ಭಾರತದಲ್ಲಿ 1,500 ಉದ್ಯೋಗಿಗಳನ್ನು ವಜಾಗೊಳಿಸಲಿದೆ ನೋಕಿಯಾ
ಫಿನ್ಲೆಂಡ್ನ ಟೆಲಿಕಾಂ ಸಮೂಹ ನೋಕಿಯಾ ಮುಂದಿನ ದಿನಗಳಲ್ಲಿ ಜಾಗತಿಕ ವೆಚ್ಚ ಕಡಿತಗಳ ಭಾಗವಾಗಿ ಭಾರತದಲ್ಲಿ ಸುಮಾರು 1,500 ಉದ್ಯೋಗಿಗಳನ್ನು ವಜಾಗೊಳಿಸಲಿದೆ. ಜಾಗತಿಕವಾಗಿ ಮುಂದಿನ ಎರಡು ವರ್ಷಗಳಲ್ಲಿ 10,000 ಉದ್ಯೋಗ ಕಡಿತಗೊಳಿಸಲಿದೆ.
ಈ ವೆಚ್ಚ ಕಡಿತದಿಂದಾಗಿ ಟೆಲಿಕಾಂ ಬೆಲ್ವೆಥರ್ ಸಂಶೋಧನೆ ಮತ್ತು ಅಭಿವೃದ್ಧಿ ಸಾಮರ್ಥ್ಯಗಳತ್ತ ಹೂಡಿಕೆಯನ್ನು ಕಂಪನಿಯು ಉದ್ದೇಶಿಸಿದೆ.
''ಪುನರ್ರಚನೆ ಯೋಜನೆಗಳು ನೋಕಿಯಾದ ಜಾಗತಿಕ ಕಾರ್ಯಾಚರಣೆಗಳ ಜೊತೆಗೆ ಅದರ ಭಾರತದ ಕಾರ್ಯಾಚರಣೆಗಳ ಮೇಲೂ ಪರಿಣಾಮ ಬೀರುತ್ತದೆ. ಈ ನಿಟ್ಟಿನಲ್ಲಿ ಸಮಾಲೋಚನೆ ಪ್ರಕ್ರಿಯೆಗಳು ಶೀಘ್ರದಲ್ಲೇ ಪ್ರಾರಂಭವಾಗುವ ಸಾಧ್ಯತೆಯಿದೆ" ಎಂದು ನೋಕಿಯಾ ವಕ್ತಾರರು ಟೈಮ್ಸ್ ಆಫ್ ಇಂಡಿಯಾಕ್ಕೆ ತಿಳಿಸಿದ್ದಾರೆ.
2 ವರ್ಷದಲ್ಲಿ 10,000 ಉದ್ಯೋಗ ಕಡಿತಗೊಳಿಸಲಿರುವ ನೋಕಿಯಾ
ಏಷ್ಯಾ-ಪೆಸಿಫಿಕ್ ಪ್ರದೇಶದ ತನ್ನ 20,511 ಉದ್ಯೋಗಿಗಳಲ್ಲಿ, ನೋಕಿಯಾ ಭಾರತದಲ್ಲಿ 15,000 ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಹೊಂದಿದೆ. ನೋಕಿಯಾದ ಕಾರ್ಯಾಚರಣೆಗಳು ಭಾರತದ ಐದು ಪ್ರಮುಖ ಸ್ಥಳಗಳಲ್ಲಿ ಕೇಂದ್ರೀಕೃತವಾಗಿವೆ. ಬೆಂಗಳೂರು, ಚೆನ್ನೈ, ಗುರಗಾಂವ್, ಮುಂಬೈ ಮತ್ತು ನೋಯ್ಡಾದಲ್ಲಿ ನೋಕಿಯಾ ತನ್ನ ಪ್ರಮುಖ ಕಚೇರಿಗಳನ್ನು ಒಳಗೊಂಡಿದೆ.