ಔಡಿ ಕಾರಿಗಿಂತ ಆಪಲ್ ಕಂಪೆನಿಯ ಹೊಸ Mac Pro ದುಬಾರಿ

ಆಪಲ್ ಕಂಪೆನಿಯವರು ತಮ್ಮ ಪ್ರಾಡಕ್ಟ್ ಗಳಿಗೆ ನಿಗದಿ ಮಾಡುವ ಬೆಲೆ ಕೇಳಿದರೆ ಹೆಚ್ಚಿನ ಜನ, ಭಾರೀ ಆಯಿತು ಅಂತ ತಲೆ ಕೊಡವಿಕೊಳ್ಳುತ್ತಾರೆ. ಆದರೆ ಮಂಗಳವಾರ ಮಾರಾಟ ಆರಂಭ ಮಾಡಿರುವ Mac Pro ಡೆಸ್ಕ್ ಟಾಪ್ ನ ಬೆಲೆ ಕೇಳಿದರೆ ಹೌಹಾರುವಂತಿದೆ. ಅದೆಷ್ಟು ಬೆಲೆ ಅಂತೀರಾ? $ 50,000, ಭಾರತದ ರುಪಾಯಿ ಮೌಲ್ಯದಲ್ಲಿ 36 ಲಕ್ಷ ರುಪಾಯಿ.

ಟ್ರಂಪ್ ಆಡಳಿತದಿಂದ ಟಾರಿಫ್ ನ ವಿನಾಯಿತಿ ಸಿಕ್ಕ ಮೇಲೆ ಆಸ್ಟಿನ್ ಹಾಗೂ ಟೆಕ್ಸಾಸ್ ನಲ್ಲಿ ಈ ಹೊಸ ಯಂತ್ರವನ್ನು ಆಪಲ್ ಉತ್ಪಾದಿಸಿದೆ. ಏನೇನೂ ಕೆಲಸಕ್ಕೆ ಬರಲ್ಲ ಎಂದು ಪ್ರೋಗ್ರಾಮರ್ಸ್, ವಿಡಿಯೋ ಎಡಿಟರ್ ಗಳು ಮತ್ತು ಫೋಟೋಗ್ರಾಫರ್ ಗಳು ಹೇಳುವ ಸ್ಪೆಸಿಫಿಕೇಷನ್ ಇರುವುದರ ಬೆಲೆಯೇ $ 5,999 ಆಗುತ್ತದೆ.

ಆದರೆ, ಫುಲ್ ಲೋಡೆಡ್ ಕಂಪ್ಯೂಟರ್ ನ ಬೆಲೆ $ 52,000 ಆಗುತ್ತದೆ. ಅದು ಚಲಿಸಲು ಅನುಕೂಲವಾಗುವಂತೆ ವ್ಹೀಲ್ಸ್ ಕೂಡ ಇರಬೇಕು ಅಂದರೆ $ 400 (28 ಸಾವಿರ ರುಪಾಯಿ) ಹೆಚ್ಚಿಗೆ ನೀಡಬೇಕು. ಕೆಲವು ವೃತ್ತಿಪರ ಬಳಕೆದಾರರಿಗೆ ಆಪಲ್ ನ ಈ ಹೊಸ ಕಂಪ್ಯೂಟರ್ ನ ಬೆಲೆ ತಮ್ಮ ವ್ಯಾಪಾರದ ಭಾಗ. ಆದರೆ ಹಲವು ಗ್ರಾಹಕರಿಗೆ ಆಪಲ್ ನ ಈ ಬೆಲೆ ಗಾಬರಿ ಹುಟ್ಟಿಸಿದೆ.

ಇದು ಜಗತ್ತಿನ ಅತ್ಯಂತ ದುಬಾರಿ ಪರ್ಸನಲ್ ಕಂಪ್ಯೂಟರ್ ಗಳಲ್ಲಿ ಒಂದು. ಹಲವರು ಈ ಕಂಪ್ಯೂಟರ್ ನ ಬೆಲೆಯನ್ನು ಔಡಿ ಕಾರಿನ ಜತೆಗೆ ಹೋಲಿಕೆ ಮಾಡುತ್ತಿದ್ದಾರೆ. ಬೇಸ್ ಪ್ರಾಡಕ್ಟ್ ನಲ್ಲಿ 256 ಜಿ.ಬಿ. ಸ್ಟೋರೇಜ್ ಇರುತ್ತದೆ. ಈ ಬೆಲೆಗೆ ವೃತ್ತಿಪರ ಕಂಪ್ಯೂಟರ್ ಗಳಿಗೆ ಬಹಳ ಕಡಿಮೆ. 4 TB ಹೆಚ್ಚು ಬೇಕು ಅಂದರೆ ಅದಕ್ಕೆ $ 1,400 ಹೆಚ್ಚಿಗೆ ಆಗುತ್ತದೆ. ಇನ್ನು 8 TBಯದು ಮುಂದೆ ಬರಲಿದೆ. ಆದರೆ ಅದರ ಬೆಲೆ ಬಹಿರಂಗ ಮಾಡಿಲ್ಲ.

ಇನ್ನು ಕಂಪ್ಯೂಟರ್ RAM 32 GBಯಿಂದ 1.5 TBಗೆ ಹೆಚ್ಚಿಸಬೇಕು ಅಂದರೆ ಅದಕ್ಕೆ $ 25,000 ಹೆಚ್ಚುವರಿಯಾಗಿ ಹಣ ನೀಡಬೇಕು. ಬೆಲೆ $ 52,000 ದಾಟುವುದಕ್ಕೆ ಇದೇ ಕಾರಣ. ಡೇಟಾ ಸೆಂಟರ್ ಗಳಿಗೆ ಸೂಕ್ತವಾಗುವಂಥ ರಚನೆ ಆಗಿರುವ Mac Proಗೆ ಹೆಚ್ಚುವರಿಯಾಗಿ $ 500 ನೀಡಬೇಕು. ಅದನ್ನು ಮುಂದಿನ ದಿನಗಳಲ್ಲಿ ಬಿಡುಗಡೆ ಮಾಡಲಾಗುತ್ತದೆ.

ಈ ಮ್ಯಾಕ್ ಪ್ರೋನಲ್ಲಿ ಡಿಸ್ ಪ್ಲೇ ಒಳಗೊಂಡಿಲ್ಲ. ಪ್ರೋ ಡಿಸ್ ಪ್ಲೇ XDR ಮಂಗಳವಾರದಂದು $ 4,999ಕ್ಕೆ ಮಾರಾಟ ಆಗುತ್ತಿದೆ. ಮ್ಯಾಕ್ ಪ್ರೋ ಬೆಲೆ ಬಗ್ಗೆ ಮೊದಲ ಬಾರಿ ಗಮನ ಸೆಳೆದಿದ್ದು ಕಳೆದ ಜೂನ್ ನಲ್ಲಿ. ಆಗಲೇ ಕಂಪೆನಿಯಿಂದ ಪ್ರಾಡಕ್ಟ್ ಘೋಷಿಸಲಾಯಿತು. ಹೊಸ ಮಾನಿಟರ್ ಗೆ ಹೆಚ್ಚುವರಿಯಾಗಿ $ 999 ಆಗುತ್ತದೆ.