Just In
Don't Miss
-
GT vs DC: ಡೆಲ್ಲಿ ವಿರುದ್ಧದ ಹೀನಾಯ ಸೋಲಿಗೆ ಇವರೇ ಕಾರಣ; ಶುಭ್ಮನ್ ಗಿಲ್ ಗರಂ -
ಭಾರತೀಯ ರೈಲ್ವೆಗೆ 171 ವರ್ಷ: ಮೊದಲ ರೈಲು ಸಂಚಾರ ಎಲ್ಲಿಂದ ಎಲ್ಲಿಗೆ? ಪೋಸ್ಟ್ ಹಂಚಿಕೊಂಡ ರೈಲ್ವೆ -
ಅಗ್ಗದ ದರದಲ್ಲಿ 5G ಫೋನ್ ಖರೀದಿಸಬೇಕೆ?..ಈ ಆಫರ್ ಮಿಸ್ ಮಾಡ್ಕೋಬೇಡಿ! -
Kia: ಬಹುನಿರೀಕ್ಷಿತ ಕಿಯಾ ಕ್ಲಾವಿಸ್ ಮೈಕ್ರೋ ಎಸ್ಯುವಿ ಶೀಘ್ರದಲ್ಲೇ ಬಿಡಗಡೆ -
ಅನುಷ್ಕಾ ಶೆಟ್ಟಿ ಬ್ಯಾಕ್ ಟು ಬ್ಯಾಕ್ ಯಾಕೆ ಸಿನಿಮಾ ಮಾಡ್ತಿಲ್ಲಾ? ನಿರ್ದೇಶಕರಿ ಕಂಡೀಷನ್ ಹಾಕ್ತಿದ್ದಾರಾ? -
ಬೇಸಿಗೆಯಲ್ಲಿ ದಿನಾ ಎಳನೀರು ಕುಡಿದರೆ ಏನಾಗುತ್ತೆ? ಯಾವ ಸಮಯದಲ್ಲಿ ಎಳನೀರು ಕುಡಿಯಬೇಕು? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಏರ್‌ಏಷ್ಯಾದ ಸಂಪೂರ್ಣ ಪಾಲು ಪಡೆದ ಟಾಟಾ ಸನ್ಸ್ ಮಾಲಕತ್ವದ ಏರ್ ಇಂಡಿಯಾ
ನವದೆಹಲಿ, ನ. 3: ಭಾರತೀಯ ವಿಭಾಗದ ಏರ್‌ಏಷ್ಯಾ ಸಂಸ್ಥೆಯ ಸಂಪೂರ್ಣ ಪಾಲನ್ನು ಏರ್ ಇಂಡಿಯಾ ಖರೀದಿಸಿದೆ. ಏರ್‌ಏಷ್ಯಾ (ಇಂಡಿಯಾ) ದಲ್ಲಿ ಏರ್‌ಏಷ್ಯಾ ಏವಿಯೇಶನ್ ಗ್ರೂಪ್ ತಾನು ಹೊಂದಿದ್ದ ಶೇ. 16.33 ಈಕ್ವಿಟಿ ಷೇರುಗಳನ್ನು ನಿನ್ನೆ ಬುಧವಾರ ಏರ್ ಇಂಡಿಯಾಗೆ ಮಾರಿದೆ. ಇದರೊಂದಿಗೆ ಏರ್‌ಏಷ್ಯಾ ಏವಿಯೇಶನ್ ಗ್ರೂಪ್‌ಗೆ 1.56 ಬಿಲಿಯನ್ ಡಾಲರ್ (ಸುಮಾರು 12,900 ಕೋಟಿ ರೂಪಾಯಿ) ಹಣ ಸಿಗಲಿದೆ.
