For Quick Alerts
ALLOW NOTIFICATIONS  
For Daily Alerts

ಜಗತ್ತಿನ ಬೃಹತ್ ಇಂಧನ ಕಂಪನಿಗಳ ಸಾಲಿಗೆ ಸೇರಿದ ರಿಲಯನ್ಸ್

|

ಏಷ್ಯಾದ ನಂಬರ್ 1 ಶ್ರೀಮಂತ ಮುಖೇಶ್ ಅಂಬಾನಿ ಒಡೆತನದ ರಿಲಯನ್ಸ್ ಇಂಡಸ್ಟ್ರೀಸ್ ಏಷ್ಯಾದಲ್ಲಿ ಅಷ್ಟೇ ಅಲ್ಲ ಇದೀಗ ಜಗತ್ತಿನ ದೈತ್ಯ ಕಂಪನಿಗಳ ಸಾಲಿಗೆ ಸೇರಿಕೊಂಡಿದೆ. 10 ಲಕ್ಷ ಕೋಟಿ ಮಾರುಕಟ್ಟೆ ಮೌಲ್ಯವನ್ನು ಸಮೀಪಿಸಿರುವ ರಿಲಿಯನ್ಸ್ ಇಂಡಸ್ಟ್ರೀಸ್ ಇದೀಗ ಜಗತ್ತಿನ ಬೃಹತ್ ಇಂಧನ ಕಂಪನಿಗಳ ಸಾಲಿನಲ್ಲಿ 6ನೇ ಸ್ಥಾನಕ್ಕೇರಿದೆ.

 

ರಿಲಯನ್ಸ್ ಇಂಡಸ್ಟ್ರಿಯ ಷೇರುಗಳು ಕಳೆದ 3 ದಿನಗಳಲ್ಲಿ ಏರುತ್ತಲೇ ಸಾಗಿವೆ. 2019ನೇ ಇಸವಿಯಲ್ಲಿ ಕಂಪನಿಯ ಷೇರು ಮೌಲ್ಯದಲ್ಲಿ ಶೇಕಡಾ 36ರಷ್ಟು ಏರಿಕೆಯಾಗಿದೆ.

 
ಜಗತ್ತಿನ ಬೃಹತ್ ಇಂಧನ ಕಂಪನಿಗಳ ಸಾಲಿಗೆ ಸೇರಿದ ರಿಲಯನ್ಸ್

ಜಿಯೋ ಕೂಡ ಡೇಟಾ ಹಾಗೂ ದರ ಏರಿಕೆ ಮಾಡುವುದಾಗಿ ಘೋಷಿಸಿದ ಬಳಿಕ ರಿಲಯನ್ಸ್ ಕಂಪನಿಯ ಷೇರುಗಳು ಶೇಕಡಾ 6ರಷ್ಟು ಏರಿಕೆಗೊಂಡು ಉತ್ತಮ ವಹಿವಾಟು ನಡೆಸಿವೆ. ಆದರೆ ಗುರುವಾರ ಸ್ವಲ್ಪ ಮಟ್ಟಿಗೆ ಶೇಕಡಾ 0.46ರಷ್ಟು ಕುಸಿತ ಕಂಡಿದ್ದು ಬಿಟ್ಟರೆ ರಿಲಯನ್ಸ್ ಒಟ್ಟಾರೆ ಮಾರುಕಟ್ಟೆ ಮೌಲ್ಯ 10 ಲಕ್ಷ ಸಮೀಪದಲ್ಲಿದೆ.

ಬುಧವಾರ 10 ಲಕ್ಷ ಕೋಟಿ ಮಾರುಕಟ್ಟೆ ಮೌಲ್ಯವನ್ನ ಸಂಪಾದಿಸಿದ ರಿಲಯನ್ಸ್ ವಿಶ್ವದ ದೈತ್ಯ ಇಂಧನ ಕಂಪನಿಗಳಲ್ಲಿ ಒಂದಾದ ಬ್ರಿಟಿಷ್ ಪೆಟ್ರೋಲಿಯಂ (ಬಿಪಿ ಪಿಎಎಲ್‌ಸಿ)ಯನ್ನು ಹಿಂದಿಕ್ಕಿದೆ. ಆ ಮೂಲಕ ವಿಶ್ವದ 6ನೇ ಅತಿದೊಡ್ಡ ಇಂಧನ ಕಂಪನಿಯಾಗಿ ಹೊರಹೊಮ್ಮಿದೆ.

ರಿಲಯನ್ಸ್ ಇಂಡಸ್ಟ್ರೀಸ್ ಷೇರು ದಾಖಲೆ ಜಿಗಿತ; ದಿನಾಂತ್ಯಕ್ಕೆ 1509.80ರಿಲಯನ್ಸ್ ಇಂಡಸ್ಟ್ರೀಸ್ ಷೇರು ದಾಖಲೆ ಜಿಗಿತ; ದಿನಾಂತ್ಯಕ್ಕೆ 1509.80

ಒಟ್ಟಾರೆ 58 ಬಿಲಿಯನ್ ಅಮೆರಿಕನ್ ಡಾಲರ್ (ಪ್ರಸ್ತುತ ಭಾರತದ ರುಪಾಯಿಗಳಲ್ಲಿ 1 ಬಿಲಿಯನ್‌ ಅಮೆರಿಕನ್ ಡಾಲರ್ ಗೆ 7,176 ಕೋಟಿ 40 ಲಕ್ಷ) ಒಡೆಯನಾಗಿರುವ ಮುಖೇಶ್ ಅಂಬಾನಿ ಏಷ್ಯಾದ ನಂಬರ್ 1 ಶ್ರೀಮಂತ. 2ನೇ ಸ್ಥಾನದಲ್ಲಿ ಅಲಿಬಾಬಾ ಗ್ರೂಪ್ ಸಂಸ್ಥಾಪಕ ಜಾಕ್ ಮಾ ಇದ್ದು ಅವರ ಆಸ್ತಿ 42.8 ಬಿಲಿಯನ್ ಅಮೆರಿಕನ್ ಡಾಲರ್.

ವಿಶ್ವದ ಟಾಪ್ ಶ್ರೀಮಂತರಲ್ಲಿ ಅಂಬಾನಿ 12ನೇ ಸ್ಥಾನ ಪಡೆದಿದ್ದು, ಮೊದಲ ಸ್ಥಾನದಲ್ಲಿ ಮೈಕ್ರೋಸಾಫ್ಟ್ ಸಹ ಸಂಸ್ಥಾಪಕ ಬಿಲ್‌ಗೇಟ್ಸ್‌ ಇದ್ದಾರೆ.

English summary

Reliance Become World's 6th Largest Energy Company

Reliance industries which is fast nearing the 10 lakh crore market value mark, become the world'd 6th largest energy company.
Story first published: Thursday, November 21, 2019, 17:16 [IST]
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X