Jio 5G Recharge Plan: ಜಿಯೋ 5G ರಿಚಾರ್ಜ್ ದರ, ವ್ಯಾಲಿಡಿಟಿ ಇತರೆ ಮಾಹಿತಿ

ಜಿಯೋ 5ಜಿ ರಿಚಾರ್ಜ್ ಪ್ಲ್ಯಾನ್ ಬಗ್ಗೆ ಮಾಹಿತಿ

ರಿಲಯನ್ಸ್ ಸಂಸ್ಥೆಯು ತನ್ನ 5ಜಿ ಪ್ಲ್ಯಾನ್ ಅನ್ನು ಬಿಡುಗಡೆ ಮಾಡಿದೆ. ಇದರಡಿಯಲ್ಲಿ 61 ರೂಪಾಯಿಯ ಪ್ಲ್ಯಾನ್ ಇದೆ. ಅದು ಈಗಿನ ಪ್ಲ್ಯಾನ್‌ನಂತೆಯೇ ವ್ಯಾಲಿಡಿಟಿಯನ್ನು ಹೊಂದಿದೆ. ಹಾಗೆಯೇ 6ಜಿಬಿ ಡೇಟಾವನ್ನು ಹೊಂದಿದೆ. ಈವರೆಗೆ ಜಿಯೋ ಉಚಿತ 5ಜಿ ಸೇವೆಯನ್ನು ನೀಡುತ್ತಿತ್ತು. ಆದರೆ ಈಗ ರಿಚಾರ್ಜ್ ಪ್ಲ್ಯಾನ್ ಅನ್ನು ಬಿಡುಗಡೆ ಮಾಡಿದೆ. ಇನ್ನು 61 ರೂಪಾಯಿಯ ರಿಚಾರ್ಜ್ ಡೇಟಾ ಆಡ್ ಆನ್ ಪ್ಲ್ಯಾನ್ ಆಗಿದೆ. ಆದರೆ ನೀವು 5ಜಿ ನೆಟ್‌ವರ್ಕ್ ಸೇವೆಯನ್ನು ಪಡೆಯಬೇಕಾದರೆ 239 ರೂಪಾಯಿ ಅಥವಾ ಅದಕ್ಕಿಂತ ಅಧಿಕ ಮೊತ್ತದ ರಿಚಾರ್ಜ್ ಅನ್ನು ಮಾಡಬೇಕಾಗುತ್ತದೆ. ಈ ಹಿಂದೆ ಜಿಯೋ 5ಜಿ ಸೇವೆ ಆರಂಭವಾದಾಗಿನಿಂದ ಹಲವಾರು ಮಂದಿ ಜಿಯೋ ಸಿಮ್ ಖರೀದಿ ಮಾಡಲು ಆರಂಭಿಸಿದ್ದಾರೆ. ಅದರಿಂದಾಗಿ 5ಜಿ ಬಳಕೆದಾರರ ಸಂಖ್ಯೆಯು ಹೆಚ್ಚಳವಾಗಿತ್ತು.

ಯಾರಿಗೆ 5ಜಿ ಸೇವೆ ಪಡೆಯಲು ಸಾಧ್ಯವಿಲ್ಲ?