ಏರ್‌ಏಷ್ಯಾ ಏವಿಯೇಶನ್ ಗ್ರೂಪ್ ಮಲೇಷ್ಯಾ ಮೂಲದ ಏರ್‌ಲೈನ್ ಸಂಸ್ಥೆಯಾಗಿದೆ. ಏರ್ ಏಷ್ಯಾ ಸೇರಿದಂತೆ ಹಲವು ವಿಮಾನಯಾನ ಸೇವೆಗಳನ್ನು ಇದು ನೀಡುತ್ತದೆ. ಅದರ ಅಂಗ ಸಂಸ್ಥೆಯಾದ ಏರ್ ಏಷ್ಯಾ ಇನ್ವೆಸ್ಟ್‌ಮೆಂಟ್ ಮತ್ತು ಟಾಟಾ ಸನ್ಸ್ ಜಂಟಿಯಾಗಿ ಏರ್‌ಏಷ್ಯಾ (ಇಂಡಿಯಾ) ಸಂಸ್ಥೆ ಆರಂಭಿಸಿದ್ದವು. ಇದರಲ್ಲಿ ಟಾಟಾ ಸನ್ಸ್ ಪಾಲು ಶೇ. 83.67 ಇದ್ದರೆ ಏರ್ ಏಷ್ಯಾ ಇನ್ವೆಸ್ಟ್‌ಮೆಂಟ್ ಸಂಸ್ಥೆಯದ್ದು ಶೇ. 16.33 ಪಾಲು ಇತ್ತು.
ಇನ್ನೊಂದೆಡೆ ಟಾಟಾ ಗ್ರೂಪ್ ಒಡೆತನದಲ್ಲಿ ಏರ್‌ಇಂಡಿಯಾ, ಏರ್‌ಏಷ್ಯಾ ಮತ್ತು ಟಾಟಾ ಎಸ್‌ಐಎ ಏರ್‌ಲೈನ್ಸ್ ಸಂಸ್ಥೆಗಳಿವೆ. ಏರ್ ಏಷ್ಯಾದ ಸಂಪೂರ್ಣ ಷೇರು ಪಾಲನ್ನು ಖರೀದಿಸುವ ಪ್ರಸ್ತಾವ ಹಲವು ತಿಂಗಳ ಹಿಂದೆಯೇ ಆಗಿತ್ತು. ಜೂನ್ ತಿಂಗಳಲ್ಲಿ ಈ ಪ್ರಸ್ತಾವಿತ ವ್ಯವಹಾರಕ್ಕೆ ಭಾರತೀಯ ಸ್ಪರ್ಧಾ ಆಯೋಗ (ಸಿಸಿಐ) ಜೂನ್ ತಿಂಗಳಲ್ಲಿ ಅನುಮೋದನೆ ನೀಡಿತ್ತು. ಇದೀಗ ಈ ಒಪ್ಪಂದ ಪೂರ್ಣಗೊಂಡಿದೆ.
ಏರ್‌ಇಂಡಿಯಾ ಎಕ್ಸ್‌ಪ್ರೆಸ್‌ನೊಂದಿಗೆ ವಿಲೀನ
ಏರ್‌ಏಷ್ಯಾ (ಇಂಡಿಯಾ) ಇದೀಗ ಏರ್‌ಇಂಡಿಯಾದ ಪೂರ್ಣ ಸ್ವಾಮ್ಯತ್ವಕ್ಕೆ ಸೇರಿದೆ. ಮೂಲಗಳ ಪ್ರಕಾರ ಏರ್‌ಏಷ್ಯಾ (ಇಂಡಿಯಾ) ಸಂಸ್ಥೆಯನ್ನು ಏರ್ ಇಂಡಿಯಾ ಎಕ್ಸ್‌ಪ್ರೆಸ್‌ಗೆ ವಿಲೀನಗೊಳಿಸುವ ಸಾಧ್ಯತೆ ಇದೆ.
