ಭಾರತಕ್ಕೆ ಸವಾಲು ಹಾಕಬೇಡಿ: ಅದಾನಿ ಘಟನೆ ಬೆನ್ನಲ್ಲೇ ಉದ್ಯಮಿ ಆನಂದ್ ಮಹೀಂದ್ರಾ ಎಚ್ಚರಿಕೆ
ಉದ್ಯಮಿ ಆನಂದ್ ಮಹೀಂದ್ರಾ, ಭಾರತದ ಆರ್ಥಿಕತೆ ವಿಚಾರವಾಗಿ ಉದ್ಯಮಿ ಆನಂದ್ ಮಹೀಂದ್ರಾ ಟ್ವೀಟ್ ಮಾಡಿದ್ದಾರೆ. 'ಭಾರತದ ವಿರುದ್ಧ ಎಂದಿಗೂ ಬಾಜಿ ಕಟ್ಟಬೇಡಿ" ಎಂದು ಮಹೀಂದ್ರಾ ಎಚ್ಚರಿಸಿದ್ದಾರೆ.
ಮುಂಬೈ, ಫೆಬ್ರವರಿ 04: Hindenburg Research ವರದಿ ಬೆನ್ನಲ್ಲೇ Adani Group ಷೇರು ಮೌಲ್ಯವು ಕುಸಿದಿವೆ. ಭಾರತದ ಶ್ರೀಮಂತ ಉದ್ಯಮಿ Goutam Adani ಲಕ್ಷಾಂತರ ಕೋಟಿಗಳನ್ನು ಕಳೆದುಕೊಂಡಿದ್ದಾರೆ. ಈ ವಿಚಾರವಾಗಿ ಭಾರತದ ಆರ್ಥಿಕತೆಯ ಕುರಿತು ಮಾಧ್ಯಮಗಳಲ್ಲಿ ಹಲವಾರ ಚರ್ಚೆಗಳು ನಡೆಯುತ್ತಿವೆ. ಪ್ರಸ್ತುತ ಕಳೆದ ಕೆಲವು ದಿನಗಳಿಂದ ಭಾರತದ ಮಾರುಕಟ್ಟೆ ಮೌಲ್ಯವು ಕುಸಿಯುತ್ತಿದೆ ಎಂದು ತಜ್ಞರು ಮಾಧ್ಯಮಗಳಲ್ಲಿ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಪ್ರಚಲಿತ ಬೆಳವಣಿಗೆಗಳ ಬಗ್ಗೆ ಸಾಮಾಜಿಕ ಮಾಧ್ಯಮಗಳ ಮೂಲಕ ಪ್ರತಿಕ್ರಿಯಿಸುವ ಉದ್ಯಮ Anand Mahidra, ಭಾರತದ ಆರ್ಥಿಕತೆ ವಿಚಾರವಾಗಿ ಟ್ವೀಟ್ ಮಾಡಿದ್ದಾರೆ. 'ಭಾರತದ ವಿರುದ್ಧ ಎಂದಿಗೂ ಬಾಜಿ ಕಟ್ಟಬೇಡಿ" ಎಂದು ಆನಂದ ಮಹೀಂದ್ರಾ ಎಚ್ಚರಿಸಿದ್ದಾರೆ.
ಅದಾನಿ ಸ್ಟಾಕ್ ಕುಸಿತದ ನಡುವೆ ಬ್ಯಾಂಕಿಂಗ್ ವಲಯದ ಬಗ್ಗೆ ಆರ್ಬಿಐನ ಮಹತ್ವದ ಹೇಳಿಕೆ
ಈ ವಿಚಾರವಾಗಿ ಟ್ವೀಟ್ ಮಾಡಿರುವ ಅವರು, 'ವ್ಯಾಪಾರ ವಲಯದಲ್ಲಿನ ಪ್ರಸ್ತುತ ಸವಾಲುಗಳು ಜಾಗತಿಕ ಆರ್ಥಿಕ ಶಕ್ತಿಯಾಗಲು ಭಾರತದ ಮಹತ್ವಾಕಾಂಕ್ಷೆಗಳನ್ನು ನಾಶಮಾಡುತ್ತಿವೆಯೇ ಎಂದು ಜಾಗತಿಕ ಮಾಧ್ಯಮಗಳು ಊಹಿಸುತ್ತಿವೆ. ನಾವು ಭೂಕಂಪಗಳು, ಬರಗಳು, ಆರ್ಥಿಕ ಹಿಂಜರಿತಗಳು, ಯುದ್ಧಗಳು, ಭಯೋತ್ಪಾದಕ ದಾಳಿಗಳನ್ನು ಎದುರಿದ್ದೇವೆ. ಇವುಗಳನ್ನು ನೋಡಿಕೊಂಡೇ ನಾನು ಸಾಕಷ್ಟು ಕಾಲ ಬದುಕಿದ್ದೇನೆ. ನಾನು ಹೇಳುವುದೊಂದೇ, ಭಾರತದ ವಿರುದ್ಧ ಎಂದಿಗೂ ಬಾಜಿ ಕಟ್ಟಬೇಡಿ' ಎಂದು ಅವರು ತಿಳಿಸಿದ್ದಾರೆ.
