1. ವೈಯಕ್ತಿಕ ಸಾಲ

ಎಸ್ಬಿಐ ವಿವಿಧ ಅಗತ್ಯಗಳಿಗಾಗಿ ವೈಯಕ್ತಿಕ ಸಾಲವನ್ನು ಒದಗಿಸುತ್ತದೆ. ಸಾಲಗಾರನು ಯಾವುದೇ ರೀತಿಯ ಭದ್ರತೆ ಅಥವಾ ಮೇಲಾಧಾರವಿಲ್ಲದೇ ಎಸ್ಬಿಐನ ವೈಯಕ್ತಿಕ ಸಾಲಕ್ಕೆ ಅರ್ಜಿ ಸಲ್ಲಿಸಬಹುದು. ಒಬ್ಬ ವ್ಯಕ್ತಿಯು ನಿವ್ವಳ ಮಾಸಿಕ ಆದಾಯದ 24 ಪಟ್ಟು ಸಾಲ ಪಡೆಯಬಹುದು. ಗರಿಷ್ಠ ರೂ. 15 ಲಕ್ಷದವರೆಗೆ ಸಾಲ ಒದಗಿಸುತ್ತದೆ. ಎಸ್ಬಿಐ ವೈಯಕ್ತಿಕ ಸಾಲಗಳಿಗೆ ಶೇ. 12.15 ರಿಂದ ಶೇ. 13.80 ರಷ್ಟು ನಡುವೆ ಬಡ್ಡಿ ದರವನ್ನು ವಿಧಿಸುತ್ತದೆ.

2. ಗೃಹ ಸಾಲ

ನಿಮ್ಮ ಪ್ರಾಪರ್ಟಿಯ ಮೇಲೆ ಮನೆ ಖರೀದಿಸಲು ಅಥವಾ ನವೀಕರಿಸಲು ಗ್ರಾಹಕರು ಸಾಲವನ್ನು ತೆಗೆದುಕೊಳ್ಳುತ್ತಾರೆ. ರೂ. 30 ಲಕ್ಷದಿಂದ ರೂ. 75 ಲಕ್ಷದವರೆಗಿನ ವ್ಯಾಪ್ತಿಯಲ್ಲಿ ಸಾಲ ಲಭ್ಯವಿರುತ್ತದೆ. ಎಸ್ಬಿಐ ಸಂಬಳದಾತ ಸಾಲಗಾರರಿಗೆ ಶೇ. 8.95 ರಿಂದ ಶೇ. 9.05 ವ್ಯಾಪ್ತಿಯ ಬಡ್ಡಿದರವನ್ನು ವಿಧಿಸುತ್ತದೆ. ಮಹಿಳಾ ಸಾಲಗಾರರಿಗೆ ಶೇ. 8.90 ರಿಂದ ಶೇ. 9 ರ ನಡುವೆ ಕಡಿಮೆ ಬಡ್ಡಿದರವನ್ನು ವಿಧಿಸುತ್ತದೆ.

3. ಶಿಕ್ಷಣ ಸಾಲ

ಸ್ಟೂಡೆಂಟ್ ಲೋನ್, ಸ್ಕಾಲರ್ ಲೋನ್ ಮತ್ತು ವಿದೇಶದಲ್ಲಿ ಅಧ್ಯಯನ ಮಾಡಲು ಸಾಲ ಹೀಗೆ ವಿವಿಧ ರೀತಿಯ ಸಾಲಗಳನ್ನು ಒದಗಿಸುತ್ತದೆ. ಸ್ಟೂಡೆಟಂಟ್ ಲೋನ್ ಅಡಿಯಲ್ಲಿ, ಭಾರತದಲ್ಲಿ ಅಥವಾ ವಿದೇಶದಲ್ಲಿ ಉನ್ನತ ಶಿಕ್ಷಣವನ್ನು ಮುಂದುವರಿಸಲು ಸಾಲವನ್ನು ನೀಡಲಾಗುತ್ತದೆ. ಇದು ಭಾರತದಲ್ಲಿ ಅಧ್ಯಯನ ಮಾಡಲು ರೂ. 10 ಲಕ್ಷ ಮತ್ತು ವಿದೇಶದಲ್ಲಿ ಅಧ್ಯಯನ ಮಾಡಲು ರೂ. 20 ಲಕ್ಷ ಒದಗಿಸುತ್ತದೆ. ರೂ. 7.5 ಲಕ್ಷದವರೆಗೆ ಶೇ. 10.55 ರಷ್ಟು ಬಡ್ಡಿದರ ಮತ್ತು ರೂ. 7.5 ಮೇಲ್ಪಟ್ಟ ಸಾಲಕ್ಕೆ ಶೇ. 10.80 ಬಡ್ಡಿದರ ವಿಧಿಸುತ್ತದೆ.

4. ಹೊಸ ಕಾರು ಸಾಲ

ಹೊಸ ಕಾರು ಖರೀದಿಸುವ ಗ್ರಾಹಕರಿಗೆ ಎಸ್ಬಿಐ ಸಾಲವನ್ನು ನೀಡುತ್ತದೆ. ಹೊಸ ಕಾರು ಸಾಲವನ್ನು ಎಲ್ಲಾ ರೀತಿಯ ಪ್ರಯಾಣಿಕ ಕಾರುಗಳು, ಬಹು ಯುಟಿಲಿಟಿ ವಾಹನಗಳು ಮತ್ತು ಎಸ್ ಯುವಿ (ಸ್ಪೋರ್ಟ್ಸ್ ಯುಟಿಲಿಟಿ ವೆಹಿಕಲ್) ಖರೀದಿಗೆ ಬಳಸಬಹುದು. ಎಸ್ಬಿಐನ ಹೊಸ ಕಾರು ಸಾಲವನ್ನು ಪಡೆದುಕೊಳ್ಳಲು ಯಾವುದೇ ಮುಂಗಡ-ಪಾವತಿ ಪೆನಾಲ್ಟಿ ಮತ್ತು ಮುಂಗಡ ಇಎಂಐ ಅಗತ್ಯವಿಲ್ಲ. ಎಸ್ಬಿಐ ಶೇ. 9.30 ರಿಂದ ಶೇ. 9.80 ರಷ್ಟು ಬಡ್ಡಿದರವನ್ನು ವಿಧಿಸುತ್ತದೆ.