3 ವರ್ಷಗಳಲ್ಲೇ ಕನಿಷ್ಟ ಮಟ್ಟಕ್ಕೆ ಜಿಡಿಪಿ ಕುಸಿತ, ಕಾರಣಗಳೇನು?

ಜಿಡಿಪಿ ಕುಸಿತಕ್ಕೆ ಕಾರಣ

ಹೆಚ್ಚು ಮುಖಬೆಲೆಯ ನೋಟುಗಳ ರದ್ದತಿ ಹಾಗು ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಜಾರಿ ಹಿನ್ನಲೆಯಲ್ಲಿ ಉಂಟಾದ ಗೊಂದಲದ ವಾತಾವರಣದ ಫಲವಾಗಿ ತಯಾರಿಕಾ ಚಟುವಟಿಕೆಗಳು ಮತ್ತು ಉದ್ಯೋಗ ಸೃಷ್ಠಿ ಕುಂಠಿತಗೊಂಡಿರುವುದು ಜಿಡಿಪಿ ಮೇಲೆ ನಕಾರಾತ್ಮಕ ಪರಿಣಾಮ ಬೀರಿದೆ ಎಂಬುದು ತಜ್ಞರ ಅಭಿಪ್ರಾಯ. ಕಳೆದ ಮೂರು ವರ್ಷಗಳಲ್ಲಿನ ಅತಿ ಕಡಿಮೆ ಮಟ್ಟದ ಜಿಡಿಪಿ ದರ ಇದಾಗಿದೆ.

ಚೀನಾಕ್ಕಿಂತ ಕಡಿಮೆ ಜಿಡಿಪಿ

ಕಳೆದ ಎರಡು ತ್ರೈಮಾಸಿಕಗಳಿಗೆ ಹೋಲಿಸಿದರೆ ಭಾರತದ ಜಿಡಿಪಿ ಚೀನಾಕ್ಕಿಂತ ಕಡಿಮೆ ಮಟ್ಟದಲ್ಲಿದೆ. ಮಾರ್ಚ್-ಏಪ್ರಿಲ್ ತ್ರೈಮಾಸಿಕದಲ್ಲಿ ಚೀನಾದ ದೇಶಿ ಅಭಿವೃದ್ಧಿ ದರ ಶೇ. 6.9ರಷ್ಟಿತ್ತು. ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಜಾರಿಯಿಂದ ಏಪ್ರಿಲ್- ಜೂನ್‌ ತ್ರೈಮಾಸಿಕದ ಜಿಡಿಪಿ ದರ ಕಡಿಮೆಯಾಗಲಿದೆ ಎಂದು ಮೊದಲೇ ಅಂದಾಜಿಸಲಾಗಿತು.

ವಾಣಿಜ್ಯ ವಲಯದ ಪ್ರತಿಕ್ರಿಯೆ

ಜಿಡಿಪಿ ದರ ಗಮನಾರ್ಹ ಪ್ರಮಾಣದಲ್ಲಿ ಕುಸಿತ ಕಂಡಿರುವುದಕ್ಕೆ ಉದ್ಯಮ ವಲಯ ನಿರಾಶೆ ವ್ಯಕ್ತಪಡಿಸಿದೆ. ಉದ್ಯಮ ಸಂಸ್ಥೆಗಳ ವಹಿವಾಟುಗಳನ್ನು ಸುಗಮವಾಗಿ ಆರಂಭಿಸಲು ಪೂರಕವಾದ ವಾತಾವರಣ ಕಲ್ಪಿಸಿ ಸುಧಾರಣಾ ಕ್ರಮಗಳನ್ನು ಕೈಗೊಳ್ಳಬೇಕಿದೆ ಎಂದು ಅಸೋಚಾಂ ಹೇಳಿದೆ.

ಅರುಣ್ ಜೇಟ್ಲಿ ಏನಂತಾರೆ?

ದೇಶಿಯ ಆರ್ಥಿಕ ಅಭಿವೃದ್ಧಿ ದರ (ಜಿಡಿಪಿ) ಕುಸಿತ ಕಂಡಿರುವುದು ನಿಜವಾಗಿಯೂ ನಮ್ಮ ಚಿಂತೆಗೆ ಕಾರಣವಾಗಿದೆ ಎಂದು ಹಣಕಾಸು ಸಚಿವ ಅರುಣ್ ಜೇಟ್ಲಿ ಹೇಳಿದ್ದಾರೆ.