Global media is speculating whether current challenges in the business sector will trip India’s ambitions to be a global economic force. I’ve lived long enough to see us face earthquakes, droughts, recessions, wars, terror attacks. All I will say is: never, ever bet against India
— anand mahindra (@anandmahindra) February 4, 2023
Adani Group ಮಾರುಕಟ್ಟೆ ಬಂಡವಾಳೀಕರಣವು ಸುಮಾರು ₹ 1 ಲಕ್ಷ ಕೋಟಿಗಳಷ್ಟು ಕುಸಿದಿದೆ. US ಕಿರು ಮಾರಾಟಗಾರ Hindenburg Research ಜನವರಿ 24 ರಂದು ಕಡಲಾಚೆಯ ತೆರಿಗೆ ಮತ್ತು ಹೆಚ್ಚಿನ ಸಾಲದಲ್ಲಿನ ಗ್ರೂಪ್ನ ದುಷ್ಕೃತ್ಯಗಳ ಕುರಿತು ವರದಿಯನ್ನು ಬಿಡುಗಡೆ ಮಾಡಿದ ನಂತರ ಗಮನಾರ್ಹ ಷೇರು ಮಾರುಕಟ್ಟೆ ಕುಸಿದಿದೆ. 'ದಶಕಗಳ ಅವಧಿಯಲ್ಲಿ ಸ್ಟಾಕ್ ಮ್ಯಾನಿಪ್ಯುಲೇಷನ್ ಮತ್ತು ಲೆಕ್ಕಪತ್ರ ವಂಚನೆ ಯೋಜನೆಯಲ್ಲಿ' ಅದಾನಿ ಗ್ರೂಪ್ ತೊಡಗಿಸಿಕೊಂಡಿದೆ ಎಂದು Hindenburg Research ಹೇಳಿದೆ. ಶುಕ್ರವಾರದ ಆರಂಭಿಕ ವಹಿವಾಟಿನಲ್ಲಿ ಗ್ರೂಪ್ನ ಎಲ್ಲಾ 10 ಸ್ಟಾಕ್ಗಳು ಕುಸಿದಿವೆ. ಸಂಘಟಿತ ಕಂಪನಿಯ ಸುಮಾರು $120 ಬಿಲಿಯನ್ ಅನ್ನು ಇದು ನಷ್ಟಗೊಳಿಸಿದೆ.
Adani ಷೇರುಗಳಲ್ಲಿ ನಡೆಯುತ್ತಿರುವ ಕುಸಿತ, ದೇಶದ ಮಾರುಕಟ್ಟೆ ಬಂಡವಾಳವು $3.2 ಟ್ರಿಲಿಯನ್ಗಿಂತ ಕೆಳಗಿಳಿದ ಕಾರಣ ಭಾರತವನ್ನು ವಿಶ್ವದ ಅಗ್ರ ಐದು ಅತಿ ದೊಡ್ಡ ಇಕ್ವಿಟಿ ಮಾರುಕಟ್ಟೆ ಪಟ್ಟಿಯಿಂದ ಹೊರಗೆ ಹಾಕಲ್ಪಟ್ಟಿದೆ. ಬ್ಲೂಮ್ಬರ್ಗ್ ಪ್ರಕಾರ, ಇದು ಮುಂದುವರಿಯುವ ನಿರೀಕ್ಷೆಯಿದೆ ಮತ್ತು ಭಾರತವು ಪಟ್ಟಿಯಿಂದ ಮತ್ತಷ್ಟು ಕೆಳಕ್ಕೆ ಇಳಿಯಬಹುದು ಎಂದು ಹೇಳಲಾಗುತ್ತಿದೆ.
ಅದೇ ರೀತಿ, ಅಂತರರಾಷ್ಟ್ರೀಯ ಹಣಕಾಸು ನಿಧಿ (IMF) ಭಾರತೀಯ ಆರ್ಥಿಕತೆಯಲ್ಲಿ 2022 ರಲ್ಲಿ 6.8% ರಿಂದ 2023 ರಲ್ಲಿ 6.1% ಕ್ಕೆ ಕುಸಿತವನ್ನು ಊಹಿಸಿದೆ. ಆದಾಗ್ಯೂ, 2024 ರ ಆರ್ಥಿಕ ವರ್ಷದಲ್ಲಿ 0.7% ರಷ್ಟು ಬೆಳವಣಿಗೆಯನ್ನು ಅಂತರರಾಷ್ಟ್ರೀಯ ಸಂಸ್ಥೆಯು ಊಹಿಸಿದೆ.