ಫೆಬ್ರವರಿ ಕೊನೆಯಲ್ಲಿ ಟಿವಿ, ರೆಫ್ರಿಜರೇಟರ್, ಎಸಿ ಬೆಲೆ ದುಬಾರಿ
ಫೆಬ್ರವರಿ ಅಂತ್ಯದ ವೇಳೆಗೆ ಟಿವಿ, ಎಸಿ ಮತ್ತು ರೆಫ್ರಿಜರೇಟರ್ ಹಾಗೂ ಕೆಲವು ಸ್ಮಾರ್ಟ್ ಫೋನ್ಗಳ ದರ ಏರಿಕೆಯಾಗಲಿದೆ. ಚೀನಾದ ಕೊರೊನಾವೈರಸ್ ಪ್ರಭಾವವು ಮಾರುಕಟ್ಟೆಯ ಮೇಲೆ ಪರಿಣಾಮ ಬೀರಿದ್ದು ಚೀನಾದಿಂದ ಆಮದಾಗುವ ಸರಕುಗಳ ಸರಬರಾಜಿನಲ್ಲಿ ವ್ಯತ್ಯಯ ಉಂಟಾಗಿದೆ.
ಟೀವಿ ಖರೀದಿ ಮಾಡಬೇಕು ಅಂತಿದ್ದೀರಾ? ಈ ಎಲ್ಲ ಅಂಶವನ್ನೂ ಆಲೋಚಿಸಿ
ಚೀನಾದಲ್ಲಿ ಕೊರೊನಾವೈರಸ್ ಸಾವಿರಾರು ಜನರನ್ನು ಬಲಿ ತೆಗೆದುಕೊಂಡಿದ್ದು, ಉತ್ಪಾದನಾ ವಲಯದ ಮೇಲೂ ಪರಿಣಾಮ ಬೀರಿದೆ. ಈ ಪರಿಣಾಮ ಪ್ರಮುಖ ವಸ್ತುಗಳ ದರಗಳು 3 ರಿಂದ 5 ಪರ್ಸೆಂಟ್ ಹೆಚ್ಚಾಗಲಿದೆ ಎಂದು ಮಾರುಕಟ್ಟೆ ತಜ್ಞರು ಹೇಳಿದ್ದಾರೆ.
ಕಚ್ಚಾ ವಸ್ತುಗಳಿಗೆ ಚೀನಾದ ಮೇಲೆ ನಂಬಿಕೊಂಡಿರುವ ಕಂಪನಿಗಳಲ್ಲಿ ಉತ್ಪಾದನೆಯು ತಗ್ಗಿದೆ. ಇದರಿಂದಾಗಿ ಟಿವಿ ಬೆಲೆಯು 7ರಿಂದ 10 ಪರ್ಸೆಂಟ್ ಹೆಚ್ಚಾಗಲಿದೆ, ಟಿವಿ ಪ್ಯಾನೆಲ್ಗಳು ಈಗಾಗಲೇ 15 ರಿಂದ 20 ಪರ್ಸೆಂಟ್ ಏರಿಕೆಯಾಗಲಿದೆ. ಮುಂದಿನ ದಿನಗಳಲ್ಲಿ ಕಂಪನಿಗಳು ರಿಯಾಯಿತಿಯನ್ನು ಕಡಿಮೆ ಮಾಡುವ ಸಾಧ್ಯತೆ ಇದೆ.
ಆ್ಯಪಲ್ ಕಂಪನಿಯು ಸಹ ವಿಶ್ವದಾದ್ಯಂತ ಐಫೋನ್ ಸರಬರಾಜಿನಲ್ಲಿ ತಾತ್ಕಾಲಿಕ ವ್ಯತ್ಯಯವಾಗಲಿದೆ ಎಂದು ಹೇಳಿದೆ.