ಶೀಘ್ರದಲ್ಲೇ ಸಣ್ಣ ಬ್ಯಾಂಕುಗಳಿಂದ 5000 ಉದ್ಯೋಗಿಗಳ ನೇಮಕ

5000 ಹುದ್ದೆ

ದೇಶದಲ್ಲಿನ ಸಣ್ಣ ಬ್ಯಾಂಕ್‌ಗಳು ಪಟ್ಟಣ ಹಾಗೂ ಗ್ರಾಮೀಣ ಪ್ರದೇಶಗಳಲ್ಲಿ ವಹಿವಾಟು ವಿಸ್ತರಣೆಗೆ ಮುಂದಾಗಿದ್ದು, ಇದರ ಭಾಗವಾಗಿ 5000 ಹುದ್ದೆಗಳನ್ನು ಸೃಷ್ಟಿಸುವ ಸಾಧ್ಯತೆ ಇದೆ. ಸುಮಾರು 4-5 ಸಾವಿರ ಮಂದಿಯನ್ನು ವಿವಿಧ ಹುದ್ದೆಗಳಿಗೆ ಜನವರಿ-ಮಾರ್ಚ್‌ ಅವಧಿಯಲ್ಲಿ ನೇಮಿಸಲಾಗುವುದು ಎನ್ನಲಾಗಿದೆ.

ಯಾವ ಬ್ಯಾಂಕುಗಳು

ಉಜ್ಜೀವನ್, ಉತ್ಕರ್ಷ್, ಎಯು, ಸೂರ್ಯೋದಯ್‌, ಇಎಸ್‌ಎಎಫ್ ಮುಂತಾದ ಸಣ್ಣ ಸಣ್ಣ ಬ್ಯಾಂಕುಗಳು ಸುಮಾರು 4 ರಿಂದ 5 ಸಾವಿರ ಉದ್ಯೋಗಿಗಳನ್ನು ನೇಮಿಸುವ ಸಾಧ್ಯತೆ ಇದೆ.

ಯಾವ ಬ್ಯಾಂಕಿನಲ್ಲಿ ಎಷ್ಟು ಉದ್ಯೋಗ?

- ಎಯು ಸ್ಮಾಲ್ ಫೈನಾನ್ಸ್ ಬ್ಯಾಂಕ್‌ ಮುಂದಿನ 3 ತಿಂಗಳಲ್ಲಿ 1,500 ಉದ್ಯೋಗಿಗಳ ನೇಮಕ
- ಉಜ್ಜೀವನ್ 600 ಉದ್ಯೋಗಿಗಳ ನೇಮಕ
- ಇಎಸ್‌ಎಎಫ್ 500 ಉದ್ಯೋಗಿಗಳ ನೇಮಕ
- ಸೂರ್ಯೋದಯ್ 250 ಮಂದಿ ಉದ್ಯೋಗಿಗಳ ನೇಮಕ
ಉಜ್ಜೀವನ್ ಬ್ಯಾಂಕ್ ಕಳೆದ 9 ತಿಂಗಳಿನಲ್ಲಿ 5,729 ಮಂದಿಯನ್ನು ಸೇರಿಸಿಕೊಂಡಿದೆ.

ಹುದ್ದೆ, ಅರ್ಹತೆ, ಕೌಶಲ್ಯ

ಪಧವಿದರರು, ಅನುಭವಿ ಉದ್ಯೋಗಿಗಳು, ಪದವೀಧರ ಹೊಸಬರು ಅರ್ಹತೆ ಹೊಂದಿದ್ದಾರೆ.
ಅನಾಲಿಟಿಕ್ಸ್, ಇನ್ವೆಸ್ಟರ್ ರಿಲೇಶನ್ಸ್‌, ಶಾಖೆಗಳ ನಿರ್ವಹಣೆ ಇತ್ಯಾದಿ ವಿಭಾಗಗಳಲ್ಲಿ ಹುದ್ದೆಗಳಿವೆ.