SBI ಉಳಿತಾಯ ಖಾತೆಯಲ್ಲಿ ಇನ್ಮುಂದೆ ಮಿನಿಮಮ್ ಬ್ಯಾಲೆನ್ಸ್ ಬೇಕಿಲ್ಲ
ದೇಶದ ಬಹುದೊಡ್ಡ ಸರ್ಕಾರಿ ಸ್ವಾಮ್ಯದ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಫಿಕ್ಸೆಡ್ ಡೆಪಾಸಿಟ್ ಮೇಲಿನ ಬಡ್ಡಿದರಗಳನ್ನು ಇಳಿಸಿದ ಬೆನ್ನಲ್ಲೇ ಮಿನಿಮಮ್ ಬ್ಯಾಲೆನ್ಸ್ ಇಟ್ಟುಕೊಳ್ಳುವ ನಿಯಮವನ್ನು ತೆಗೆದುಹಾಕಿದೆ.
ಈ ಹಿಂದೆ ಉಳಿತಾಯ ಖಾತೆಯಲ್ಲಿ ಮಿನಿಮಮ್ ಬ್ಯಾಲೆನ್ಸ್ ಇಟ್ಟುಕೊಳ್ಳಬೇಕಾದ ನಿಯಮವಿತ್ತು. ಆದರೆ ಆ ನಿಯಮವನ್ನು ತೆಗೆದು ಹಾಕುವುದರ ಜೊತೆಗೆ ಎಸ್ಎಂಎಸ್ ಶುಲ್ಕವನ್ನು ಸಹ ತೆಗೆದು ಹಾಕಲಾಗಿದ್ದು, ಗ್ರಾಹಕರು ನಿರಾಳರಾಗಿದ್ದಾರೆ.
ಎಸ್ಬಿಐನಲ್ಲಿ ಒಟ್ಟಾರೆ 44.51 ಕೋಟಿಯಷ್ಟು ಉಳಿತಾಯ ಖಾತೆಗಳಿವೆ. ಸದ್ಯ ಮಹಾ ನಗರಗಳಲ್ಲಿ 3,000 ಸಾವಿರ, ಅರೆ ನಗರಗಳಲ್ಲಿ 2,000 ಹಾಗೂ ಗ್ರಾಮೀಣ ಪ್ರದೇಶಗಳಲ್ಲಿ 1,000 ರುಪಾಯಿ ಮಿನಿಮಮ್ ಬ್ಯಾಲೆನ್ಸ್ ಇಟ್ಟುಕೊಳ್ಳಬೇಕಿತ್ತು. ಒಂದು ವೇಳೆ ಸಾಧ್ಯವಾಗದಿದ್ದರೆ 5 ರಿಂದ 15 ರುಪಾಯಿ ಸೇರಿದಂತೆ ತೆರಿಗೆಯನ್ನು ದಂಡವಾಗಿ ಪಾವತಿಸಬೇಕಿತ್ತು.
ಹಾಲಿ, ಉಳಿತಾಯ ಖಾತೆಗಳಲ್ಲಿ ಒಂದು ಲಕ್ಷದವರೆಗಿನ ಠೇವಣಿಗೆ ಉಳಿತಾಯ ಖಾತೆ ಮೇಲೆ 3.25 ತೆರಿಗೆ ದರ ಇದೆ. ಹಾಗೂ ಒಂದು ಲಕ್ಷಕ್ಕಿಂತ ಹೆಚ್ಚಿನ ಠೇವಣಿಗೆ 3 ಪರ್ಸೆಂಟ್ರಷ್ಟು ಬಡ್ಡಿ ದರ ಇದೆ. ಆದರೆ ಈಗ ಆ ದರವನ್ನು 3 ಪರ್ಸೆಂಟ್ಗೆ ಉಳಿಸಿದೆ.