ಭಾರತ ಸೇರಿದಂತೆ ಜಗತ್ತಿನಾದ್ಯಂತ ಮಹಿಳೆಯರಿಗೆ ಪುರುಷರಿಗಿಂತ ಸರಾಸರಿ ಶೇ. 16.1ರಷ್ಟು ಕಡಿಮೆ ವೇತನ ನೀಡಲಾಗುತ್ತಿದೆ ಎಂದು ಕಾರ್ನ್ ಫೆರ್ರಿ ಸಂಸ್ಥೆ ವರದಿ ಮಾಡಿದೆ.

ಪುರುಷರಿಗೆ ಸರಿಸಮನಾಗಿ ಮಹಿಳೆಯರು ಕೆಲಸ ಮಾಡುತ್ತಾರೆ. ಆದರೆ ಪುರುಷರಿಗೆ ಹೋಲಿಸಿದರೆ ಮಹಿಳೆಯರಿಗೆ ತುಂಬಾ ಕಡಿಮೆ ಸಂಬಳ ನೀಡಲಾಗುತ್ತಿದ್ದು, ವೇತನದ ವಿಷಯದಲ್ಲಿ ತಾರತಮ್ಯ ಮಾಡಲಾಗುತ್ತಿದೆ ಎಂದು ಕಾರ್ನ್ ಫೆರ್ರಿ ಸಂಸ್ಥೆ ವರದಿ ಹೇಳಿದೆ.
ಜಗತ್ತಿನಾದ್ಯಂತ ಪುರುಷರಿಗೆ ಹೋಲಿಸಿದಾಗ ಮಹಿಳೆಯರು ಸರಾಸರಿ ಶೇ. 16.1 ರಷ್ಟು ಕಡಿಮೆ ವೇತನ ಪಡೆಯುತ್ತಿದ್ದಾರೆ.

ಕಾರ್ನ್ ಫೆರ್ರಿ ಜೆಂಡರ್ ಪೇ ಇಂಡೆಕ್ಸ್ ಪ್ರಕಾರ, ಪುರುಷರು ಮತ್ತು ಮಹಿಳೆಯರ ನಡುವಿನ ವೇತನ ಅಂತರ ನಿಜ. ಆದರೆ ಒಂದು ಕಂಪನಿಯಲ್ಲಿನ ಅದೇ ಉದ್ಯೋಗ ಮಟ್ಟ ಹಾಗು ಅದೇ ಕಾರ್ಯವನ್ನು ವಿಶ್ಲೇಷಿಸುವಾಗ ಅಸಮಾನತೆ ತೀರಾ ಕಡಿಮೆಯಿರುತ್ತದೆ.

ಒಂದೇ ತರಹದ ಕೆಲಸವನ್ನು ನಿರ್ವಹಿಸುವ ಸ್ಥಳದಲ್ಲಿ ಶೇ. 4 ರಷ್ಟು ವೇತನದ ಅಂತರ ಇದೆ. ಒಂದೇ ಕಂಪನಿಯ ಒಂದೇ ರೀತಿಯ ಹುದ್ದೆಯಲ್ಲಿರುವ ಮಹಿಳೆ ಹಾಗು ಪುರುಷರ ವೇತನದ ಅಂತರ ಶೇ. 0.4 ರಷ್ಟಿದೆ.
ಚೀನಾಕ್ಕೆ ಹೋಲಿಸಿದರೆ ಭಾರತದಲ್ಲಿನ ವೇತನ ಅಂತರ ಹೆಚ್ಚಾಗಿದ್ದು, ಇದು ಶೇ. 12.1ರಷ್ಟಿದೆ. ವೇತನದ ಅಂತರವು ಬ್ರೆಜಿಲ್ ಶೇ. 26.2, ಫ್ರಾನ್ಸ್ ನಲ್ಲಿ ಶೇ. 14.1, ಜರ್ಮನಿಯಲ್ಲಿ ಶೇ. 16.8, ಯುಕೆ ಶೇ. 23.8 ಮತ್ತು ಯುಎಸ್ ನಲ್ಲಿ ಶೇ. 17.6 ರಷ್ಟಿದೆ. ಪುರುಷರಿಗೆ ಹೋಲಿಸಿದರೆ ಗರಿಷ್ಟ ಸಂಬಳ ಪಡೆಯುವ ಮಹಿಳೆಯರ ಸಂಖ್ಯೆ ಕೂಡ ಕಡಿಮೆ ಇದೆ.