Click it and Unblock the Notifications
ಮುಂಬೈ, ಜ. 12: ಭಾರತದ ಅತಿದೊಡ್ಡ ಸಾಫ್ಟ್ ವೇರ್ ರಫ್ತು ಸಂಸ್ಥೆ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ (ಟಿಸಿಎಸ್) ಸಂಸ್ಥೆ ಷೇರುಗಳು ಮಂಗಳವಾರ (ಜನವರಿ 12) 52 ವಾರಗಳಲ್ಲೇ ಕಾಣದಷ್ಟು ಕೆಳ ಮಟ್ಟಕ್ಕೆ ಕುಸಿದಿದೆ.
ಮಂಗಳವಾರ 2,367.95 ರು ನಂತೆ ವಹಿವಾಟು ಆರಂಭಿಸಿದ ಟಿಸಿಎಸ್ ಷೇರುಗಳು ಇಂಟ್ರಾ ಡೇನಲ್ಲಿ 2,301.10 ರುಗೆ ಕುಸಿಯಿತು, ಇದು ಬಿಎಸ್ ಇಯಲ್ಲಿ 52 ವಾರಗಳಲ್ಲೇ ಅತ್ಯಂತ ಕಡಿಮೆ ಪ್ರಮಾಣವಾಗಿದೆ. ದಿನದ ಅಂತ್ಯಕ್ಕೆ 2,324.05 ರು ಗೆ ಸ್ಥಿರವಾದ ಷೇರುಗಳ ಬೆಲೆ ಶೇ 1.65ರಷ್ಟು ಕುಸಿತ ಕಂಡಿದೆ.
ಇದೇ ವೇಳೆ ಎನ್ ಎಸ್ ಇನಲ್ಲಿ 2,362.70 ರು ನಂತೆ ದಿನದ ವಹಿವಾಟು ಆರಂಭಿಸಿ ಇಂಟ್ರಾ ಡೇ ನಲ್ಲಿ 2,301.60 ರುಗೆ ಕುಸಿದು ದಿನದ ಅಂತ್ಯಕ್ಕೆ 2,327.05 ರು ನಂತೆ ಶೇ 1.49 ರಷ್ಟು ಇಳಿಕೆ ಕಂಡಿತು.
ಚೆನ್ನೈ ನಲ್ಲಿನ ಇತ್ತೀಚಿನ ಪ್ರವಾಹ ಪರಿಸ್ಥಿತಿ ಸಂಸ್ಥೆಯ ತ್ರೈಮಾಸಿಕ ಕಾರ್ಯಕ್ಷಮತೆ ಮೇಲೆ ಪರಿಣಾಮ ಬೀರಿದೆ ಎನ್ನಲಾಗಿದೆ. ಚೆನ್ನೈನಲ್ಲಿ ಟಿಸಿಎಸ್ ಸಂಸ್ಥೆ ಸುಮಾರು 65,000 ಕ್ಕೂ ಅಧಿಕ ಉದ್ಯೋಗಿಗಳನ್ನು ಹೊಂದಿದೆ.
ಇದರ ಜೊತೆಗೆ ಯುಎಸ್, ಯುರೋಪಿನಲ್ಲಿ ಕ್ರಿಸ್ ಮಸ್, ಹೊಸ ವರ್ಷಾಚರಣೆ ಹಿನ್ನಲೆಯಲ್ಲಿ ಮಾರುಕಟ್ಟೆ ಕೊಂಚ ಡಲ್ ಆಗುವುದು ಮಾಮೂಲಿ. ಟಿಸಿಎಸ್ ಸಂಸ್ಥೆ ಶೇ 16.2ರಷ್ಟು ಆಟ್ರಿಷನ್ ಪ್ರಮಾಣ ಹೊಂದಿರುವುದು ಎಚ್ಚರಿಕೆಯ ಗಂಟೆಯಾಗಿದೆ. ಉಳಿದಂತೆ ಪೆರೋಟ್ ಸಿಸ್ಟಮ್ ಖರೀದಿ ಮೂಲಕ ಹೊಸ ಆರ್ಥಿಕ ವರ್ಷಕ್ಕೆ ಹೊಸ ಭರವಸೆ ನೀಡುವ ಸಾಧ್ಯತೆಯಿದೆ.(ಪಿಟಿಐ)
Sign in with Google