2 ವರ್ಷದಲ್ಲಿ 10,000 ಉದ್ಯೋಗ ಕಡಿತಗೊಳಿಸಲಿರುವ ನೋಕಿಯಾ

ಸ್ವೀಡನ್‌ನ ಎರಿಕ್ಸನ್ ಮತ್ತು ಚೀನಾದ ಹುವಾಯಿಗೆ ಸ್ಪರ್ಧೆಯೊಡ್ಡಲು ಪ್ರಯತ್ನಿಸುತ್ತಿರುವ ಫಿನ್ಲೆಂಡ್‌ನ ಟೆಲಿಕಾಂ ಸಮೂಹ ನೋಕಿಯಾ ಮುಂದಿನ ಎರಡು ವರ್ಷಗಳಲ್ಲಿ 10,000 ಉದ್ಯೋಗಗಳನ್ನು ಕಡಿತಗೊಳಿಸುವ ಯೋಜನೆಯನ್ನು ಪ್ರಕಟಿಸಿದೆ. ಈ ಮೂಲಕ ವೆಚ್ಚ ತಗ್ಗಿಸಲು ಯೋಜಿಸಿರುವುದಾಗಿ ಅತ್ಯಂತ ಹಳೆಯ ಟೆಲಿಕಾಂ ಕಂಪನಿಯು ಹೇಳಿದೆ.

''ಕಂಪನಿಯ ಹಿಂದಿನ ನಿರ್ವಹಣೆಯಡಿಯಲ್ಲಿ ಉತ್ಪನ್ನದಲ್ಲಿ ಆದ ತಪ್ಪು ಹೆಜ್ಜೆಗಳಿಂದ ಚೇತರಿಸಿಕೊಳ್ಳಲು ಬದಲಾವಣೆಗಳನ್ನು ಮಾಡುತ್ತಿರುವುದಾಗಿ'' 2020ರಲ್ಲಿ ಅಧಿಕಾರ ವಹಿಸಿಕೊಂಡ ಮುಖ್ಯ ಕಾರ್ಯನಿರ್ವಾಹಕ ಪೆಕ್ಕಾ ಲುಂಡ್‌ಮಾರ್ಕ್ ಹೇಳಿದ್ದಾರೆ.

ಅಕ್ಟೋಬರ್‌ನಲ್ಲಿ ತನ್ನ ಹೊಸ ಕಾರ್ಯತಂತ್ರವನ್ನು ಘೋಷಿಸಿದ ಪೆಕ್ಕಾ ಲುಂಡ್‌ಮಾರ್ಕ್ ನಾಲ್ಕು ವ್ಯಾಪಾರ ಗುಂಪನ್ನು ಹೊಂದಿರುವುದಾಗಿ ಮತ್ತು ಕಂಪನಿಯು 5 ಜಿ ಯಲ್ಲಿ ಮುನ್ನಡೆ ಸಾಧಿಸಲು "ಏನು ಬೇಕಾದರೂ ಮಾಡುತ್ತದೆ" ಎಂದು ತಿಳಿಸಿದ್ದಾರೆ.

ಕಂಪನಿಯು ತನ್ನ ದೀರ್ಘಕಾಲಿಕ ಯೋಜನೆಗಳನ್ನು ಪ್ರಸ್ತುತಪಡಿಸುತ್ತಿದ್ದು, ಹಣಕಾಸಿನ ಗುರಿಗಳನ್ನು ನಿಗದಿಪಡಿಸುತ್ತದೆ ಎಂದು ಲುಂಡ್‌ಮಾರ್ಕ್ ಹೇಳಿದ್ದಾರೆ. 2030ರ ವೇಳೆಗೆ ಸುಮಾರು 600 ಮಿಲಿಯನ್ ಯೂರೋಗಳಷ್ಟು ($715) ಪುನರ್‌ರಚನೆ ಮತ್ತು ಸಂಬಂಧಿತ ಶುಲ್ಕಗಳನ್ನು ನಿರೀಕ್ಷಿಸುತ್ತಿದೆ ಎಂದು ಕಂಪನಿಯು ಹೇಳಿಕೆಯಲ್ಲಿ ತಿಳಿಸಿದೆ.