1 ಲಕ್ಷ ಕೋಟಿ ಗಡಿದಾಟಿದ IRCTC ಮಾರುಕಟ್ಟೆ ಬಂಡವಾಳ: ಷೇರು ಬೆಲೆ 52 ವಾರಗಳ ಗರಿಷ್ಠ ಮಟ್ಟಕ್ಕೆ ಏರಿಕೆ

ಭಾರತೀಯ ರೈಲ್ವೆ ಅಡುಗೆ ಮತ್ತು ಪ್ರವಾಸೋದ್ಯಮ ನಿಗಮದ (ಐಆರ್‌ಸಿಟಿಸಿ) ಷೇರುಗಳು ಅಕ್ಟೋಬರ್ 19 ರಂದು 52 ವಾರಗಳ ಗರಿಷ್ಠ ಮಟ್ಟವನ್ನು ತಲುಪಿದೆ. ಇದಷ್ಟೇ ಅಲ್ಲದೆ ಐಆರ್‌ಸಿಟಿಸಿ ಮಾರುಕಟ್ಟೆ ಕ್ಯಾಪ್ ಮೊದಲ ಬಾರಿಗೆ ಬರೋಬ್ಬರಿ ಒಂದು ಲಕ್ಷ ಕೋಟಿ ರೂಪಾಯಿ ಗಡಿದಾಟಿದೆ.

ಮಂಗಳವಾರ (ಅ. 19) ಬೆಳಗ್ಗಿನ ವಹಿವಾಟಿನಲ್ಲಿ ಭಾರತೀಯ ರೈಲ್ವೆ ಕ್ಯಾಟರಿಂಗ್ ಮತ್ತು ಟೂರಿಸಂ ಕಾರ್ಪೊರೇಷನ್ ಷೇರು 6,159.55 ರೂಪಾಯಿಗೆ ತಲುಪಿದ್ದು, ರೂ. 282.25 ಅಥವಾ ಶೇಕಡಾ 4.80ರಷ್ಟು ಏರಿಕೆಯಾಗಿದೆ. ಇದು 52 ವಾರಗಳ ಗರಿಷ್ಠ ಮಟ್ಟವಾದ 6,375.45 ರೂಪಾಯಿಗೆ ತಲುಪಿದೆ.

ಬಿಎಸ್‌ಇ ದತ್ತಾಂಶಗಳ ಪ್ರಕಾರ, ಪಿಎಸ್‌ಯುನ ಮಾರುಕಟ್ಟೆ ಬಂಡವಾಳೀಕರಣವು ಮೊದಲ ಬಾರಿಗೆ 1 ಲಕ್ಷ ಕೋಟಿ ರೂಪಾಯಿ ಗಡಿಯನ್ನು ಮುಟ್ಟಿತು. ಬೆಳಿಗ್ಗೆ 10.27 ಕ್ಕೆ 98,690.40 ಕೋಟಿ ರೂಪಾಯಿಗೆ ಇಳಿದಿದೆ.

ಕಳೆದ ವರ್ಷದಲ್ಲಿ ಷೇರು ಶೇಕಡಾ 364ಕ್ಕಿಂತ ಹೆಚ್ಚು ಏರಿಕೆಯಾಗಿದ್ದು, ಉತ್ತಮ ಲಾಭವನ್ನು ನೀಡಿದೆ. ಕಳೆದ ದಸರಾ ನಂತರ ಮಲ್ಟಿಬ್ಯಾಗರ್‌ಗಳನ್ನು ಕಂಡ ಹಲವು ಸ್ಟಾಕ್‌ಗಳಲ್ಲಿ ಐಆರ್‌ಸಿಟಿಸಿ ಕೂಡ ಒಂದು.

ಗ್ಲೋಬ್ ಕ್ಯಾಪಿಟಲ್ ಮಾರ್ಕೆಟ್ಸ್‌ನ ಎವಿಪಿ-ರಿಸರ್ಚ್ ಗೌರವ್ ಶರ್ಮಾ ಪ್ರಕಾರ, ಈ ಸ್ಟಾಕ್‌ ಈಗಲೂ ಉತ್ತಮ ಸ್ಥಾನದಲ್ಲಿದೆ. ಅಲ್ಪಾವಧಿ ಹೂಡಿಕೆದಾರರು 4,000 ಕ್ಕಿಂತ ಕಡಿಮೆ ಸ್ಟಾಪ್ಲಾಸ್‌ವರೆಗೆ ಉಳಿಸಿಕೊಳ್ಳಬಹುದು.

ಗ್ಲೋಬ್ ಕ್ಯಾಪಿಟಲ್ ಮಾರ್ಕೆಟ್ಸ್‌ನ ಎವಿಪಿ-ರಿಸರ್ಚ್ ಪ್ರಕಾರ, ಸ್ಟಾಕ್ ಈಗಲೂ ಚಾರ್ಟ್‌ನಲ್ಲಿ ಉತ್ತಮ ಸ್ಥಾನದಲ್ಲಿದೆ ಮತ್ತು ಅಲ್ಪಾವಧಿಯ ವ್ಯಾಪಾರಿಗಳು 4,000 ಕ್ಕಿಂತ ಕಡಿಮೆ ಸ್ಟಾಪ್ ನಷ್ಟವನ್ನು ಉಳಿಸಿಕೊಂಡು ಬಂದಿವೆ.

ಮಧ್ಯಾಹ್ನ 12.20ಕ್ಕೆ ಐಆರ್‌ಸಿಟಿಸಿ ಷೇರುಗಳು ಎನ್‌ಎಸ್‌ಇನಲ್ಲಿ 419.25 ರೂಪಾಯಿ ಅಥವಾ ಶೇಕಡಾ 7.17ರಷ್ಟು ಏರಿಕೆಗೊಂಡು 6,303 ರೂಪಾಯಿಗೆ ಏರಿಕೆಗೊಂಡಿದೆ.