ನಿರವ್ ಮೋದಿ ವಂಚನೆ ಹಗರಣದ ಸುಳಿಗೆ ಸಿಲುಕಿರುವ ಪಂಜಾಬ್ ನ್ಯಾಷನಲ್ ಬ್ಯಾಂಕ್ 4ನೇ ತ್ರೈಮಾಸಿಕದಲ್ಲಿ ನಷ್ಟದ ಸುಳಿಗೆ ಸಿಲುಕಿದೆ. ಪಂಜಾಬ್ ನ್ಯಾಷನಲ್ ಬ್ಯಾಂಕ್ 2017-18ನೇ ಸಾಲಿನ ನಾಲ್ಕನೇ ತ್ರೈಮಾಸಿಕದಲ್ಲಿ ರೂ. 13,417 ಕೋಟಿ ನಷ್ಟ ಅನುಭವಿಸಿದೆ.

ಕಳೆದ ಭಾರಿಯ ನಾಲ್ಕನೇ ತ್ರೈಮಾಸಿಕದಲ್ಲಿ ರೂ. 262 ಕೋಟಿ ನಿವ್ವಳ ಲಾಭ ಗಳಿಸಿತ್ತು. ವಸೂಲಾಗದ ಸಾಲಗಳಿಗಾಗಿ ಹೆಚ್ಚಿನ ಮೊತ್ತವನ್ನು ಮೀಸಲಿರಿಸಿದ್ದರಿಂದ ಈ ಭಾರಿ ಮೊತ್ತದ ನಷ್ಟ ಸಂಭವಿಸಿದೆ.

ಈ ಸಾಲಿನ ನಾಲ್ಕನೇ ತ್ರೈಮಾಸಿಕದಲ್ಲಿನ ಒಟ್ಟು ಆದಾಯ ಕಳೆದ ಸಾಲಿನ ರೂ. 14,989 ಕೋಟಿಗಳಿಂದ ರೂ. 12,945 ಕೋಟಿಗಳಿಗೆ ಕುಸಿತ ಕಂಡಿದೆ. ಹೆಚ್ಚುತ್ತಿರುವ ಕೆಟ್ಟ ಸಾಲಗಳು ಒಟ್ಟಾರೆ ತ್ರೈಮಾಸಿಕ ನಷ್ಟದ ಹೆಚ್ಚಳಕ್ಕೆ ಕಾರಣವಾಯಿತು.

ಬ್ಯಾಂಕಿನ ಒಟ್ಟು ಎನ್ಪಿಎ(ವಸುಲಾಗದ ಸಾಲದ ಮೊತ್ತ) 4ನೇ ತ್ರೈಮಾಸಿಕಕ್ಕೆ ಶೇ. 18.38ಕ್ಕೆ ಏರಿದೆ. ಕಳೆದ ವರ್ಷ ಶೇ. 12.53ರಷ್ಟಿತ್ತು.