5 ಲಕ್ಷ ಕೋಟಿ ರುಪಾಯಿ ಮಾರುಕಟ್ಟೆ ಬಂಡವಾಳ ಮೌಲ್ಯ ದಾಟಿದ ಇನ್ಫೋಸಿಸ್
5 ಲಕ್ಷ ಕೋಟಿ ರುಪಾಯಿ ಮಾರುಕಟ್ಟೆ ಬಂಡವಾಳ ಮೌಲ್ಯ ದಾಟಿದ ಭಾರತದ ಐದನೇ ಕಂಪೆನಿ ಎಂಬ ಶ್ರೇಯಕ್ಕೆ ಗುರುವಾರ (ಅಕ್ಟೋಬರ್ 15, 2020) ಬೆಂಗಳೂರು ಮೂಲದ ಇನ್ಫೋಸಿಸ್ ಲಿಮಿಟೆಡ್ ಪಾತ್ರವಾಗಿದೆ. ಈ ವರ್ಷ ಇಲ್ಲಿಯ ತನಕ ಷೇರಿನ ಬೆಲೆಯಲ್ಲಿ 61% ಹೆಚ್ಚಳ ಆಗಿದೆ. ದೇಶದಲ್ಲಿ ಈ ಸಾಧನೆ ಮಾಡಿದ ಎರಡನೇ ಐ.ಟಿ. ಕಂಪೆನಿ ಇನ್ಫೋಸಿಸ್.
Infosys ಲಾಭ 4845 ಕೋಟಿ, 12 ರು. ಡಿವಿಡೆಂಡ್, ಉದ್ಯೋಗಿಗಳಿಗೆ ಬಡ್ತಿ
ಬಿಎಸ್ ಇ ಸೂಚ್ಯಂಕದಲ್ಲಿ ಗುರುವಾರ ಪ್ರತಿ ಷೇರಿನ ಬೆಲೆ 1,185 ರುಪಾಯಿ ಮುಟ್ಟುವ ಮೂಲಕ ಇನ್ಫೋಸಿಸ್ ಹೊಸ ದಾಖಲೆ ಬರೆಯಿತು. ಹಿಂದಿನ ದಿನಕ್ಕಿಂತ ಷೇರಿನ ಬೆಲೆಯಲ್ಲಿ 4.3% ಹೆಚ್ಚಳವಾಯಿತು. ಆ ಮೂಲಕ ಮಾರುಕಟ್ಟೆ ಬಂಡವಾಳ ಮೌಲ್ಯವು 5.04 ಲಕ್ಷ ಕೋಟಿ ಆಯಿತು.
ಇದಕ್ಕೂ ಮುನ್ನ ಬುಧವಾರದಂದು ಬಂದ ಇನ್ಫೋಸಿಸ್ ನ ಸೆಪ್ಟೆಂಬರ್ ತ್ರೈಮಾಸಿಕದ ಫಲಿತಾಂಶ ನಿರೀಕ್ಷೆ ಮಾಡಿದ್ದಕ್ಕಿಂತ ಉತ್ತಮವಾಗಿತ್ತು. ಸದ್ಯಕ್ಕೆ ರಿಲಯನ್ಸ್ ಇಂಡಸ್ಟ್ರೀಸ್ ಭಾರತದ ಅತ್ಯಂತ ಮೌಲ್ಯಯುತ ಕಂಪೆನಿ. ಅದರ ಮಾರುಕಟ್ಟೆ ಬಂಡವಾಳ ಮೌಲ್ಯ 15.43 ಲಕ್ಷ ಕೋಟಿ ರುಪಾಯಿ ಇದೆ. ನಂತರದ ಸ್ಥಾನಗಳಲ್ಲಿ ಟಿಸಿಎಸ್ 10.42 ಲಕ್ಷ ಕೋಟಿ ರುಪಾಯಿ ಹಾಗೂ ಎಚ್ ಡಿಎಫ್ ಸಿ ಬ್ಯಾಂಕ್ 6.62 ಲಕ್ಷ ಕೋಟಿ ರುಪಾಯಿ ಇದೆ.