ಕೊರೊನಾ ಏಟು; ವೇತನ ಹೆಚ್ಚಳದ ಜತೆಗೆ ಬೋನಸ್ ಸಿಗೋದು ಡೌಟು

ವರ್ಕ್ ಫ್ರಮ್ ಹೋಮ್ ಗೆ ಅವಕಾಶ

ಭಾರತದಲ್ಲಿನ ತಂತ್ರಜ್ಞಾನ ಸೇವೆ ಒದಗಿಸುವ ಕಂಪೆನಿಗಳು ವರ್ಕ್ ಫ್ರಮ್ ಹೋಮ್ ಗೆ ಅವಕಾಶ ಕೊಟ್ಟಿವೆ. ಇನ್ನು ಟ್ರೇನಿಗಳನ್ನು ಕ್ಯಾಂಪಸ್ ಗಳಿಂದ ಮನೆಗೆ ಕಳುಹಿಸಲಾಗಿದೆ. ಭಾರತ ಮೂಲದ ಐಟಿ ಸೇವೆ ಒದಗಿಸುವ ಕಂಪೆನಿಗಳಲ್ಲಿ ಹತ್ತಕ್ಕೆ ಎಂಟು ಸಿಬ್ಬಂದಿ ಸ್ಥಳೀಯ ಕೇಂದ್ರಗಳಲ್ಲಿ ಕೆಲಸ ಮಾಡುತ್ತಾರೆ.

ಯು.ಎಸ್. ಹಾಗೂ ಯುರೋಪ್ ನಲ್ಲೂ ಮಾರ್ಕೆಟ್ ಗೆ ಹೊಡೆತ

ಯು.ಎಸ್. ಹಾಗೂ ಯುರೋಪ್ ನಲ್ಲೂ ಮಾರ್ಕೆಟ್ ಗೆ ಹೊಡೆತ ಬಿದ್ದಿರುವುದರಿಂದ ಮುಂದಿನ ಆರ್ಥಿಕ ವರ್ಷದ ಐಟಿ ವಲಯದ ಬೆಳವಣಿಗೆ ಅಂದಾಜನ್ನೇ ಪರಿಷ್ಕರಿಸುವಂತೆ ಮಾಡಿದೆ. ಅತಿ ದೊಡ್ಡ ಹಾಗೂ ಮಧ್ಯಮ ಪ್ರಮಾಣದಲ್ಲಿ ಬಂಡವಾಳ ಹೂಡಿರುವ ತಂತ್ರಜ್ಞಾನ ಸೇವೆ ಒದಗಿಸುವ ಕಂಪೆನಿಗಳ ಆದಾಯ 2-4% ಹಾಗೂ ಒಟ್ಟಾರೆ ಈ ಕ್ಷೇತ್ರದ ಆದಾಯ 3-8% ಕುಸಿಯಬಹುದು ಎಂದು ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.

ಟಿಸಿಎಸ್ ವಾರ್ಷಿಕ ಅಪ್ರೈಸಲ್ ಮುಗಿದಿದೆ

ಇನ್ನು ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ ಕಂಪೆನಿಯಿಂದ ವಾರ್ಷಿಕ ಅಪ್ರೈಸಲ್ ಮುಗಿದಿದೆ. ಆದರೆ ಎಷ್ಟು ಹೆಚ್ಚಳ ಮಾಡಬೇಕು ಎಂಬ ತೀರ್ಮಾನ ಆಗಿಲ್ಲ ಎಂದು ಹೆಸರು ಹೇಳಲು ಇಚ್ಛಿಸದ ಮುಖ್ಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಸದ್ಯದ ಪರಿಸ್ಥಿತಿಗೆ ಏನು ಮಾಡಬೇಕು ಎಂಬುದರ ಬಗ್ಗೆಯೇ ಹೆಚ್ಚು ಕೆಲಸ ಮಾಡುತ್ತಿದ್ದೇವೆ. ಸಂಬಳ ಹೆಚ್ಚಳವನ್ನು ತಡೆಯುವುದರ ಬಗ್ಗೆ ಯಾವುದೇ ನಿರ್ಧಾರ ಕೈಗೊಂಡಿಲ್ಲ ಎಂದು ತಿಳಿಸಿದ್ದಾರೆ.

ಕಂಪೆನಿಗಳ ಲಾಭದ ಮೇಲೆ ವ್ಯತಿರಿಕ್ತ ಪರಿಣಾಮ

ವಿಪ್ರೋ, ಎಚ್ ಸಿಎಲ್ ಟೆಕ್ನಾಲಜಿ, ಇನ್ಫೋಸಿಸ್ ನಲ್ಲಿ ವೇತನ ಹೆಚ್ಚಳಕ್ಕೆ ಇನ್ನೂ ಬಹಳ ಸಮಯ ಇದೆ. ಕೊರೊನಾದ ಪರಿಣಾಮ ಕಂಪೆನಿಗಳ ಲಾಭದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಬಹುದು. ಕಂಪೆನಿಯ ಲಾಭ ಮತ್ತು ಆದಾಯದ ಮೇಲೆ ಬೋನಸ್ ನಿರ್ಧಾರ ಆಗುತ್ತದೆ. ಆದ್ದರಿಂದ ಅದು ಕೂಡ ಕಡಿಮೆ ಆಗುತ್ತದೆ. ಆ ಹಿನ್ನೆಲೆಯಲ್ಲಿ ಉದ್ಯೋಗಿಗಳಿಗೆ ಬೋನಸ್ ಕಡಿಮೆ ಆಗಬಹುದು ಎಂದು ಎವೆರೆಸ್ಟ್ ಗ್ರೂಪ್ ಸಿಇಒ ಹೇಳಿದ್ದಾರೆ.