ಪ್ರತಿಷ್ಠಿತ ಪ್ರಶಸ್ತಿಗೆ ಭಾಜನರಾದ ಬಯೋಕಾನ್‌ನ ಕಿರಣ್ ಮಜುಂದಾರ್ ಶಾ

11,000 ಕ್ಕೂ ಹೆಚ್ಚು ಜನರಿಗೆ ಉದ್ಯೋಗ

67 ರ ವಯಸ್ಸಿನ ಶಾ ಅವರು, 1978 ರಲ್ಲಿ ಕೇವಲ ಇಬ್ಬರು ಉದ್ಯೋಗಿಗಳೊಂದಿಗೆ ಬೆಂಗಳೂರು ಮೂಲದ ಬಯೋಕಾನ್ ಲಿಮಿಟೆಡ್ ಅನ್ನು ಸ್ಥಾಪಿಸಿದರು. ಪ್ರಸ್ತುತ 50,000 ಕೋಟಿ ರೂ. ಮೌಲ್ಯದ ಕಂಪನಿಯನ್ನು ಅವರು ಮುನ್ನಡೆಸುತ್ತಿದ್ದಾರೆ ಮತ್ತು 11,000 ಕ್ಕೂ ಹೆಚ್ಚು ಜನರಿಗೆ ಉದ್ಯೋಗ ನೀಡಿದ್ದಾರೆ.

ದೊಡ್ಡ ಅವಕಾಶಗಳು ಕಠಿಣ ಸಮಯಗಳಲ್ಲಿ ಉದ್ಭವಿಸುತ್ತವೆ

''ದೊಡ್ಡ ಅವಕಾಶಗಳು ಸಾಮಾನ್ಯವಾಗಿ ಕಠಿಣ ಸಮಯಗಳಲ್ಲಿ ಉದ್ಭವಿಸುತ್ತವೆ. ಅದು ನನ್ನ ಉದ್ಯಮಶೀಲತೆಯ ಪ್ರಯಾಣದುದ್ದಕ್ಕೂ ನನ್ನ ಅನುಭವವಾಗಿದೆ. ನನ್ನ ವ್ಯವಹಾರ ಗಮನ ಜಾಗತಿಕ ಆರೋಗ್ಯ ರಕ್ಷಣೆ ಮತ್ತು ಜೀವ ಉಳಿಸುವ ಕ್ಷೇತ್ರದ್ದಾಗಿದೆ. ಆದಾಗ್ಯೂ, ಉದ್ಯಮಿಯಾಗಿ ನನ್ನ ಜವಾಬ್ದಾರಿ ಷೇರುದಾರರಿಗೆ ಮೌಲ್ಯವನ್ನು ತಲುಪಿಸುವುದಕ್ಕಿಂತ ದೊಡ್ಡದಾಗಿದೆ'' ಎಂದು ಕಿರಣದ ಶಾ ಪ್ರಶಸ್ತಿ ಪಡೆದ ಬಗ್ಗೆ ಟ್ವೀಟ್ ಮಾಡಿದ್ದಾರೆ.

ಶಾ ಸ್ಪೂರ್ತಿದಾಯಕ ಉದ್ಯಮಿಯಾಗಿದ್ದಾರೆ

ಪ್ರಶಸ್ತಿ ಘೋಷಣೆ ಮಾಡಿದ Ernst & Young Entrepreneur of the Year Award ಸಮಿತಿ, ''ಕಿರಣ್ ಶಾ ಅವರು ಒಬ್ಬ ಸ್ಪೂರ್ತಿದಾಯಕ ಉದ್ಯಮಿಯಾಗಿದ್ದಾರೆ. ಕಳೆದ 30 ವರ್ಷಗಳಲ್ಲಿ ಬೆಳವಣಿಗೆಯನ್ನು ನಿರ್ಮಿಸುವ ಮತ್ತು ಉಳಿಸಿಕೊಳ್ಳುವ ಅವರ ಸಾಮರ್ಥ್ಯದಿಂದ ಹಾಗೂ ಜಾಗತಿಕ ಮಟ್ಟದಲ್ಲಿ ಭಾರಿ ಪ್ರಭಾವ ಬೀರಿದ ಅವರ ವ್ಯಕ್ತಿತ್ವದ ಮೇಲೆ ಪ್ರಶಸ್ತಿಯ ತೀರ್ಪುಗಾರರ ಸಮಿತಿಯು ಪ್ರಭಾವಿತವಾಗಿದೆ'' ಎಂದು ಹೇಳಿದೆ.

ಗಣ್ಯರ ಶುಭಾಶಯ

ಇನ್ನು ಪ್ರತಿಷ್ಠಿತ ಪ್ರಶಸ್ತಿಗೆ ಭಾಜನರಾದ ಕಿರಣ ಶಾ ಅವರಿಗೆ ಟ್ವಿಟ್ಟರ್‌ನಲ್ಲಿ ಅನೇಕ ಗಣ್ಯರು ಶುಭಾಶಯ ಕೋರಿದ್ದಾರೆ. ಕರ್ನಾಟಕದ ವೈದ್ಯಕೀಯ ಸಚಿವ ಕೆ ಸುಧಾಕರ್ ಅವರೂ ಸಹ ಶುಭಾಶಯ ಕೋರಿದ್ದು, ಕಿರಣ್ ಶಾ ಅವರಂತಹ ದಿಟ್ಟ ಮಹಿಳೆಗೆ ಇನ್ನಷ್ಟು ಸಾಧಿಸಲು ಉತ್ಸಾಹ ಬಂದಂತಾಗಿದೆ ಎಂದು ಹೇಳಿದ್ದಾರೆ.