22ಸಾವಿರದಿಂದ 2ಸಾವಿರ: ಪಾತಾಳಕ್ಕಿಳಿದ ಈರುಳ್ಳಿ ಬೆಲೆಯ ಹಿಂದಿನ ಅಸಲಿ ಕಹಾನಿ

ಟರ್ಕಿಯಿಂದ 11,000 ಟನ್‌ ಈರುಳ್ಳಿ

ದಿನೇ ದಿನೇ ಗಗನಕ್ಕೇರುತ್ತಿದ್ದ ಈರುಳ್ಳಿ ಬೆಲೆ ನಿಯಂತ್ರಿಸಲು ಕೇಂದ್ರ ಸರ್ಕಾರ, ಟರ್ಕಿಯಿಂದ 11,000 ಟನ್‌ ಈರುಳ್ಳಿಯನ್ನು ಆಮದು ಮಾಡಿಕೊಂಡಿತ್ತು. ಈರುಳ್ಳಿ ಆಮದು ಮಾಡಿಕೊಳ್ಳಲು ಸರ್ಕಾರಿ ಸ್ವಾಮ್ಯದ ಎಂಎಂಟಿಸಿಗೆ ಆದೇಶ ನೀಡಿತ್ತು. ಆದರೂ, ಬೆಲೆಯಲ್ಲಿ ಹೆಚ್ಚಿನ ಸುಧಾರಣೆ ಕಂಡು ಬಂದಿರಲಿಲ್ಲ. ಈಗ, ಏಕಾಏಕಿ ಬೆಲೆಯಲ್ಲಿ ಕುಸಿತ ಕಾಣಬಹುದಾಗಿದೆ.

ಅತಿದೊಡ್ಡ ಈರುಳ್ಳಿ ಎಪಿಎಂಸಿ ಮಾರುಕಟ್ಟೆಯಾಗಿರುವ ಮಹಾರಾಷ್ಟ್ರದ ನಾಸಿಕ್

ದೇಶದ ಅತಿದೊಡ್ಡ ಈರುಳ್ಳಿ ಎಪಿಎಂಸಿ ಮಾರುಕಟ್ಟೆಯಾಗಿರುವ ಮಹಾರಾಷ್ಟ್ರದ ನಾಸಿಕ್ ನಲ್ಲಿ ಒಂದೇ ಸಮನೆ ಈರುಳ್ಳಿ ಬಂದು ಬೀಳುತ್ತಿದೆ. ಇಲ್ಲಿನ ಲಾಸಲ್ಗಾಂವ್ ಮಂಡಿಗೆ ಹಲವು ಬೆಳೆಗಳು ಹೆಚ್ಚಿನ ಪ್ರಮಾಣದಲ್ಲಿ ಫಸಲು ನೀಡಿದ್ದರಿಂದ, ಹೇರಳ ಪ್ರಮಾಣದ ಈರುಳ್ಳಿಗಳು ನಾಸಿಕ್ ಮಂಡಿಯಲ್ಲಿ ಶೇಖರಣೆಗೊಂಡಿದೆ.

ಈರುಳ್ಳಿ ಬೆಲೆ ಒಂದೇ ಸಮನೆ 2,300 ರೂಪಾಯಿಗೆ ಕುಸಿದಿದೆ

ಎಪಿಎಂಸಿ ಅಧಿಕಾರಿಗಳ ಪ್ರಕಾರ "ಈರುಳ್ಳಿ ಬೆಲೆಯಲ್ಲಿ ಪ್ರತೀ ವಾರದಲ್ಲಿ ಏರಿಳಿತ ಕಾಣುತ್ತಿದೆ. 950 ರೂಪಾಯಿಯಿಂದ 4,300ವರೆಗಿದ್ದ ಈರುಳ್ಳಿ ಬೆಲೆ ಒಂದೇ ಸಮನೆ 2,300 ರೂಪಾಯಿಗೆ ಕುಸಿದಿದೆ. ನಾಸಿಕ್ ಮಾರುಕಟ್ಟೆಯಲ್ಲಿ ಇದುವರೆಗಿನ ಇತಿಹಾಸದಲ್ಲಿ ಕಾಣದಷ್ಟು ಮಟ್ಟಿಗೆ ಈರುಳ್ಳಿ ಬೆಲೆ ಏರಿಕೆ ಮತ್ತು ಇಳಿಕೆಯನ್ನು ಕಂಡಿದೆ" ಎಂದು ಹೇಳುತ್ತಾರೆ.

ಈರುಳ್ಳಿ ಬೆಲೆಯಲ್ಲಿ ಇನ್ನಷ್ಟು ಇಳಿಕೆಯಾಗುವ (20-35ರೂಪಾಯಿವರೆಗೆ) ಸಾಧ್ಯತೆ

ಹಿಂಗಾರು ಕಟಾವು ಆರಂಭಗೊಂಡಿದ್ದರಿಂದ ನಾಸಿಕ್, ಪೂನಾ, ಸತಾರ, ಸಾಂಗ್ಲಿ ಮುಂತಾದ ಕಡೆಯಿಂದ ಈರುಳ್ಳಿಗಳು, ಕರ್ನಾಟಕದ ಮಾರುಕಟ್ಟೆಗೆ ಬರಲಾರಂಭಿಸಿದೆ. ಈರುಳ್ಳಿ ಬೆಲೆಯಲ್ಲಿ ಗಣನೀಯ ಇಳಿಕೆಯಾಗಿದ್ದರೂ, ಅದರ ಲಾಭ,ಇನ್ನೂ ಗ್ರಾಹಕರಿಗಾಗಲಿ ಅಥವಾ ಚಿಲ್ಲರೆ ವ್ಯಾಪಾರಿಗಳಿಗಾಗಲಿ ಸಿಗುತ್ತಿಲ್ಲ. ಉತ್ತರ ಕರ್ನಾಟಕದ ಭಾಗದ ಈರುಳ್ಳಿಗಳೂ ಖಟಾವ್ ಗೆ ಬರುವುದರಿಂದ, ಮುಂದಿನ ದಿನಗಳಲ್ಲಿ ಈರುಳ್ಳಿ ಬೆಲೆಯಲ್ಲಿ ಇನ್ನಷ್ಟು ಇಳಿಕೆಯಾಗುವ (20-35ರೂಪಾಯಿವರೆಗೆ) ಸಾಧ್ಯತೆಯಿದೆ.