ಈಗ ರಿಚಾರ್ಜ್ ಪ್ಲ್ಯಾನ್ ಜಾರಿಯಾದ ಕಾರಣ ಎಲ್ಲರೂ 5ಜಿ ಸೇವೆ ಉಚಿತವಾಗಿ ಪಡೆಯಲು ಸಾಧ್ಯವಾಗುವುದಿಲ್ಲ. 239 ರೂಪಾಯಿಗಿಂತ ಕಡಿಮೆ ಮೊತ್ತದ ರಿಚಾರ್ಜ್ ಮಾಡಿರುವವರಿಗೆ ಅಥವಾ ಮಾಡುವವರಿಗೆ 5ಜಿ ಸೇವೆಯ ಲಾಭವನ್ನು ಪಡೆಯಲು ಸಾಧ್ಯವಾಗುವುದಿಲ್ಲ. 239 ರೂಪಾಯಿಗಿಂತ ಅಧಿಕ ರಿಚಾರ್ಜ್ ಮಾಡಿದ್ದರೆ ಮಾತ್ರ 5ಜಿ ಸೇವೆಯನ್ನು ಪಡೆಯಬಹುದು. ಅಂದರೆ 5ಜಿ ಸೇವೆಯು 119 ರೂಪಾಯಿ, 149 ರೂಪಾಯಿ, 179 ರೂಪಾಯಿ, 199 ರೂಪಾಯಿ, 209 ರೂಪಾಯಿಗಳ ರಿಚಾರ್ಜ್ ಮಾಡಿದವರಿಗೆ ಲಭ್ಯವಾಗುವುದಿಲ್ಲ. ಹಾಗೆಯೇ 5ಜಿ ಅಪ್‌ಡೇಟೆಡ್ ಸ್ಮಾರ್ಟ್‌ಫೋನ್ ಇರಬೇಕು ಮತ್ತು ಆ ನಗರದಲ್ಲಿ 5ಜಿ ಸೇವೆ ಆರಂಭವಾಗಿರಬೇಕಾಗುತ್ತದೆ. ನೀವು 239 ರೂಪಾಯಿಗಿಂತ ಕಡಿಮೆ ರಿಚಾರ್ಜ್ ಮಾಡಿದ್ದರೆ 61 ರೂಪಾಯಿಯ ಹೆಚ್ಚುವರಿ ರಿಚಾರ್ಜ್ ಮಾಡಿ 6ಜಿಬಿಯ 5ಜಿ ಸೇವೆಯನ್ನು ಪಡೆಯಬಹುದು.

ಎಲ್ಲೆಲ್ಲಿದೆ ಜಿಯೋ 5ಜಿ ಸೇವೆ?

ಜಿಯೋ ತನ್ನ 5ಜಿ ಸೇವೆಯನ್ನು ಹಲವಾರು ನಗರಗಳಿಗೆ ವಿಸ್ತಾರ ಮಾಡುತ್ತಿದೆ. ಈ ಹಿಂದೆ ಮೈಸೂರು ಸೇರಿ ದೇಶದ 11 ನಗರಗಳಲ್ಲಿ ಜಿಯೋ ಟ್ರೂ 5ಜಿ ಸೇವೆ ಪ್ರಾರಂಭವಾಗಿದೆ. ಮೈಸೂರು, ಲಕ್ನೋ, ತಿರುವನಂತಪುರ, ನಾಸಿಕ್, ಔರಂಗಾಬಾದ್, ಚಂಡೀಗಢ, ಮೊಹಾಲಿ, ಪಂಚಕುಲ, ಜಿರಾಕ್‌ಪುರ, ಖರಾರ್ ಮತ್ತು ದೇರಾಬಸ್ಸಿಗಳಲ್ಲಿ ಟ್ರೂ 5ಜಿ ಸೇವೆಯನ್ನು ಪಡೆಯುವ ಪ್ರಮುಖ 11 ನಗರಗಳಾಗಿದೆ. ಹಾಗೆಯೇ ರಿಲಯನ್ಸ್ ಜಿಯೋ ಮೊಹಾಲಿ, ಪಂಚಕುಲ, ಜಿರಾಕ್‌ಪುರ, ಖರಾರ್ ಮತ್ತು ದೇರಾಬಸ್ಸಿ ಪ್ರದೇಶಗಳನ್ನು ಒಳಗೊಂಡಂತೆ ತಿರುವನಂತಪುರ, ಮೈಸೂರು, ನಾಸಿಕ್, ಔರಂಗಾಬಾದ್, ಚಂಡೀಗಢ ಟ್ರೈಸಿಟಿಯಲ್ಲಿ 5ಜಿ ಸೇವೆಗಳನ್ನು ಪ್ರಾರಂಭಿಸುವ ಮೊದಲ ಮತ್ತು ಏಕೈಕ ಆಪರೇಟರ್ ಆಗಿದೆ. ಬೆಂಗಳೂರು, ಹೈದಾರಾಬಾದ್‌ನಲ್ಲಿಯೂ 5ಜಿ ಸೇವೆ ಲಭ್ಯವಿದೆ.