ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಏರಿಕೆ: ಹಣದುಬ್ಬರದ ಮೇಲೆ ಪರಿಣಾಮ

ಯುಎಸ್‌ಎಯ ಹಣದುಬ್ಬರ ದರಗಳು

ಯುಎಸ್ ಬ್ಯೂರೋ ಆಫ್ ಲೇಬರ್ ಸ್ಟ್ಯಾಟಿಸ್ಟಿಕ್ಸ್ ಇತ್ತೀಚೆಗೆ ಗ್ರಾಹಕ ಬೆಲೆ ಸೂಚ್ಯಂಕಕ್ಕೆ (ಸಿಪಿಐ) ಸಂಬಂಧಿಸಿದಂತೆ ಸೆಪ್ಟೆಂಬರ್‌ನ ಹಣದುಬ್ಬರದ ಡೇಟಾವನ್ನು ಬಿಡುಗಡೆ ಮಾಡಿದೆ. ಸಿಪಿಐ ನಗರ ಸೂಚ್ಯಂಕವು ನಿರೀಕ್ಷೆಗಳನ್ನು ಮೀರಿ ಶೇಕಡಾ 0.4ರಷ್ಟು ಗಳಿಸಿದೆ ಎಂದು ವರದಿ ತೋರಿಸಿದೆ.

ಕಳೆದ ವರ್ಷದಿಂದ ಒಟ್ಟಾರೆಯಾಗಿ ಸೂಚ್ಯಂಕದ ಹೊಂದಾಣಿಕೆಗೂ ಮುನ್ನ ಶೇಕಡಾ 5.4ರಷ್ಟು ದಾಖಲಿಸಿದೆ. ಇದರ ನಡುವೆ ಆಹಾರ ಬೆಲೆ ಹೆಚ್ಚಳವಾಗಿದ್ದು ಆಹಾರ ಸೂಚ್ಯಂಕವು ಶೇಕಡಾ 4ರಷ್ಟು ಹೆಚ್ಚಾಗಿದೆ. ಮತ್ತೊಂದೆಡೆ, ಚಿನ್ನದ ದರಗಳು ಮತ್ತು ಹಣದುಬ್ಬರದ ನಡುವಿನ ಸಂಬಂಧದ ಬಗ್ಗೆ ಪ್ರತಿಕ್ರಿಯಿಸಿದ ಗ್ಯಾರಿ ವ್ಯಾಗ್ನರ್ ಸಾಂಕ್ರಾಮಿಕ ರೋಗವು 2021 ಮತ್ತು 2022 ರ ವೇಳೆಗೆ ಯಾವುದೇ ಬಡ್ಡಿ ದರ ಏರಿಕೆಯಾಗುವುದಿಲ್ಲ ಎಂದು ಅಂದಾಜಿಸಿದೆ. 2022 ರಲ್ಲಿ ಎರಡು ದರ ಏರಿಕೆಗಳು ಇರಲಿವೆ ಎಂದು ನಂಬಲಾಗಿದೆ

ಯುಎಸ್ಎ ಉತ್ಪಾದನಾ ಡೇಟಾ

ಫಿಲಡೆಲ್ಫಿಯಾ ಫೆಡರಲ್ ರಿಸರ್ವ್ ತನ್ನ ಉತ್ಪಾದನಾ ವ್ಯವಹಾರದ ದೃಷ್ಟಿಕೋನವು ಅಕ್ಟೋಬರ್‌ನಲ್ಲಿ 23.8 ರಷ್ಟು ಅಂದಾಜಿಸಿದೆ. ವರದಿಯು ಅಲ್ಪಾವಧಿಯ ಆಧಾರದ ಮೇಲೆ ಚಿನ್ನದ ಮಾರುಕಟ್ಟೆಗಳನ್ನು ಬೆಂಬಲಿಸಿತು. ಬೆಲೆಗಳು ಪಾವತಿಸಿದ ಸೂಚ್ಯಂಕ (ಪಿಪಿಐ) 70.3 ಕ್ಕೆ ಏರಿಕೆಯಾಗಿದೆ ಎಂದು ವರದಿಯು ಹೆಚ್ಚುವರಿಯಾಗಿ ಉಲ್ಲೇಖಿಸಿದೆ. ಇದು ಸೆಪ್ಟೆಂಬರ್‌ನಲ್ಲಿ 67.3 ರಿಂದ ಏರಿಕೆಯಾಗಿದೆ, ಇದು ಚಿನ್ನದ ಮಾರುಕಟ್ಟೆಗೆ ಧನಾತ್ಮಕ ತಿರುವು ನೀಡಿದೆ.

