ತೈಲ ಬೇಡಿಕೆ 66% ಕುಸಿದರೂ, ಸತತ 25ನೇ ದಿನವೂ ಪೆಟ್ರೋಲ್-ಡೀಸೆಲ್ ದರದಲ್ಲಿ ಇಳಿಕೆ ಇಲ್ಲ!
ದೇಶದಲ್ಲಿ ಲಾಕ್ಡೌನ್ ಸಮಯದಲ್ಲಿ ತೈಲ ಬೇಡಿಕೆಯು ಭಾರೀ ಪ್ರಮಾಣದಲ್ಲಿ ಇಳಿಕೆಗೊಂಡರೂ ಸತತ 25ನೇ ದಿನವೂ ಪೆಟ್ರೋಲ್, ಡೀಸೆಲ್ ದರದಲ್ಲಿ ಯಾವುದೇ ಇಳಿಕೆ ಆಗಿಲ್ಲ
21 ದಿನಗಳ ಲಾಕ್ಡೌನ್ ಇಂದಾಗಿ ಏಪ್ರಿಲ್ ತಿಂಗಳಿನಲ್ಲಿ ತೈಲ ಬೇಡಿಕೆಯು ಸುಮಾರು 66 ಪರ್ಸೆಂಟ್ನಷ್ಟು ಕುಸಿದಿದೆ. ಇದರಿಂದಾಗಿ ತೈಲ ಕಂಪನಿಗಳು ಸೇರಿದಂತೆ ವಿಶ್ವದಾದ್ಯಂತ ತೈಲ ಉತ್ಪಾದಕರು ಲಕ್ಷಾಂತರ ಕೋಟಿ ನಷ್ಟ ಅನುಭವಿಸಿದ್ದಾರೆ. ಇಷ್ಟಾದರೂ ದೇಶದಲ್ಲಿ, ರಾಜ್ಯದಲ್ಲಿ ತೈಲ ಬೆಲೆ ಇಳಿಕೆಯಾಗಿಲ್ಲ. ಕರ್ನಾಟಕ, ಮಹಾರಾಷ್ಟ್ರ, ಪಶ್ಚಿಮ ಬಂಗಾಳದಲ್ಲಿ ವ್ಯಾಟ್ ಹೆಚ್ಚಳ ಮಾಡಿದ ಪರಿಣಾಮ ದರಗಳು 1 ರಿಂದ 1.5 ರುಪಾಯಿಯಷ್ಟು ಏರಿಕೆಯಾಗಿದೆ.
ಲಾಕ್ಡೌನ್ ಹಿನ್ನೆಲೆ ಅಗತ್ಯ ಸೇವೆಗಳ ವಿಭಾಗಕ್ಕೆ ಸೇರಿರುವವರು ಮಾತ್ರ ಹೆಚ್ಚು ಇಂಧನವನ್ನು ಖರೀದಿಸುತ್ತಿದ್ದಾರೆ. ಹೀಗಾಗಿ ದೇಶದಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಬೇಡಿಕೆಯು 66 ಪರ್ಸೆಂಟ್ನಷ್ಟು ಕಡಿಮೆಯಾಗಿದೆ. ಲಾಕ್ಡೌನ್ ತೆರವುಗೊಂಡ ಬಳಿಕ ಮತ್ತು ಸಾರ್ವಜನಿಕ ಸಾರಿಗೆ ಪುನರಾರಂಭಿಸಿದಾಗ ಬೇಡಿಕೆ ಹೆಚ್ಚಾಗುತ್ತದೆ ಎಂದು ನಿರೀಕ್ಷಿಸಲಾಗಿದೆ.
ದೇಶದ ಪ್ರಮುಖ ನಗರಗಳಲ್ಲಿ ಇಂದಿನ ಪೆಟ್ರೋಲ್, ಡೀಸೆಲ್ ದರವು ಲೀಟರ್ಗೆ ಎಷ್ಟಿದೆ ಎಂಬುದು ಈ ಕೆಳಕಂಡಂತಿದೆ.
ನಗರ | ಪೆಟ್ರೋಲ್ ದರ | ಡೀಸೆಲ್ ದರ |
ಬೆಂಗಳೂರು | 73.55 | 65.96 |
ದೆಹಲಿ | 69.59 | 62.29 |
ಕೊಲ್ಕತ್ತಾ | 73.30 | 65.62 |
ಮುಂಬೈ | 76.31 | 66.21 |
ಚೆನ್ನೈ | 72.28 | 65.71 |
ಗುರುಗಾವ್ | 70.18 | 62.05 |
ನೊಯ್ಡ | 72.01 | 62.95 |
ಭುವನೇಶ್ವರ್ | 68.43 | 66.56 |
ಚಂಡೀಗಡ | 65.82 | 59.30 |
ಹೈದ್ರಾಬಾದ್ | 73.97 | 67.82 |
ಜೈಪುರ | 75.71 | 69.39 |
ಲಕ್ನೋ | 71.81 | 62.76 |
ಪಾಟ್ನಾ | 74.51 | 67.07 |
ತ್ರಿವೆಂಡ್ರಮ್ | 72.67 | 66.88 |