆ ವರ್ಗಾಯಿಸಬಹುದು.
www.onlinesbi.com ಗೆ ಭೇಟಿ ನೀಡಿ
SBI ಉಳಿತಾಯ ಖಾತೆಯನ್ನು ವರ್ಗಾಯಿಸಲು ಮೊದಲು www.onlinesbi.com ಗೆ ಭೇಟಿ ನೀಡಿ. ಮುಖ್ಯ ಪೇಜ್‌ನಲ್ಲೇ 'Personal Banking' ವಿಭಾಗದಲ್ಲಿ User Name ಮತ್ತು Password ಹಾಕಿ ಲಾಗಿನ್ ಆಗಿ. ಒಂದು ವೇಳೆ ನೆಟ್ ಬ್ಯಾಂಕಿಂಗ್ ಆ್ಯಕ್ಟಿವೇಟ್ ಆಗಿರದಿದ್ದರೆ 'New User/Registration' ಆಯ್ಕೆ ಗೆ ಕ್ಲಿಕ್ ಮಾಡಿ ರಿಜಿಸ್ಟರ್ ಮಾಡಿಕೊಳ್ಳಿ
ಲಾಗಿನ್ ಆದ ಬಳಿಕ ಏನು ಮಾಡಬೇಕು?
'Personal Banking' ವಿಭಾಗದಲ್ಲಿ ಲಾಗಿನ್ ಆದ ಬಳಿಕ ಪೇಜ್ ಮೇಲ್ಬಾಗದಲ್ಲಿ 'E-Service' ಆಯ್ಕೆ ಕಂಡು ಬರುತ್ತದೆ. ಅದರಲ್ಲಿ ' Transfer of saving account' ಆಯ್ಕೆಯನ್ನು ಕ್ಲಿಕ್ ಮಾಡಿ, ಬಳಿಕ ಎಸ್‌ಬಿಐನಲ್ಲಿ ಯಾವ ಖಾತೆಯನ್ನು ವರ್ಗಾವಣೆ ಮಾಡಬೇಕು ಎಂದು ಆಯ್ಕೆ ಮಾಡಿ. ಒಂದು ವೇಳೆ ಒಂದೇ ಉಳಿತಾಯ ಇದ್ದರೆ ಅದು ಪೂರ್ವನಿಯೋಜಿತವಾಗಿ ಆಯ್ಕೆ ಮಾಡಲಾಗುತ್ತದೆ.
ಬ್ಯಾಂಕ್ ಶಾಖೆಯ Code ತಿಳಿದಿರಬೇಕು
ನಿಮ್ಮ ಖಾತೆಯನ್ನು ವರ್ಗಾಯಿಸುವಾಗ, ನೀವು ಯಾವ ಶಾಖೆಗೆ ವರ್ಗಾಯಿಸುತ್ತಿರೋ ಆ ಬ್ಯಾಂಕಿನ Code (ಸಂಕೇತ) ತಿಳಿದಿರಬೇಕು. 'Transfer of saving account' ಆಯ್ಕೆಯಲ್ಲಿ ನೀವು ನಿಮ್ಮ 'Account' ಆಯ್ಕೆ ಮಾಡಿದ ಬಳಿಕ ವರ್ಗಾವಣೆಯಾಗುವ ಶಾಖೆಯ code ಅಪಡೇಟ್ ಮಾಡಬೇಕು. ಬಳಿಕ ಬ್ಯಾಂಕಿನ ವಿಳಾಸವು ಅಪ್‌ಡೇಟ್ ಆಗುತ್ತದೆ. ಆ ಮೂಲಕ ಸರಿಯಾಗಿದೆಯೇ ಎಂದು ಪರೀಕ್ಷಿಸಿ. ಬಳಿಕ ನಿಯಮಗಳು ಮತ್ತು ಷರತ್ತುಗಳನ್ನು ಓದಿ ನಂತರ Submit ಆಯ್ಕೆ ಕ್ಲಿಕ್ ಮಾಡಿ. ಬಳಿಕ ನಿಮ್ಮ ಖಾತೆಯ ವರ್ಗಾವಣೆ ಮಾಹಿತಿ ಸ್ಕ್ರೀನ್ ನಲ್ಲಿ ತೋರಿಸುತ್ತದೆ. ಎಲ್ಲವೂ ಸರಿಯಾಗಿದೆಯೇ ಎಂದು ಪರೀಕ್ಷಿಸಿದ ಬಳಿಕ Confirm ಆಯ್ಕೆ ಕ್ಲಿಕ್ ಮಾಡಿ.
ರಿಜಿಸ್ಟರ್ ಆದ ಮೊಬೈಲ್‌ನಿಂದ OTP ದೃಢೀಕರಿಸಿ
Confirm ಆಯ್ಕೆ ಕ್ಲಿಕ್ ಮಾಡಿದ ಬಳಿಕ ನಿಮ್ಮ ಉಳಿತಾಯ ಖಾತೆಗೆ ಲಿಂಕ್ ಆಗಿರುವ ಮೊಬೈಲ್‌ಗೆ OTP ಸಂದೇಶ ಬರುತ್ತದೆ. Confirm ಬಳಿ ಖಾಲಿ ಇರುವ ಜಾಗದಲ್ಲಿ OTP ಸಂದೇಶ ಉಲ್ಲೇಖಿಸಿ, ಬಳಿಕ Confirm ಕ್ಲಿಕ್ ಮಾಡಿ. ನಂತರ ನಿಮ್ಮ ಖಾತೆ ವರ್ಗಾವಣೆ ವಿನಂತಿಯನ್ನು ಯಶಸ್ವಿಯಾಗಿ ನೋಂದಾಯಿಸಲಾಗಿದೆ ಎಂಬ ಸಂದೇಶವನ್ನು ಸ್ಕ್ರೀನ್ ನಲ್ಲಿ ತೋರಿಸುತ್ತದೆ.
ಎಷ್ಟು ದಿನಗಳಲ್ಲಿ ಖಾತೆ ವರ್ಗಾವಣೆ ಆಗುತ್ತದೆ?
ರಜಾ ದಿನಗಳನ್ನು ಹೊರತುಪಡಿಸಿ 3 ರಿಂದ 4 ಬ್ಯಾಂಕ್ ವ್ಯವಹಾರ ದಿನಗಳಲ್ಲಿ ನಿಮ್ಮ ಉಳಿತಾಯ ಖಾತೆಯು ಮತ್ತೊಂದು ಶಾಖೆಗೆ ವರ್ಗಾವಣೆ ಆಗುತ್ತದೆ. ಮತ್ತು ನೆಟ್ ಬ್ಯಾಂಕಿಂಗ್ ಪೇಜ್‌ನಲ್ಲಿ 'History' ಆಯ್ಕೆಯಲ್ಲಿ ವರ್ಗಾವಣೆಯ ಸ್ಥಿತಿಯನ್ನು ತಿಳಿದುಕೊಳ್ಳಬಹುದು.