ಚಿನ್ನದ ದರಗಳು

ಈಗಾಗಲೇ ಚಿನ್ನದ ಬೆಲೆ ಸಾಕಷ್ಟು ಅಸ್ಥಿರವಾಗುವುದರ ಜೊತೆಗೆ ಕ್ರಿಪ್ಟೋಕರೆನ್ಸಿಗಳು ಗಮನಾರ್ಹವಾಗಿ ಇಳಿಕೆಯಾಗಿರುವುದನ್ನು ಕಾಣಬಹುದು. 64,000 ಡಾಲರ್‌ಗಿಂತ ಚಿನ್ನದ ಬೆಲೆ ಹೆಚ್ಚಾಗಿದೆ.
ಇದರ ನಡುವೆ ಯುಎಸ್ ಸ್ಟಾಕ್ ಮಾರುಕಟ್ಟೆಗಳು ಸಹ ಚೇತರಿಸಿಕೊಳ್ಳುತ್ತಿವೆ. 10 ವರ್ಷದ ಯುಎಸ್ ಖಜಾನೆ ಇಳುವರಿಯು ಸುಮಾರು 1.66% ಅನ್ನು ಪಡೆಯುತ್ತಿದೆ. ಆದಾಗ್ಯೂ, ಚಿನ್ನದ ಹೂಡಿಕೆದಾರರು ನವೆಂಬರ್‌ನಲ್ಲಿ ನಡೆಯಲಿರುವ ಯುಎಸ್ ಫೆಡ್ ಸಭೆಯ ಬಗ್ಗೆ ಚಿಂತಿತರಾಗಿದ್ದಾರೆ.

ಇನ್ನು ಡಿಸೆಂಬರ್ ಚಿನ್ನದ ಫ್ಯೂಚರ್ಸ್ $ 1781 ಮುಕ್ತಾಯಗೊಂಡಿದ್ದು, ಸ್ಪಾಟ್ ಮಾರುಕಟ್ಟೆ $ 1784 ರಷ್ಟಿದೆ, ಆದರೆ MCX ಚಿನ್ನದ ಭವಿಷ್ಯವು ಅಕ್ಟೋಬರ್ 21 ರಂದು 47,386ರಷ್ಟಿತ್ತು. ಜಾಗತಿಕ ಚಿನ್ನದ ದರಗಳು ಸುಮಾರು $ 1780 ರಿಂದ $ 1785 ನಲ್ಲಿ ಈಗ $ 1800 ಮಟ್ಟವನ್ನು ತಲುಪಲು ಪ್ರಯತ್ನಿಸುತ್ತಿವೆ.

ಪೆಟ್ರೋಲ್, ಡೀಸೆಲ್ ದರ ಸತತ ಏರಿಕೆ

ಚಿನ್ನದ ಬೆಲೆ ಏರಿಕೆ ಒಂದೆಡೆಯಾದ್ರೆ, ಸರ್ಕಾರಿ ಸ್ವಾಮ್ಯದ ತೈಲ ಸಂಸ್ಥೆಗಳು ಸತತ ಮೂರನೇ ದಿನ ತೈಲ ದರವನ್ನು ಏರಿಕೆ ಮಾಡಿವೆ. ಈ ಮೂಲಕ ಶುಕ್ರವಾರ ಪೆಟ್ರೋಲ್, ಡೀಸೆಲ್ ದರ ಮತ್ತಷ್ಟು ಜಿಗಿತ ಸಾಧಿಸಿದ್ದು, ಹಣದುಬ್ಬರ ಏರಿಕೆಗೆ ಪ್ರಮುಖ ಕಾರಣವಾಗಿದೆ.

ಶುಕ್ರವಾರ (ಅ.22) ನವದೆಹಲಿಯಲ್ಲಿ ಪೆಟ್ರೋಲ್ ದರವು ಲೀಟರ್‌ಗೆ 35 ಪೈಸೆ ಏರಿಕೆಗೊಂಡು 106.89 ರೂಪಾಯಿಗೆ ತಲುಪಿದೆ. ಡೀಸೆಲ್ ದರವು ಲೀಟರ್‌ಗೆ 35 ಪೈಸೆ ಹೆಚ್ಚಾಗಿ 95.62 ರೂಪಾಯಿಗೆ ಮುಟ್ಟಿದೆ. ಇಂಡಿಯನ್ ಆಯಿಲ್, ಭಾರತ್ ಪೆಟ್ರೋಲಿಯಂ ಮತ್ತು ಹಿಂದೂಸ್ತಾನ್ ಪೆಟ್ರೋಲಿಯಂ ಪೆಟ್ರೋಲ್ ದರ ಮತ್ತು ಡೀಸೆಲ್ ದರವನ್ನು ಪ್ರತಿದಿನ ಸಂಜೆ 6 ಗಂಟೆಯಿಂದ ಪರಿಷ್ಕರಿಸುತ್ತವೆ.