ಏರ್ ಇಂಡಿಯಾ ಏರ್‌ಲೈನ್ ಸಂಸ್ಥೆ ದೇಶ ವಿದೇಶಗಳ ಮಾರುಕಟ್ಟೆಗಳಲ್ಲಿ ವಿಮಾನಯಾನ ಸೇವೆ ನೀಡುತ್ತದೆ. ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ದಕ್ಷಿಣ ಭಾರತ ಹಾಗೂ ಇತರೆಡೆಯಿಂದ ಮಿಡಲ್ ಈಸ್ಟ್ ದೇಶಗಳಿಗೆ ವಿಮಾನ ಸೇವೆ ಒದಗಿಸುತ್ತದೆ.
ಏರ್‌ಏಷ್ಯಾ ಗ್ರೂಪ್ ಮುಂದಿನ ಹೆಜ್ಜೆ?
ಇನ್ನು, ಏರ್ ಏಷ್ಯಾ ಏರ್‌ಲೈನ್ ಗ್ರೂಪ್‌ನ ಇತರ ವೈಮಾನಿಕ ಸಂಸ್ಥೆಗಳು ಮಾಮೂಲಿಯಾಗಿ ಸೇವೆ ಮುಂದುವರಿಸಲಿವೆ. ಆಸಿಯಾನ್ ದೇಶಗಳ (ಆಗ್ನೇಯ ಏಷ್ಯನ್ ದೇಶಗಳು) ಮೇಲೆ ಹೆಚ್ಚು ಗಮನ ಹರಿಸುತ್ತದೆ. ಭಾರತಕ್ಕೂ ಅದರ ವೈಮಾನಿಕ ಸೇವೆ ಮುಂದುವರಿಯುತ್ತದೆ.
ಏರ್‌ಏಷ್ಯಾ (ಇಂಡಿಯಾ) ಇದೀಗ ಸಂಪೂರ್ಣವಾಗಿ ಏರ್ ಇಂಡಿಯಾ ಪಾಲಾದ ಬಗ್ಗೆ ಮಾತನಾಡಿದ ಏರ್‌ಏಷ್ಯಾ ಏವಿಯೇಷನ್ ಗ್ರೂಪ್ ಸಿಇಒ ಬೋ ಲಿಂಗಮ್, ಟಾಟಾ ಗ್ರೂಪ್ ಜೊತೆಗಿನ ವ್ಯವಹಾರಕ್ಕೆ ಇದು ಅಂತ್ಯವಲ್ಲ, ಬದಲಾಗಿ ಹೊಸ ಆರಂಭ ಎಂದು ವಿಶ್ಲೇಷಿಸಿದರು.
"ವಿಶ್ವದ ಅತಿದೊಡ್ಡ ವಿಮಾನಯಾನ ಮಾರುಕಟ್ಟೆಗಳಲ್ಲಿ ಒಂದಾದ ಭಾರತದಲ್ಲಿ ಏರ್‌ಏಷ್ಯಾ ಒಳ್ಳೆಯ ವ್ಯವಹಾರ ಪಡೆದಿತ್ತು. ಟಾಟಾ ಗ್ರೂಪ್ ಜೊತೆ ಕೆಲಸ ಮಾಡಿದ ಒಳ್ಳೆಯ ಅನುಭವ ನಮಗೆ ಸಿಕ್ಕಿದೆ. ಈಗ ಆಗಿದ್ದು ನಮ್ಮ ಸಂಬಂಧದ ಅಂತ್ಯವಲ್ಲ. ಬದಲಾಗಿ ಹೊಸ ಸಂಬಂಧದ ಆರಂಭವಾಗಿದೆ. ಮತ್ತೆ ಜೊತೆಗೂಡಿ ಕೆಲಸ ಮಾಡುವಂಥ ಅವಕಾಶಗಳನ್ನು ನಾವು ಅರಸುತ್ತಿದ್ದೇವೆ" ಎಂದು ಬೋ ಲಿಂಗಂ ತಿಳಿಸಿದರು.
