ಮುಂಬೈ ಷೇರು ಪೇಟೆ (ಬಿಎಸ್ಇ) ಸೆನ್ಸೆಕ್ಸ್‌ ಸೂಚ್ಯಂಕ ಇಂದಿನಆರಂಭಿಕ ವಹಿವಾಟಿನಲ್ಲಿ 100 ಪಾಯಿಂಟ್ ಕುಸಿತ ಅನುಭವಿಸಿತು. ಮಾರುಕಟ್ಟೆಯ ಅಂತ್ಯದ ವೇಳೆಗೆ ಸೆನ್ಸೆಕ್ಸ್ ಸೂಚ್ಯಂಕ 50.2 ಅಂಕ ಕುಸಿತ ಕಂಡು 38981 ಅಂಶಗಳೊಂದಿಗೆ ಹಾಗು ನಿಪ್ಟಿ ಸೂಚ್ಯಂಕ 23 ಅಂಕ ನಷ್ಟದೊಂದಿಗೆ 11724 ಅಂಶಗಳನ್ನು ವಹಿವಾಟು ಮುಗಿಸಿತು.

ಆದರೆ ಬೆಳಗ್ಗೆ ಸುಮಾರು 10.45ರ ಹೊತ್ತಿಗೆ ಸೆನ್ಸೆಕ್ಸ್‌ 104.63 ಪಾಯಿಂಟ್ ಏರಿಕೆ ಕಂಡು 39,136.18 ಅಂಶಗಳೊಂದಿಗೆ, ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 22.40 ಅಂಕಗಳ ಏರಿಕೆಯೊಂದಿಗೆ ವಹಿವಾಟು ನಡೆಸಿದ್ದವು.

ಮಂಗಳವಾರ ಶೇ. 29ರಷ್ಟು ಕುಸಿತ ಕಂಡಿದ್ದ ಯೆಸ್ ಬ್ಯಾಂಕ್ ಷೇರುಗಳು ಗುರುವಾರದ ವಹಿವಾಟಿನಲ್ಲಿ ಶೇ.4ರಷ್ಟು ಏರಿಕೆಯಾಗಿವೆ. ಅಮೆರಿಕದ ಫೆಡರಲ್‌ ರಿಸರ್ವ್‌ ಬ್ಯಾಂಕ್‌ ತನ್ನ ಬಡ್ಡಿ ದರಗಳನ್ನು ಯಥಾವತ್‌ ಉಳಿಸಿಕೊಂಡ ಕಾರಣ ಜಾಗತಿಕ ಷೇರುಪೇಟೆಗಳಲ್ಲಿ ನಿಸ್ತೇಜತೆ ಕಂಡು ಬಂದಿತ್ತು. ಇದರ ಪರಿಣಾಮ ಮಂಬಯಿ ಶೇರು ಪೇಟೆಯ ಮೇಲೂ ಕಂಡು ಬಂದಿತು.