ಚೀನಾ 2017ನೇ ಸಾಲಿಗೆ ತನ್ನ ಒಟ್ಟು ದೇಶಿಯ ಉತ್ಪನ್ನ(ಜಿಡಿಪಿ) ಗುರಿಯನ್ನು ಶೇ. 6.5ಕ್ಕೆ ನಿಗದಿಗೊಳಿಸಿದೆ.

ಚೀನಾ ಪ್ರಸಕ್ತ ಸಾಲಿನಲ್ಲಿ ಉತ್ತಮ ಆರ್ಥಿಕ ಪ್ರಗತಿ ಸಾಧಿಸಲಿದೆ ಎಂದು ನ್ಯಾಷನಲ್‌ ಪೀಪಲ್ಸ್‌ ಕಾಂಗ್ರೆಸ್‌ನ ವಾರ್ಷಿಕ ಅಧಿವೇಶನದ ಸಂದರ್ಭದಲ್ಲಿ ಪ್ರಧಾನಿ ಲಿ ಕೆಕಿಯಾಂಗ್ ಹೇಳಿದ್ದಾರೆ.

ಚೀನಾ ಕಳೆದ ವರ್ಷ ಶೇ. 7ರಷ್ಟು ಜಿಡಿಪಿ ನಿಗದಿ ಪಡಿಸಿತ್ತು. ಆದರೆ ಅಂತಿಮವಾಗಿ ಶೇ. 6.7 ಜಿಡಿಪಿ ಸಾಧಿಸಿತ್ತು. ಕಳೆದ 26 ವರ್ಷಗಳಲ್ಲಿ ಇದು ಅತ್ಯಂತ ಕಡಿಮೆ ಮಟ್ಟದ ಜಿಡಿಪಿ ಆಗಿತ್ತು.

ಪ್ರಸ್ತುತ ಜಿಡಿಪಿ ದರವನ್ನು ಆರ್ಥಿಕ ನೀತಿ ಹಾಗೂ ವಾಸ್ತವಿಕ ಅಂಶಗಳಿಗೆ ಅನುಗುಣವಾಗಿ ಅಂದಾಜಿಸಲಾಗಿದೆ. ಇದು ಮಾರುಕಟ್ಟೆ ನಿರೀಕ್ಷೆಗಳನ್ನು ಸ್ಥಿರಗೊಳಿಸಲು ಸಹಾಯವಾಗಲಿದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.